Nalgonda : న‌ల్ల‌గొండ ప‌ట్ట‌ణంలో తల్లిపాల ప్రాముఖ్యతపై అవగాహన

తల్లిపాల ప్రాముఖ్యత తెలిసేలా గర్భిణీలకు. బాలింతలకు అవగాహన కల్పించాలని సల్లగొండ ఐసీడీఎస్ సూపర్‌వైజ‌ర్లు పార్వతి, జయమ్మ సిబ్బందికి సూచించారు. సోమవారం పట్టణంలోని 45, 16, 48 వార్డుల్లో ప్రపంచ తల్లిపాల వారోత్సవాలను ఘనంగా నిర్వహించారు.

నీలగిరి, ఆగస్టు 04 : తల్లిపాల ప్రాముఖ్యత తెలిసేలా గర్భిణీలకు. బాలింతలకు అవగాహన కల్పించాలని సల్లగొండ ఐసీడీఎస్ సూపర్‌వైజ‌ర్లు పార్వతి, జయమ్మ సిబ్బందికి సూచించారు. సోమవారం పట్టణంలోని 45, 16, 48 వార్డుల్లో ప్రపంచ తల్లిపాల వారోత్సవాలను ఘనంగా నిర్వహించారు. ఈ సందర్భంగా వారు తమ సిబ్బందితో కలిసి ఇంటింటికి తిరిగి తల్లులు, గర్భిణీలకు త‌ల్లిపాలపై అవగాహన క‌ల్పించారు.

ఈ సంద‌ర్భంగా వారు మాట్లాడుతూ.. తల్లిపాలు బిడ్డకు ఎంతో మేలు చేస్తాయని, పుట్టిన వెంటనే బిడ్డ‌కు ముర్రుపాలు పట్టించాల‌న్నారు. అలా పడితేనే బిడ్డ సంపూర్ణ అరోగ్యంతో పాటు తల్లి కూడా ఆరోగ్యంగా ఉంటుందన్నారు. శిశువుకు 6 నెలలు నిండిన తర్వాత అదనపు ఆహారం అందిస్తూ రెండు సంవత్సరాల వరకు తల్లి పాలు పట్టించాలన్నారు. ఈ కార్య‌క్ర‌మంలో అంగన్‌వాడీ టీచర్లు మంగ, రాజవిలోచన, శ్రీదేవి. వెంకటలక్ష్మి, అండాలు ఆయా సుమలత, ఆశా వర్కర్ ధనలక్ష్మీ, మెప్మా ఆర్పీలు పాల్గొన్నారు.