ఒక్కో గురుకులంలో ఒక్కో వేతనం!
సమాన పనికి సమాన వేతనం సంగతి పక్కనపెడితే పార్ట్టైమ్ టీచర్ల వేతనాల్లో తీవ్ర వ్యత్యాసమున్నది. ఒక్కో గురుకులంలో ఒక్కో పోస్టుకు ఒక్కో విధమైన వేతనాన్ని చెల్లిస్తున్నారు. రాష్ట్రవ్యాప్తంగా బీసీ, మైనారిటీ, ఎస్సీ, ఎస్టీ, జనరల్ గురుకుల సొసైటీల్లో అన్నీకలిపి దాదాపు 1,027 గురుకుల పాఠశాలలు, ఇంటర్, డిగ్రీ కాలేజీలు ఉన్నాయి. వాటిల్లో కాంట్రాక్టు, పార్ట్టైమ్, ఔట్సోర్సింగ్ పద్ధతిలో వేలాది మంది సేవలను అందిస్తున్నారు.
- సమాన వేతనం కోసం పార్ట్టైమ్ టీచర్ల డిమాండ్
- పెంపునకు ఆమోదం తెలిపి ఆరు నెలలు.. నేటికీ అమలవ్వట్లే
హైదరాబాద్, నవంబర్ 21 (నమస్తే తెలంగాణ): సమాన పనికి సమాన వేతనం సంగతి పక్కనపెడితే పార్ట్టైమ్ టీచర్ల వేతనాల్లో తీవ్ర వ్యత్యాసమున్నది. ఒక్కో గురుకులంలో ఒక్కో పోస్టుకు ఒక్కో విధమైన వేతనాన్ని చెల్లిస్తున్నారు. రాష్ట్రవ్యాప్తంగా బీసీ, మైనారిటీ, ఎస్సీ, ఎస్టీ, జనరల్ గురుకుల సొసైటీల్లో అన్నీకలిపి దాదాపు 1,027 గురుకుల పాఠశాలలు, ఇంటర్, డిగ్రీ కాలేజీలు ఉన్నాయి. వాటిల్లో కాంట్రాక్టు, పార్ట్టైమ్, ఔట్సోర్సింగ్ పద్ధతిలో వేలాది మంది సేవలను అందిస్తున్నారు.
టీచింగ్ సిబ్బంది డిగ్రీ కాలేజీ లెక్చరర్ (డీఎల్), జూనియర్ లెక్చరర్ (జేఎల్), టీజీటీ (ట్రైన్డ్ గ్రాడ్యుయేట్ టీచర్లు), పీజీటీ (పోస్ట్ గ్రాడ్యుయేట్ టీచర్లు) పోస్టులున్నాయి. నాన్టీచింగ్ విభాగంలో డ్రైవర్లు, ఆఫీస్ సబార్డినేట్లు, ప్లంబర్, ఎలక్ట్రిషియన్, డాటా ఎంట్రీ ఆపరేటర్లు, రికార్డ్ అసిస్టెంట్లు తదితరులు ఉన్నారు. వారి సర్వీస్ను ఏటా జూన్ నుంచి ఏప్రిల్ వరకు 11నెలల కాలానికి రెన్యువల్ చేస్తూ రావడం పరిపాటి. ప్రస్తుతం అందుబాటులోని వివరాల ప్రకారం వివిధ సొసైటీల్లో క్యాడర్ల వారీగా వేతనాల్లో తీవ్ర వ్యత్యాసాలున్నాయి. సుదీర్ఘకాలంగా పనిచేస్తున్న ఉపాధ్యాయులకూ సముచితమైన వేతనాలు అందడం లేదని తెలుస్తున్నది.
టీచింగ్ ఫ్యాకల్టీనే కాదు నాన్టీచింగ్ సిబ్బంది వేతనాల్లోనూ ఇదే పరిస్థితి నెలకొన్నది. ఎస్సీ, ఎస్టీ డిగ్రీ గురుకుల కాలేజీల్లోని లైబ్రేరియన్లకు రూ.26 వేలు, సూల్ లైబ్రేరియన్లకు 14,170 నుంచి 23,400, అదే బీసీ సొసైటీలో 24 వేలు చెల్లిస్తున్నారు. ఎస్సీ, ఎస్టీ సొసైటీలోని ఫిజికల్ డైరెక్టర్లకు (పీడీ)లకు 26వేలు, సూల్ పీడీలకు 14,170-18,200, జనరల్ సొసైటీలో కాలేజీ పీడీలకు 24,150, బీసీలో 20వేలు, మైనారిటీలో రూ.31,395తో పాటు ఇతర అలవెన్స్లను అందిస్తున్నారు. పీఈటీలకు ఎస్సీ, ఎస్టీలో రూ.14,170, జనరల్లో రూ.16,350, బీసీలో రూ.20వేలు, మైనారిటీలో రూ.21,255తో పాటు ఇతర అలవెన్స్లను కల్పిస్తున్నారు.
డిగ్రీ కాలేజీ హెల్త్ సూపర్వైజర్లకు ఎస్సీలో రూ. 14,170, స్టాఫ్ నర్సులకు 14,170, అదే బీసీ ఇతర సొసైటీల్లో 22,750 చెల్లిస్తున్నారు. ఇక ఆర్ట్, క్రాఫ్ట్, మ్యూజిక్ విభాగానికి ఎస్సీ, ఎస్టీలో రూ.14,170, జనరల్లో రూ.16,350, బీసీలో రూ. 24వేలు, మైనారిటీలో రూ. 21,255తో పాటు ఇతర చార్జీలు చెల్లిస్తున్నారు. ప్రతి క్యాడర్, పోస్టులో ఇదే విధమైన దుస్థితి నెలకొన్నది. ఎస్సీ గురుకుల సొసైటీ పరిధిలో 268 విద్యాసంస్థలున్నాయి. మొత్తం 7,985 బోధన పోస్టులకు ప్రస్తుతం 4,888 మంది రెగ్యులర్ సిబ్బంది, 2,399 మంది పార్ట్టైమ్ ఉపాధ్యాయులు, లెక్చరర్లు ఏండ్లుగా సేవలు అందిస్తున్నారు. పలువురు పార్ట్టైమ్ ఉపాధ్యాయులు 15 నుంచి 20 ఏండ్లుగా కన్సాలిడేటెడ్ రెమ్యునరేషన్తో పనిచేస్తూ విద్యా వ్యవస్థకు కీలక సేవలందిస్తున్నారు. ఈ 2,399 మంది పార్ట్టైమ్ ఉపాధ్యాయులు, లెక్చరర్ల వేతనాలను ఇతర సొసైటీలతో సమానంగా పెంచాలని నిర్ణయించారు. ఆరు నెలలు గడుస్తున్నా నేటికీ ఈ నిర్ణయం అమలుకు నోచుకోలేదు.
ప్రభుత్వం తక్షణం స్పందించాలి: టీఎస్డబ్ల్యూఆర్టీయూ
ఎస్సీ, ఎస్టీ గురుకులాల్లోని పార్ట్టైమ్ ఉపాధ్యాయుల వేతనాలను ప్రభుత్వం తక్షణం పెంచాలని తెలంగాణ సోషల్ వెల్ఫేర్ రెసిడెన్షియల్ టీచర్స్ యూనియన్ (టీఎస్డబ్ల్యూఆర్టీయూ) చైర్మన్ డాక్టర్ జే రామలక్ష్మణ్, నాయకులు బాలస్వామి, కృష్ణ, పాండునాయక్, ఈగ శ్రీను తదితరులు డిమాండ్ చేశారు. తక్షణం నిర్ణయాన్ని అమలు చేయాలని, పార్ట్టైమ్ ఉపాధ్యాయులు, లెక్చరర్లకు భరోసా కల్పించాలని కోరారు.
గురుకులాల్లో టీచింగ్ ఫ్యాకల్టీ వేతన వ్యత్యాసాలు రూ.లలో
ఎస్సీ
డీఎల్ వేతనం : 32,500
జేఎల్ : 23,400
పీజీటీ : 18,200
టీజీటీ : 18,200
ఎస్టీ
డీఎల్ వేతనం : 32,500
జేఎల్ : 23,400
పీజీటీ : 18,200
టీజీటీ : 18,200
బీసీ
డీఎల్ వేతనం : 30,000
జేఎల్ : 27,000
పీజీటీ : 24,000
టీజీటీ : 24,000
జనరల్
డీఎల్ వేతనం : లేవు
జేఎల్ : 27,000
పీజీటీ : 24,150
టీజీటీ : 22,200
మైనారిటీ
డీఎల్ వేతనం : లేవు
జేఎల్ : 39,000
పీజీటీ : 31,395
టీజీటీ : 28,860
Read Today's Latest Telangana News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

