దాడి చేసినా చర్యలు తీసుకోరా?
పార్లమెంట్ ఎన్నికల సందర్భంగా నకిరేకల్నియోజకవర్గంలోని ఆయా బూత్ల వద్ద బీఆర్ఎస్ నాయకులపై అధికార పార్టీకి చెందిన కొంతమంది దాడులు చేశారని, బాధితులు ఆయా పోలీస్ స్టేషన్లలో ఫిర్యాదు చేసినా చర్యలు తీసుకోవడం లేదని మాజీ ఎమ్మెల్యే చిరుమర్తి లింగయ్య అన్నారు.
- బీఆర్ఎస్ నాయకులపై కాంగ్రెస్ దాడిని సహించేది లేదు
- ఫిర్యాదులను పట్టించుకోకపోతే ఎస్పీ కార్యాలయం ఎదుట ధర్నా చేస్తాం
- మాజీ ఎమ్మెల్యే చిరుమర్తి లింగయ్య
నకిరేకల్, మే 14 : పార్లమెంట్ ఎన్నికల సందర్భంగా నకిరేకల్నియోజకవర్గంలోని ఆయా బూత్ల వద్ద బీఆర్ఎస్ నాయకులపై అధికార పార్టీకి చెందిన కొంతమంది దాడులు చేశారని, బాధితులు ఆయా పోలీస్ స్టేషన్లలో ఫిర్యాదు చేసినా చర్యలు తీసుకోవడం లేదని మాజీ ఎమ్మెల్యే చిరుమర్తి లింగయ్య అన్నారు. దాడిచేసిన వారిపై చర్యలు తీసుకోకపోతే బాధిత బీఆర్ఎస్ నాయకులు, కార్యకర్తలతో నల్లగొండ ఎస్పీ కార్యాలయం ఎదుట ధర్నా చేస్తామని హెచ్చరించారు.
నకిరేకల్ పోలీస్ స్టేషన్లో మంగళవారం ఆయన పోలీసు అధికారులను కలిసిన అనంతరం మీడియాతో మాట్లాడారు. బీఆర్ఎస్ నాయకులు పోలింగ్ బూత్ల వద్ద ఎన్నికలు జరుగుతున్న తీరును పర్యవేక్షిస్తున్న సమయంలో కాంగ్రెస్ పార్టీకి చెందిన కొందరు కక్షపూరితంగా దాడులు చేసి గాయపర్చారని ఆవేదన వ్యక్తం చేశారు. ఇలాంటి దుర్మార్గపు చర్యలకు కావాలని స్థానికంగా ఉన్న అధికార పార్టీ నాయకులు రెచ్చగొట్టి ప్రోత్సహిస్తున్నారన్నారు.
బాధితులు నకిరేకల్ పోలీస్ స్టేషన్లో ఫిర్యాదు చేసినా ఎటువంటి చర్యలు తీసుకోకపోవడం ఏంటని ప్రశ్నించారు. దాడులకు పాల్పడిన వారిపై పోలీసులు వెంటనే చర్యలు తీసుకోవాలని, లేని పక్షంలో ఎస్పీ కార్యాలయం ఎదుట భారీ ఎత్తున ధర్నాకు దిగుతామని హెచ్చరించారు. ఆయన వెంట మున్సిపల్ చైర్మన్ రాచకొండ శ్రీనివాస్గౌడ్, బీఆర్ఎస్ పట్టణ అధ్యక్షుడు యల్లపురెడ్డి సైదిరెడ్డి, కౌన్సిలర్ పల్లె విజయ్, మాజీ ఎంపీటీసీ రాచకొండ వెంకన్న తదితరులు ఉన్నారు.
Read Today's Latest Nalgonda News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video
Newborn dies due to DJ Sound | డీజే శబ్దానికి గుండె ఆగి.. నవజాత శిశువు మృతి
Watch: ప్రెస్మీట్లో ఒక వ్యక్తిని ముద్దుపెట్టుకున్న బీజేపీ ఎమ్మెల్యే.. ఏఐ వీడియో అని ఆయన భార్య ఆరోపణ

