మంత్రులపై మత్స్యకారుల తిరుగుబాటు
మంత్రులపై మత్స్యకారులు తిరగబడ్డారు. నాగర్కర్నూల్ జిల్లా కొల్లాపూర్లో మత్స్యకారుల నియోజకవర్గ కమిటీ ఆధ్వర్యంలో శనివారం నిర్వహించిన ప్రపంచ మత్స్యకార దినోత్సవ సభ లో మంత్రులు జూపల్లి కృష్ణారావు, వాకిటి శ్రీహరికి ఘోర అవమానం జరిగింది.
- జూపల్లి, శ్రీహరికి నిరసన సెగ
- కొల్లాపూర్లో ప్రపంచ మత్స్యకార దినోత్సవ సభలో కుర్చీలను నేలకుకొట్టి గోబ్యాక్ అంటూ నినాదాలు
- తమను రెండు వర్గాలుగా విడదీసి వేడుకలు నిర్వహిస్తారా అంటూ మత్స్యకారుల ఆగ్రహం
కొల్లాపూర్, నవంబర్ 21 : మంత్రులపై మత్స్యకారులు తిరగబడ్డారు. నాగర్కర్నూల్ జిల్లా కొల్లాపూర్లో మత్స్యకారుల నియోజకవర్గ కమిటీ ఆధ్వర్యంలో శనివారం నిర్వహించిన ప్రపంచ మత్స్యకార దినోత్సవ సభ లో మంత్రులు జూపల్లి కృష్ణారావు, వాకిటి శ్రీహరికి ఘోర అవమానం జరిగింది. రెండు వేలకు పైగా మత్స్యకారులతో సవ్యంగా జరుగుతున్న సభకు మంత్రులు రావడంతో ఒక్కసారిగా మత్య్సకారులు ఆందోళనకు దిగారు. కుర్చీలను నేలకు కొట్టారు. కొందరు స్టేజీపైకి విసిరేస్తూ ‘కాంగ్రెస్ డౌన్ డౌన్.. మంత్రులు గోబ్యాక్’ అంటూ నినాదాలు చేశారు.
సభను వాకౌట్ చేయడంతో గందగోళంగా మా రింది. తమను రెండు వర్గాలుగా విడదీసి వే డుకలు నిర్వహిస్తారా? అంటూ మంత్రుల ను నిలదీశారు. కల్వకోలులో జూపల్లి తన అ నుచర మత్స్యకారులతో ప్రత్యేక స మావేశాన్ని ఏర్పాటు చేసి చీలికకు కారణమయ్యారని ఆరోపించారు. సభ నుంచి వెళ్లి పోతున్న మత్య్సకారులను కూర్చోబెట్టేందుకు పోలీసులు శతవిధాలా ప్రయత్నించినా లాభం లేకుండాపోయింది. వందలాదిగా ఖాళీగా ఉన్న కుర్చీల మధ్య పదుల సంఖ్యలో ఉన్న జనంతో మంత్రి శ్రీహరి మాట్లాడుతూ.. ఆందోళనకు దిగిన మత్స్యకారులపై అసహనం వ్యక్తంచేశారు.
మత్స్యకారుల గొంతు నొక్కేస్తున్నారని తాను ఇదివరకే సీఎం రేవంత్రెడ్డి దృష్టికి తీసుకెళ్లినట్టు చెప్పారు. నిజాన్ని నిర్భయంగా మాట్లాడేందుకు తాను ఎక్కడా సంకోచించనని స్పష్టంచేశారు. ‘మేము వస్తుంటే.. మీరు పోతుంటే ఎలా? మాకు ఇచ్చే గౌరవం ఇదేనా? అని మంత్రి మత్య్సకారులను ప్రశ్నించారు. చిన్నచిన్న అవమానాలకు భయపడేది లేదని అసహనం వ్యక్తంచేశారు. ఊహించని ఘటన ఎదురుకావడం తో మంత్రి జూపల్లి మాత్రం నాలుగు మా టలు మాట్లాడి సభ నుంచి వెళ్లిపోయారు.
Read Today's Latest Telangana News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

