Panagal : వేంకటేశ్వర వేద పాఠశాలకు కూలర్ల బహుకరణ

న‌ల్ల‌గొండ జిల్లా కేంద్రం స‌మీపంలోని పానగల్లులో గ‌ల‌ శ్రీ వేంకటేశ్వర వేద పాఠశాలకు విద్యార్థుల సౌకర్యార్థం రుద్రసేన ఆధ్వర్యంలో శ‌నివారం తొమ్మిది కూలర్లను అందజేశారు.

రామగిరి (నల్లగొండ), ఏప్రిల్ 26 : న‌ల్ల‌గొండ జిల్లా కేంద్రం స‌మీపంలోని పానగల్లులో గ‌ల‌ శ్రీ వేంకటేశ్వర వేద పాఠశాలకు విద్యార్థుల సౌకర్యార్థం రుద్రసేన ఆధ్వర్యంలో శ‌నివారం తొమ్మిది కూలర్లను అందజేశారు. ఈ సందర్భంగా రుద్రసేన చైర్మన్ గంట్ల అనంతరెడ్డి మాట్లాడుతూ.. వేదం పట్టించే విద్యార్థులకు సేవ చేయడం పూర్వజన్మ సుకృతంగా భావిస్తున్నామని, ఆ ఛాయా సోమేశ్వరుడి ఆశీస్సులతో మానవ సేవే మాధవ సేవ అనే దృక్పథంతో మున్ముందు మరిన్ని కార్యక్రమాలు నిర్వహిస్తామని తెలిపారు.

అనంతరం రుద్రసేన సభ్యులు ప్రధానాచార్యులు, అధ్యాపకులను సన్మానించారు. విద్యార్థులకు పండ్లు అందజేశారు. ఈ కార్యక్రమంలో రుద్రసేన సభ్యులు శ్రీనివాస్ శర్మ, అడ్వకేట్ రమణ, గుండగోని సోమశేఖర్ గౌడ్, నోముల వెంకటేశ్వర్లు, కాసర్ల శేఖర్ రెడ్డి, మల్లెబోయిన హరిబాబు, బిస్టు రవి, ధారా వెంకట్, బోనగిరి మహేందర్, పర్వత్ రెడ్డి, భరత్ రెడ్డి, మణికుమార్ రెడ్డి పాల్గొన్నారు.