దేశంలో మరో విప్లవానికి సూర్యాపేట కేంద్రం కావాలి
దేశంలో మరో విప్లవానికి సూర్యాపేట కేంద్రం కావాలని, దానికి తన వంతు కృషి అందిస్తానని రాష్ట్ర విద్యుత్ శాఖ మంత్రి గుంటకండ్ల జగదీశ్రెడ్డి అన్నారు. శుక్రవారం రాత్రి స్థానిక పబ్లిక్ క్లబ్ ఆడిటోరియంలో ఏర్పాటు చేసిన కవిరాజ్ 55వ వార్షిక కవి సమ్మేళనంలో మంత్రి ముఖ్య అతిథిగా పాల్గొని మాట్లాడారు.
- రాష్ట్ర విద్యుత్ శాఖ మంత్రి గుంటకండ్ల జగదీశ్రెడ్డి
- సూర్యాపేటలో కవిరాజ్ 55వ కవి సమ్మేళనం
బొడ్రాయి బజార్, ఏప్రిల్ 21 : దేశంలో మరో విప్లవానికి సూర్యాపేట కేంద్రం కావాలని, దానికి తన వంతు కృషి అందిస్తానని రాష్ట్ర విద్యుత్ శాఖ మంత్రి గుంటకండ్ల జగదీశ్రెడ్డి అన్నారు. శుక్రవారం రాత్రి స్థానిక పబ్లిక్ క్లబ్ ఆడిటోరియంలో ఏర్పాటు చేసిన కవిరాజ్ 55వ వార్షిక కవి సమ్మేళనంలో మంత్రి ముఖ్య అతిథిగా పాల్గొని మాట్లాడారు. తాను సైతం కవితలు రాశానని, తన కవితలు విజృంభణలో అచ్చవడంతో విరసం మహాసభలకు తనను ఆహ్వానించినట్లు తెలిపారు. కవిత్వం, సాహిత్యం అనేవి నాటి పరిస్థితుల నుంచి పుడుతాయని, అదే ప్రజల్లో చైతన్యాన్ని నింపుతూ ఒక పోరాటానికి దారి తీస్తుందన్నారు. ఒక్కో పద్యం, పాట విప్లవాలను లేపాయని పేర్కొన్నారు. సాహిత్యం బతికి ఉన్నా.. సమాజమే చైతన్యంగా, ప్రగతిశీలంగా ఉంటుందన్నారు.
మనం మాత్రమే కవితలు రాసుకొని చదువుతున్నామని, మరో తరానికి మన కవిత్వాన్ని అందించలేకపోతున్నామని, ఆ తరాన్ని కూడా ఇక్కడ కూర్చోబెట్టి వారికి కవిత్వాన్ని ఎక్కించగలగాలని సూచించారు. కవి సమ్మేళనంలో కూర్చున్న కవులు ఎలాంటి చైతన్యాన్ని ఇచ్చారో కేవలం కొద్ది మందికి మాత్రమే తెలుసన్నారు. తెలంగాణకు మించిన కర్తవ్యం మన ముందర ఉందని, రైతంగా సాహిత్య చైతన్యానికి కేంద్రంగా సూర్యాపేట ఉండాలని ఆకాక్షించారు. అనంతరం దర్భాశయం శ్రీనివాసాచార్యకు కవిరాజ్ సాహితీ పురస్కారాన్ని అందజేసి సన్మానించారు. మనం వికాస్ వేదిక అధ్యక్షుడు పెద్దిరెడ్డి గణేశ్ అధ్యక్షతన జరిగిన కార్యక్రమంలో ప్రముఖ కవి కవిరాజ్, పాలపిట్ట ఎడిటర్ గుడిపాటి, సుధాకర్ పీవీసీ అధినేత మీలా మహదేవ్, చింతకింది శ్రీనివాస్రావు, డాక్టర్ రఘు, డాక్టర్ రాందాస్, శశిధర్, దేవులపల్లి ప్రభాకర్రావు పాల్గొన్నారు.
Read Today's Latest Nalgonda News in Telugu and Telugu News
RELATED ARTICLES
తాజా వార్తలు
Graduate MLC Elections | పట్టభద్రుల ఓట్లతో కాంగ్రెస్లో గుబులు.. రెండు ఎమ్మెల్సీ స్థానాల్లో భారీగా పెరిగిన ఓట్లు!
Hyderabad CP | కొత్త సీపీ రాకతో పోలీసుల్లో గుబులు.. ఎవరుంటారో.. ఎవరు పోతారో!
Monthly Income Plans | నెలనెలా ఆదాయం కావాలా? మీ డబ్బుకు భరోసా ఇచ్చే టాప్ పెట్టుబడి పథకాలు ఇవే!
Municipal Elections | మున్సి‘పోల్’కు కాంగ్రెస్ వణుకు.. 5 కార్పొరేషన్లు, 7 మున్సిపాలిటీల్లో ఎన్నికలు ఎప్పుడో?
Government Orders | అనాలోచితంగా జీవోలు.. ఆపై యూటర్న్లు.. బోరుబావుల తవ్వకాలకు కొత్త వెసులుబాటు
ట్రెండింగ్ వార్తలు
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video
Newborn dies due to DJ Sound | డీజే శబ్దానికి గుండె ఆగి.. నవజాత శిశువు మృతి
Watch: ప్రెస్మీట్లో ఒక వ్యక్తిని ముద్దుపెట్టుకున్న బీజేపీ ఎమ్మెల్యే.. ఏఐ వీడియో అని ఆయన భార్య ఆరోపణ

