ఇక నుంచి మిర్యాలగూడలో సబ్‌ కలెక్టర్‌

పరిపాలనా సౌలభ్యం కోసం రాష్ట్రంలోని 15 రెవెన్యూ డివిజన్లకు ఐఏఎస్‌ క్యాడర్‌ అధికారులను సబ్‌ కలెక్టర్లుగా రాష్ట్ర ప్రభుత్వం నియమించింది.

• హోదా పెంచిన రాష్ట్ర ప్రభుత్వం
• దేవరకొండ డివిజన్‌కు కూడా..

మిర్యాలగూడ, జూన్‌ 20 : పరిపాలనా సౌలభ్యం కోసం రాష్ట్రంలోని 15 రెవెన్యూ డివిజన్లకు ఐఏఎస్‌ క్యాడర్‌ అధికారులను సబ్‌ కలెక్టర్లుగా రాష్ట్ర ప్రభుత్వం నియమించింది. ఈ మేరకు ఈ నెల 16న సీఎస్‌ శాంతికుమారి జీఓ జారీ చేశారు. రాష్ట్ర వ్యాప్తంగా 15 రెవెన్యూ డివిజన్లను చేయగా.. నల్లగొండ జిల్లాలోని మిర్యాలగూడ, దేవరకొండ రెవెన్యూ డివిజన్లకు సబ్‌ కలెక్టర్లను నియమించారు. ఐఏఎస్‌ క్యాడర్‌ గల అధికారులను నియమించడంతో సమస్యలు త్వరగా పరిష్కారం అవుతాయని ప్రజలు అభిప్రాయపడుతున్నారు.