బీఆర్ఎస్దే విజయం
రాష్ట్రంలో కాంగ్రెస్ పని ఖతమైందని, ఎన్నికలకు రెండేండ్లున్నా బీఆర్ఎస్లోకి వెల్లువెత్తుతున్న చేరికలే అందుకు నిదర్శనమని మాజీ మంత్రి, బీఆర్ఎస్ఎల్పీ డిప్యూటీ లీడర్ హరీశ్రావు స్పష్టంచేశారు. ఏ సర్వే నివేదిక చూసినా కాంగ్రెస్ గద్దెదిగడం ఖాయమని తేటతెల్లమవుతున్నదని చెప్పారు. మూడేండ్ల కాంగ్రెస్ పాలనతో విసిగిపోయిన అన్ని వర్గాల ప్రజలు కేసీఆర్ వైపు చూస్తున్నారని పేర్కొన్నారు.
- అన్ని సర్వేల్లోనూ అదే విషయం స్పష్టం
- రేవంత్ దోపిడీపై వాళ్ల ఎమ్మెల్యేలే చెప్తున్నరు
- ఖైరతాబాద్లో ఎగిరేది గులాబీ జెండానే
- బడే భాయ్.. చోటే భాయ్తో తెలంగాణ బలి
- బీఆర్ఎస్ఎల్పీ డిప్యూటీ ఫ్లోర్ లీడర్ హరీశ్రావు
- బీఆర్ఎస్లో ఖైరతాబాద్ కాంగ్రెస్ నేతల చేరిక
హైదరాబాద్, నవంబర్ 21 (నమస్తే తెలంగాణ) : రాష్ట్రంలో కాంగ్రెస్ పని ఖతమైందని, ఎన్నికలకు రెండేండ్లున్నా బీఆర్ఎస్లోకి వెల్లువెత్తుతున్న చేరికలే అందుకు నిదర్శనమని మాజీ మంత్రి, బీఆర్ఎస్ఎల్పీ డిప్యూటీ లీడర్ హరీశ్రావు స్పష్టంచేశారు. ఏ సర్వే నివేదిక చూసినా కాంగ్రెస్ గద్దెదిగడం ఖాయమని తేటతెల్లమవుతున్నదని చెప్పారు. మూడేండ్ల కాంగ్రెస్ పాలనతో విసిగిపోయిన అన్ని వర్గాల ప్రజలు కేసీఆర్ వైపు చూస్తున్నారని పేర్కొన్నారు. శనివారం తెలంగాణ భవన్లో ఖైరతాబాద్ కాంగ్రెస్ నేతలు ప్రవీణ్, శ్రీనాథ్ తదితరులు మాజీ మంత్రి తలసాని శ్రీనివాస్యాదవ్ సమక్షంలో బీఆర్ఎస్లో చేరగా, హరీశ్రావు .. వారికి గులాబీ కండువాలు కప్పి సాదరంగా ఆహ్వానించారు. అనంతరం ఆయన మాట్లాడారు. ఖైరతాబాద్ ఉప ఎన్నికలో ఎగిరేది గులాబీ జెండాయేనని ధీమా వ్యక్తంచేశారు.
రేవంత్రెడ్డిని ఎర్రగడ్డలో చేర్చించాలె
సొంత పార్టీ ఎమ్మెల్యేల తిరుగుబాటుతో సీఎం రేవంత్రెడ్డిలో అసహనం పెరిగిపోతున్నదని హరీశ్రావు విమర్శించారు. సిద్దిపేటకు వెళ్లి ఆగమాగం చేశారని, ఆయనకు పిచ్చి పీక్స్టేజ్కి చేరిందంటూ చురకలంటించారు. ‘సీఎం రేవంత్రెడ్డిని మేం కాదు.. కాంగ్రెస్ ఎమ్మెల్యేలే పొట్టుపొట్టు తిడుతున్నరు.. అయ్యప్ప మాలలో ఉన్న రాజగోపాల్రెడ్డి సీఎం 5లక్షల కోట్ల అవినీతి చేసిండని అంటున్నడు. 20శాతం కమీషన్ ఇస్తేనే పనులు జరుగుతాయని అనిరుధ్రెడ్డి అంటున్నడు’ అని గుర్తుచేశారు. పిచ్చి ముదిరి నోటికొచ్చినట్టు మాట్లాడుతున్న రేవంత్రెడ్డిని ఎర్రగడ్డలో వేయాలని అని దెప్పిపొడిచారు.

హైదరాబాద్ బ్రాండ్ ఇమేజ్ డ్యామేజ్
కేసీఆర్ పాలనలో రూపుదిద్దుకున్న హైదరాబాద్ బ్రాండ్ ఇమేజ్ రేవంత్ పాలనలో డ్యామేజ్ అయిందని హరీశ్రావు విమర్శించారు. బీఆర్ఎస్ హయాంలో నీళ్లు, కరెంట్కు ఎలాంటి బాధలేదని, కానీ ఇప్పుడు చలికాలంలో రోజుకు 80 వేల ట్యాంకర్లు వినియోగించాల్సిన దుస్థితి నెలకొన్నదని ధ్వజమెత్తారు. పీజేఆర్ ఎమ్మెల్యేగా ఉన్నప్పుడు నగరంలో నిత్యం ఖాళీ బిందెల ప్రదర్శన ఉండేదని, కేసీఆర్ వచ్చాక ఆ కష్టం తీరిందని స్పష్టంచేశారు. కేసీఆర్ ఇచ్చిన ఉచిత నల్లాను కాంగ్రెస్ ఉత్త నల్లా చేసిందని ఎద్దేవా చేశారు.
ఆ శాఖలకు సెక్రటరీలేరి?
పరిశ్రమలు వస్తున్నాయని సమ్మిట్ల పేరిట గొప్పలు చెప్తున్న రేవంత్రెడ్డి.. చిత్తశుద్ధి ఉంటే శ్వేతపత్రం విడుదల చేయాలని హరీశ్రావు డిమాండ్ చేశారు. రాష్ర్టానికి వచ్చే పరిశ్రమలు దేవుడెరుగు.. రెండేండ్ల నుంచి పరిశ్రమలు, ఐటీ శాఖలకు కనీసం ప్రిన్సిపల్ సెక్రటరీలను కూడా నియమించలేదని ఆయన ఆరోపించారు. సెక్రటరీలను నియమించడం చేతగాని రేవంత్రెడ్డి పరిశ్రమలు, పెట్టుబడుల గురించి మాట్లాడడం సిగ్గుచేటని మండిపడ్డారు. కేసీఆర్ పాలనలో పెట్టిన 10 లక్షల సీసీ కెమెరాల్లో ఇప్పుడు 5 లక్షలు మూతపడ్డా పట్టించుకొనే నాథుడే కరువయ్యారని, హోం మంత్రిగా వ్యవహరిస్తున్న సీఎం రేవంత్రెడ్డి పాలనలో శాంతిభద్రతలు దిగజారాయని, నిత్యం నేరాలు ఘోరాలు జరుగుతున్నాయని ఆరోపించారు. బస్తీ దవాఖానలకు సుస్తీ అయ్యిందని.. ఎల్బీనగర్, సనత్నగర్, అల్వాల్ టిమ్స్లు ఏమయ్యా యని ప్రశ్నించారు. సనత్నగర్ టిమ్స్లో డాక్టర్లు, సిబ్బంది లేరని, కనీసం చికిత్స అందే పరిస్థితి లేకుండా పోయిందని ధ్వజమెత్తారు.
రేవంత్ బిడ్డకు కార్పొరేట్ స్కూళ్లెందుకు?
విద్యాశాఖ మంత్రిగా రేవంత్రెడ్డి ఘోరంగా విఫలమయ్యారని, ఆయన బిడ్డ నైమిషారెడ్డి చేపడుతున్న కొర్పొరేట్ స్కూళ్లే ఇందుకు నిదర్శమని హరీశ్రావు స్పష్టంచేశారు. రేవంత్ విద్యాశాఖ మంత్రిగా ప్రభుత్వ విద్యను బాగుచేసి ఉంటే ఆయన కూతురు కార్పొరేట్ స్కూళ్లు ఎలా పెడుతారని ప్రశ్నించారు. మెగా డీఎస్సీ అని ఊదరగొట్టి గద్దెనెక్కిన తర్వాత నియామకాలు మరచి దగా డీఎస్సీ చేశారని దుయ్యబట్టారు. ఏటా 2లక్షల ఉద్యోగాలని చెప్పి ఇప్పటిదాకా ఇచ్చింది 16వేలు మాత్రమేనని ఆరోపించారు. రీయింబర్స్మెంట్ ఇవ్వకపోవడంతో పేద విద్యార్థుల పరిస్థితి అగమ్యగోచరంగా మారిందని ఆవేదన వ్యక్తంచేశారు. కార్యక్రమంలో బీఆర్ఎస్ నేతలు తలసాని సాయికిరణ్, మన్నె కవిత, ఎర్రోళ్ల శ్రీనివాస్ తదితరులు పాల్గొన్నారు.
Read Today's Latest Hyderabad News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

