Arvapally : మాన‌సిక ఒత్తిడితో అనారోగ్య స‌మ‌స్య‌లు : డాక్ట‌ర్ భూక్య న‌గేశ్ నాయ‌క్‌

మానసిక ఒత్తిడి అనారోగ్య సమస్యలకు దారితీస్తుంద‌ని అర్వ‌ప‌ల్లి మండల వైద్యాధికారి భూక్య నగేష్ నాయక్ అన్నారు. శుక్రవారం ప్రపంచ మానసిక ఆరోగ్య దినోత్సవం సందర్భంగా ప్రాథమిక ఆరోగ్య కేంద్రంలో అవగాహన కార్యక్రమం నిర్వహించారు.

అర్వపల్లి, అక్టోబర్ 10 : మానసిక ఒత్తిడి అనారోగ్య సమస్యలకు దారితీస్తుంద‌ని అర్వ‌ప‌ల్లి మండల వైద్యాధికారి భూక్య నగేష్ నాయక్ అన్నారు. శుక్రవారం ప్రపంచ మానసిక ఆరోగ్య దినోత్సవం సందర్భంగా ప్రాథమిక ఆరోగ్య కేంద్రంలో అవగాహన కార్యక్రమం నిర్వహించారు. ఈ సందర్భంగా ఆయన మాట్లాడుతూ.. చెడు అలవాట్లకు గురికాకుండా మానసిక ప్రశాంతత కోసం ప్రతిరోజూ వ్యాయామం, యోగా, మెడిటేషన్ చేయాలన్నారు. ప్రభుత్వ నిపుణులైన వైద్యులచే కౌన్సిలింగ్ నిర్వహించే 14416 ఫోన్ నంబర్ ను సంప్రదించి సమస్యను పరిష్కరించుకోవాలని సూచించారు. ఈ కార్యక్రమంలో సామాజిక ఆరోగ్య అధికారి బిచ్చు నాయక్, డాక్టర్ సౌజన్య, నర్సింగ్ ఆఫీసర్లు సునీత, మాధవి, చొక్కయ, అనూష, ఆరోగ్య సిబ్బంది, ఆశ కార్యకర్తలు పాల్గొన్నారు.