పూర్తికావొస్తున్న కొనుగోళ్లు

• హుస్నాబాద్‌ డివిజన్‌లో రికార్డు స్థాయిలో ధాన్యం సేకరణ
• ఆరు మండలాల్లో 8.17 లక్షల క్వింటాళ్ల సేకరణ
• ధాన్యం విక్రయించిన 17,276 మంది రైతులు
• 15,190 మందికి చెల్లింపులు
• తుది దశకు చేరిన కొనుగోళ్లు
• ఇప్పటికే 20 కేంద్రాల మూసివేత
• 80 శాతానికి పైగా పూర్తి

హుస్నాబాద్‌, డిసెంబర్‌ 12 : హుస్నాబాద్‌ రెవెన్యూ డివిజన్‌లో రికార్డు స్థాయిలో ధాన్యం కొనుగోళ్లు జరిగాయి. గతంలో ఎన్న డూ లేని విధంగా భారీ మొత్తంలో వడ్లను కొనుగోలు చేశారు. డివిజన్‌లోని హుస్నాబాద్‌, అక్కన్నపేట, కోహెడ, బెజ్జంకి, మద్దూ రు, ధూళిమిట్ట మండలాల్లో ఏర్పాటు చేసిన 108 ధాన్యం కొనుగోలు కేంద్రాల్లో కొనుగోళ్ల ప్రక్రియ తుదిదశకు చేరుకున్నది. కొనుగోలు కేంద్రాలకు వడ్లు రాకపోవడంతో ఇప్పటి వరకు 20 కొనుగోలు కేంద్రాలను అధికారులు మూసివేశారు. నిన్నటి వరకు వడ్ల రాసులు, రైతులు, హమాలీలు, చాట కార్మికులు, వివిధ వాహనాలతో కళకళలాడిన కొనుగోలు కేంద్రా లు ఇప్పుడు నిర్మానుష్యంగా మారాయి. మెట్టప్రాంతమైన హుస్నాబాద్‌ డివిజన్‌లో ఈసారి రికార్డు స్థాయిలో వడ్లు పండ గా వీటిని కొనుగోలు చేస్తారా? లేదా? అని రైతులు మొదట్లో అనుమానాలు వ్యక్తం చేసినప్పటికీ ప్రభుత్వం కృతనిశ్చయం తో ఉండి ప్రతి గింజనూ కొనుగోలు చేసి, రైతుల్లో భరోసాను నింపింది. దీంతో డివిజన్‌ రైతులు హర్షం వ్యక్తం చేస్తున్నారు.

• ఆరు మండలాల్లో 8.17లక్షల క్వింటాళ్లు కొనుగోలు
  హుస్నాబాద్‌ డివిజన్‌లోని ఆరు మండలాల్లో ఏర్పాటు చేసిన కొనుగోలు కేంద్రాల్లో ఇప్పటివరకు 8,17,935.6 క్వింటాళ్ల వడ్లు కొనుగోలు చేశారు. మొత్తం 17,276మంది రైతులకు చెందిన వడ్లను సేకరించారు. అక్కన్నపేట మండలంలోని 4,118మంది రైతులకు చెందిన 1,86,200క్వింటాళ్ల వడ్లు కొనుగోలు చేశారు. బెజ్జంకి మండలంలోని 2,842 మంది రైతులకు చెందిన 1,48,465 క్వింటాళ్లు, ధూళిమిట్టలో 1, 167మంది రైతులకు చెందిన 52.397క్వింటాళ్లు, హు స్నాబాద్‌లో 2,545మంది రైతులకు చెందిన 1,15,455 క్వింటా ళ్లు, కోహెడలో 4,832మంది రైతులకు చెందిన 2,39,409 క్వింటాళ్లు, మద్దూరు మండలంలో 1,772 మందికి చెందిన 76,007 క్వింటాళ్ల వడ్లను కొనుగోలు చేశారు.
• 15,190 మంది రైతులకు డబ్బులు చెల్లింపు…
  ఇప్పటి వరకు డివిజన్‌లోని 15,190 మంది రైతులకు చెల్లింపులు చేసినట్లు అధికారులు తెలిపారు. 7,23,763 క్వింటాళ్ల వడ్లకు పూర్తిస్థాయిలో చెల్లింపులు చేశారు. అక్కన్నపేట మండలంలో 3,592మందికి డబ్బులు చెల్లించగా బెజ్జంకిలో 2,545మందికి, ధూళిమిట్టలో 1,037మందికి, హుస్నాబాద్‌లో 2,196 మందికి, కోహెడలో 29,858మందికి, మద్దూ రు మండలంలో 1,674మంది రైతులకు చెల్లింపులు జరిగా యి. ఇప్పటివరకు కొనుగోలు చేసిన వడ్లలో 2,086మందికి చెందిన 94,173క్వింటాళ్లకు చెల్లింపులు చేయాల్సి ఉన్నది.

తదిదశకు ధాన్యం సేకరణ
హుస్నాబాద్‌ డివిజన్‌లో 80 శాతా నికి పైగా కొనుగోళ్లు పూర్తయ్యాయి. వడ్లు రాకపోవడంతో 20 కొనుగోలు కేంద్రాలను మూసివేశాం. త్వరలోనే మిగతా వడ్లును కొనుగోలు చేసి కొనుగోలు కేంద్రాలను మూసివేస్తాం. వర్షాలతో కొనుగోళ్లకు ఆటంకం జరిగినప్పటికీ రైతులందరికీ చెందిన వడ్లను సకాలంలోనే కొనుగోలు చేశాం. ఇందుకు అధికారులు, ప్రజాప్రజాప్రతినిధులు, మిల్లర్ల సహకార ఎంతో ఉంది. డబ్బు లు రాని రైతులకు త్వరలోనే ఖాతాల్లో డబ్బులు చేస్తాం. ఎలాంటి ఆందోళనకు గురికావాల్సిన అవసరం లేదు.
– జయచంద్రారెడ్డి, ఆర్డీవో – హుస్నాబాద్‌