Nakrekal : దశల వారీగా మౌలిక సదుపాయాల క‌ల్ప‌న : ఎమ్మెల్యే వేముల వీరేశం

న‌కిరేక‌ల్ ప‌ట్ట‌ణంలో మౌలిక స‌దుపాయాల క‌ల్ప‌న కృషి చేస్తున్న‌ట్లు, ప్రాధాన్య‌తా క్ర‌మంలో ద‌శ‌ల వారీగా ప‌నుల‌ను పూర్తి చేయ‌నున్న‌ట్లు ఎమ్మెల్యే వేముల వీరేశం తెలిపారు. బుధ‌వారం ప‌ట్ట‌ణంలోని 1వ‌, 8వ‌, 9వ వార్డుల్లో రూ.1.55 కోట్ల‌ వ్యయంతో నూతనంగా నిర్మిస్తున్న సీసీ&డ్రెన్ నిర్మాణ పనులకు ఆయ‌న‌ శంకుస్థాపన చేశారు.

నకిరేక‌ల్‌, అక్టోబ‌ర్ 22 : న‌కిరేక‌ల్ ప‌ట్ట‌ణంలో మౌలిక స‌దుపాయాల క‌ల్ప‌న కృషి చేస్తున్న‌ట్లు, ప్రాధాన్య‌తా క్ర‌మంలో ద‌శ‌ల వారీగా ప‌నుల‌ను పూర్తి చేయ‌నున్న‌ట్లు ఎమ్మెల్యే వేముల వీరేశం తెలిపారు. బుధ‌వారం ప‌ట్ట‌ణంలోని 1వ‌, 8వ‌, 9వ వార్డుల్లో రూ.1.55 కోట్ల‌ వ్యయంతో నూతనంగా నిర్మిస్తున్న సీసీ&డ్రెన్ నిర్మాణ పనులకు ఆయ‌న‌ శంకుస్థాపన చేశారు. ఈ సంద‌ర్భంగా ఎమ్మెల్యే మాట్లాడుతూ.. మున్సిపాలిటీలో దశాల వారీగా డ్రైనేజీ వ్యవస్థను బాగు చేస్తామ‌న్నారు. ఈ నెలలో ప‌ట్ట‌ణంలో 100 పడకల ఆస్ప‌త్రిని ప్రజలకు అందుబాటులోకి తెస్తామ‌ని తెలిపారు. నియోజ‌క‌వ‌ర్గానికి ఐటీ కాలేజీ మంజురూ చేయాల్సిందిగా ఇప్ప‌టికే సీఎంకు విన్న‌వించిన‌ట్లు చెప్పారు. బ్రహ్మాణవెల్లంల, పిల్లాయిపల్లి, ధర్మారెడ్డి కాల్వ ద్వారా చెరువుల్ని నింపుతున్న‌ట్లు వెల్ల‌డించారు. ఈ కార్యక్రమంలో మున్సిప‌ల్ చైర్మన్ చెవుగోని రజితా శ్రీనివాస్, వైస్ చైర్మన్ మూరారిశెట్టి ఉమారాణీ కృష్ణమూర్తి, అధికారులు, కౌన్సిలర్లు, నాయకులు పాల్గొన్నారు.