రోడ్లకు రూ.10 కోట్లు మంజూరు

దుబ్బాక ఎమ్మెల్యే కొత్త ప్ర భాకర్‌రెడ్డి ప్రత్యేక కృషితో నియోజకవర్గంలో పలు రోడ్లకు రూ.10.51 కోట్లు మంజూరయ్యాయి. ని యోజకవర్గంలో మట్టి రోడ్లను బీటీగా మార్చేందు కు బీఆర్‌ఎస్‌ ప్రభుత్వంలో ఎస్‌డీఎఫ్‌ ద్వారా రూ. 40 కోట్లు మంజూరు కాగా, ఆ నిధులను కాంగ్రెస్‌ ప్రభుత్వం రద్దు చేసింది.

• దుబ్బాక ఎమ్మెల్యే కొత్త ప్రభాకర్‌రెడ్డి

దుబ్బాక, జనవరి 31: దుబ్బాక ఎమ్మెల్యే కొత్త ప్ర భాకర్‌రెడ్డి ప్రత్యేక కృషితో నియోజకవర్గంలో పలు రోడ్లకు రూ.10.51 కోట్లు మంజూరయ్యాయి. ని యోజకవర్గంలో మట్టి రోడ్లను బీటీగా మార్చేందు కు బీఆర్‌ఎస్‌ ప్రభుత్వంలో ఎస్‌డీఎఫ్‌ ద్వారా రూ. 40 కోట్లు మంజూరు కాగా, ఆ నిధులను కాంగ్రెస్‌ ప్రభుత్వం రద్దు చేసింది. ఆ నిధులను మంజూరు చేయాలని మంత్రి సీతక్కను ఎమ్మెల్యే ప్రభాకర్‌రెడ్డి పలుసార్లు కోరారు.

దుబ్బాక నియోజకవర్గంలోని 5 రోడ్లను పంచాయతీరాజ్‌ శాఖ ద్వారా 28 కి.మీ మేర బీటీగా మార్చేందుకు రూ.10.51 కోట్లు మంజూరైనట్లు ఎమ్మెల్యే తెలిపారు. ఇందులో దు బ్బాక మండలంలో మెదక్‌ పీడబ్ల్యూ రోడ్డు నుంచి ధర్మాజీపేట, రామక్కపేట చౌరస్తా వరకు రూ.2.24 కోట్లు, అక్బర్‌పేట-భూంపల్లి మండలంలోని చిట్టాపూర్‌, మోతె, కాసులాబాద్‌ రోడ్డుకు రూ.3.43 కోట్లు,వీరారెడ్డిపల్లి,జంగపల్లి,దౌల్తాబాద్‌ రోడ్డుకు రూ. కోటి, తొగుట మండలం తుక్కాపూర్‌ నుంచి కాన్గల్‌ వరకు రూ.1.66 కోట్లు, వరదరాజుపల్లి నుంచి మర్రికుంట రోడ్డుకు రూ.2.16 కోట్లు మం జూరైనట్లు తెలిపారు. రాజకీయాలకతీతంగా దుబ్బా క అభివృద్ధి కోసం తనవంతుగా కృషి చేస్తున్నట్లు ఎమ్మెల్యే తెలిపారు. నిధుల మంజూరుపై నాయకులు ఎమ్మెల్యేకు కృతజ్ఞతలు తెలిపారు.