‘ప్రభుత్వ పాఠశాల అభివృద్ధికి నిధులు మంజూరు చేయండి’

కోదాడ పట్టణంలోని తమ్మర మూడవ వార్డులో గల ప్రభుత్వ పాఠశాలలో మౌలిక వసతుల కల్పనకు నిధులు మంజూరు చేయాలని ఆ వార్డు కౌన్సిలర్ వంగూరి గోపి సూర్యాపేట‌ జిల్లా కలెక్టర్ తేజ‌స్ నంద్‌లాల్ ప‌వార్‌ను కోరారు. శనివారం కోదాడ పట్టణంలో జరిగిన..

– సూర్యాపేట క‌లెక్ట‌ర్‌కు కోదాడ కౌన్సిల‌ర్ గోపి విన‌తి

కోదాడ‌, మే 02 : కోదాడ పట్టణంలోని తమ్మర మూడవ వార్డులో గల ప్రభుత్వ పాఠశాలలో మౌలిక వసతుల కల్పనకు నిధులు మంజూరు చేయాలని ఆ వార్డు కౌన్సిలర్ వంగూరి గోపి సూర్యాపేట‌ జిల్లా కలెక్టర్ తేజ‌స్ నంద్‌లాల్ ప‌వార్‌ను కోరారు. శనివారం కోదాడ పట్టణంలో జరిగిన అధికారిక కార్యక్రమానికి హాజరైన జిల్లా కలెక్టర్‌ను ఆయ‌న మర్యాద పూర్వకంగా కలిసి వినతిపత్రం అందజేశారు. ఈ సందర్భంగా పాఠశాలలో విద్యార్థులు ఎదుర్కొంటున్న సమస్యలను, పాఠశాల భద్రత కోసం ప్రహరీ నిర్మాణం, వంటగది నిర్మాణ ఆవశ్యకతను కలెక్టర్ దృష్టికి తీసుకువెళ్లారు. ​కౌన్సిలర్ విజ్ఞప్తిపై జిల్లా కలెక్టర్ సానుకూలంగా స్పందించారు. విద్యార్థుల సంక్షేమం, ప్రభుత్వ పాఠశాలల బలోపేతానికి ప్రభుత్వం కట్టుబడి ఉందని, త్వరలోనే వంటగది, ప్రహరీ నిర్మాణానికి అవసరమైన నిధులు మంజూరు చేస్తానని తెలిపారు.