Konda Mallepally : వైద్య విద్యార్థినుల‌కు ఈఎల్‌వీ భాస్కర్ ఫౌండేషన్ ఆర్థిక సాయం

కొండమల్లేపల్లి మండల కేంద్రంలోని ఎస్సీ కాలనీలో నివసిస్తున్న నిరుపేద కుటుంబానికి చెందిన అందుగుల సైదమ్మ, వెంకటయ్య దంపతుల కుమార్తెలు తేజశ్రీ, ప్రవళిక ఎంబీబీఎస్‌లో సీటు సాధించారు. కాగా ఆర్థిక ఇబ్బందులతో వారి చదువులకు ఆటంకం ఏర్పడింది.

కొండమల్లేపల్లి, అక్టోబ‌ర్ 24 : కొండమల్లేపల్లి మండల కేంద్రంలోని ఎస్సీ కాలనీలో నివసిస్తున్న నిరుపేద కుటుంబానికి చెందిన అందుగుల సైదమ్మ, వెంకటయ్య దంపతుల కుమార్తెలు తేజశ్రీ, ప్రవళిక ఎంబీబీఎస్‌లో సీటు సాధించారు. కాగా ఆర్థిక ఇబ్బందులతో వారి చదువులకు ఆటంకం ఏర్పడింది. ఈ విషయాన్ని తెలుసుకున్న ఈఎల్‌వీ భాస్కర్ ఫౌండేషన్ చైర్మన్ భాస్కర్ స్పందించి శుక్ర‌వారం ఫౌండేషన్ డైరెక్టర్ అశోక్ చేతుల మీదుగా రూ.50 వేల ఆర్థిక సాయం అందించారు. మున్ముందు కూడా వారి చ‌దువుకు పూర్తి సహాయ సహకారాలు అందించ‌నున్న‌ట్లు భ‌రోసా ఇచ్చారు. ఈ సంద‌ర్భంగా విద్యార్థినులు, వారి త‌ల్లిదండ్రులు దాత భాస్క‌ర్‌కు కృత‌జ్ఞ‌త‌లు తెలిపారు. ఈ కార్యక్రమంలో ఫౌండేషన్ సభ్యులు కిరణ్, మహేశ్‌ గౌడ్, నరేశ్‌, సైదులు, లింగస్వామి, ప‌లువురు గ్రామస్తులు పాల్గొన్నారు.