కొనసాగింపా..శీతాకాలమా?
పార్లమెంట్ సమావేశాలు ఈనెల 30 నుంచి ప్రారంభమయ్యే అవకాశాలు ఉన్నాయి. ఇందుకు సంబంధించి జాతీయ స్థాయిలో జోరుగా ఊహాగానాలు సాగుతున్నాయి. ఆగస్టు 13న పార్లమెంట్ ఉభయ సభలు నిరవధికంగా వాయిదాపడ్డాయి. అయితే ఇప్పటివరకు లోక్సభ లేదా రాజ్యసభలలో ఏ సభ కూడా అధికారికంగా ప్రొరోగ్(ముగింపు) కాలేదు. పార్లమెంట్ వర్షాకాల సమావేశాలు 100 రోజుల పాటు ముగింపు(ప్రొరోగ్) లేకుండా కొనసాగి కొత్త రికార్డును సృష్టించాయి.
- 30 నుంచి పార్లమెంట్ సెషన్!
- 100 రోజులు పూర్తయినా ప్రొరోగ్ కాని ఉభయ సభలు
- డీలిమిటేషన్ బిల్లు ప్రవేశపెట్టడంపై కొనసాగుతున్న ఉత్కంఠ
న్యూఢిల్లీ: పార్లమెంట్ సమావేశాలు ఈనెల 30 నుంచి ప్రారంభమయ్యే అవకాశాలు ఉన్నాయి. ఇందుకు సంబంధించి జాతీయ స్థాయిలో జోరుగా ఊహాగానాలు సాగుతున్నాయి. ఆగస్టు 13న పార్లమెంట్ ఉభయ సభలు నిరవధికంగా వాయిదాపడ్డాయి. అయితే ఇప్పటివరకు లోక్సభ లేదా రాజ్యసభలలో ఏ సభ కూడా అధికారికంగా ప్రొరోగ్(ముగింపు) కాలేదు. పార్లమెంట్ వర్షాకాల సమావేశాలు 100 రోజుల పాటు ముగింపు(ప్రొరోగ్) లేకుండా కొనసాగి కొత్త రికార్డును సృష్టించాయి.
గత రికార్డు 87 రోజులుగా 2008లో నమోదైంది. ప్రస్తుత సమావేశాన్ని పొడిగించాలంటే కనీసం రెండు రోజుల ముందుగానే నోటీసు ఇవ్వాల్సి ఉంటుంది. అదే కొత్త సమావేశాన్ని ఏర్పాటు చేయాలంటే కనీసం 14 రోజుల ముందు నోటీసు ఇవ్వాలి. ఒక సభను నిరవధికంగా వాయిదా వేసిన తర్వాత దానిని ముగించేందుకు(ప్రొరోగ్) రాజ్యాంగం ఎటువంటి నిర్దిష్ట కాలవ్యవధిని నిర్ణయించలేదు. ఒక సమావేశాన్ని సుదీర్ఘకాలం పాటు ముగించకుండా ఉంచడం ఎటువంటి రాజ్యాంగపరమైన లేదా విధానపరమైన తప్పిదం అనిపించుకోదు. అదే సమయంలో మహిళా రిజర్వేషన్ చట్టాన్ని అమలు చేసేందుకు ఉద్దేశించిన రాజ్యాంగ సవరణను ఆమోదింపచేసేందుకు ప్రభుత్వం ప్రత్యేక సమావేశాన్ని ఏర్పాటు చేస్తుందా లేదా అన్న ఉత్కంఠ ఇంకా కొనసాగుతున్నది.
మెజారిటీపై ధీమా
రాజ్యాంగ సవరణ బిల్లును ఆమోదింపచేసేందుకు ప్రత్యేక సమావేశాన్ని ఏర్పాటు చేయడం లేదా ప్రస్తుత సమావేశాలను పొడిగించడం వంటి అవకాశాలను ప్రభుత్వం పరిశీలిస్తున్నది. ఈ బిల్లు లోక్సభలో 15 నుంచి 18 ఓట్ల మెజారిటీతో ఆమోదం పొందుతుందని ప్రభుత్వ వర్గాలు గతంలోనే ధీమా వ్యక్తం చేశాయి. అయితే ప్రతిపాదిత సమావేశానికి సంబంధించి తేదీలు లేదా వ్యవధిని ఇప్పటివరకు అధికారికంగా ప్రకటించలేదు. నియోజకవర్గాల పునర్విభజన(డీలిమిటేషన్) ద్వారా లోక్సభ స్థానాల సంఖ్యను ప్రస్తుతం ఉన్న 543 నుంచి గరిష్ఠంగా 850కి పెంచాలని ప్రతిపాదిత సవరణ లక్ష్యంగా పెట్టుకుంది. దక్షిణాది రాష్ర్టాల ఆందోళనలను పరిష్కరించేందుకు ప్రతి రాష్ర్టానికి లోక్సభ స్థానాల సంఖ్యను 50 శాతం పెంచే అంశాన్ని ప్రభుత్వం పరిశీలిస్తున్నట్టు సమాచారం. 1971 జనాభా లెక్కల ఆధారంగా రాష్ర్టాల వారీ సీట్ల కేటాయింపు నిష్పత్తిని అలాగే కొనసాగించడం పరిశీలనలో ఉన్న ప్రతిపాదనల్లో ఒకటి. అయితే దీనిపై ఇంకా ఎటువంటి తుది నిర్ణయం తీసుకోలేదు.
విపక్షాల ఆగ్రహం
పార్లమెంట్ సమావేశాల నిర్వహణపై ఏర్పడిన అనిశ్చితి పట్ల విపక్షాలు తీవ్ర ఆగ్రహం వ్యక్తం చేశాయి. సీపీఎం ఎంపీ బ్రిట్టాస్ మాట్లాడుతూ సాధారణంగా పార్లమెంట్ శీతాకాల సమావేశాలు నవంబర్ చివరలో ప్రారంభమై డిసెంబర్లో క్రిస్మస్కు ముందే ముగుస్తాయని పేర్కొన్నారు.
డీఎంకేతో ప్రభుత్వం మంతనాలు
రాజ్యాంగ సవరణ బిల్లుకు మద్దతు కోరుతూ కేంద్ర ప్రభుత్వం డీఎంకేను సంప్రదించిందని, అయితే ఆ పార్టీ ముసాయిదా చట్టం కోసం, అలాగే అన్ని రాష్ర్టాల్లో 50 శాతం ఏకరీతి సీట్ల పెంపుపై లిఖితపూర్వక హామీల కోసం ఎదురుచూస్తున్నదని ది న్యూ ఇండియన్ ఎక్స్ప్రెస్ ఇటీవల పేర్కొంది. సముచితమైన నియోజకవర్గాల పునర్విభజన జరగాలనే డిమాండ్పై డీఎంకే స్పష్టంగా ఉంది. ఇప్పటివరకు మాతో ఎటువంటి చర్చలు జరగలేదు. కేంద్రం ప్రవేశపెట్టే బిల్లులో ఏముంటుందో చూద్దాం. ఆ తర్వాత మా వైఖరిని తెలియచేస్తాం అని డీఎంకే ఎంపీ కనిమొళి ఈనెల 18న పేర్కొన్నారు. ఎన్సీపీ(ఎస్పీ) బిల్లుకు మద్దతు ఇవ్వొచ్చనే ఊహాగానాలు కొనసాగుతున్నాయి.
Read Today's Latest National News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

