చివరి గింజనూ కొనుగోలు చేస్తాం
అకాల వర్షాలు, వడగండ్ల వానలతో రంగు మారిన, తడిసిన ధాన్యాన్ని సైతం ప్రభుత్వం కొనుగోలు చేస్తూ రైతులకు అండగా నిలబడుతున్నదని రాష్ట్ర బీసీ సంక్షేమ, పౌరసరఫరాల శాఖ మంత్రి గంగుల కమలాకర్ అన్నారు. ధాన్యం సేకరణ, మిల్లుల్లో పరిస్థితులపై బుధవారం హైదరాబాద్ నుంచి ఆయన కలెక్టర్లతో వీడియో కాన్ఫరెన్స్ నిర్వహించి వివరాలు తెలుసుకున్నారు.
- గత సంవత్సరం కంటే పెరిగిన ధాన్యం కొనుగోళ్లు
- రైస్ మిల్లుల వద్ద సమస్యలు రాకుండా చూసుకోవాలి
- అవసరమైతే లారీల సంఖ్యను పెంచాలి
- అధికారులు క్షేత్రస్థాయిలో పర్యవేక్షించాలి
- రైతులకు లబ్ధి చేకూర్చేందుకే కొనుగోలు కేంద్రాలు ఏర్పాటు
- రాష్ట్ర బీసీ సంక్షేమ, పౌరసరఫరాల శాఖ మంత్రి గంగుల కమలాకర్
- హైదరాబాద్ నుంచి కలెక్టర్లతో వీడియో కాన్ఫరెన్స్
అకాల వర్షాలు, వడగండ్ల వానలతో రంగు మారిన, తడిసిన ధాన్యాన్ని సైతం ప్రభుత్వం కొనుగోలు చేస్తూ రైతులకు అండగా నిలబడుతున్నదని రాష్ట్ర బీసీ సంక్షేమ, పౌరసరఫరాల శాఖ మంత్రి గంగుల కమలాకర్ అన్నారు. ధాన్యం సేకరణ, మిల్లుల్లో పరిస్థితులపై బుధవారం హైదరాబాద్ నుంచి ఆయన కలెక్టర్లతో వీడియో కాన్ఫరెన్స్ నిర్వహించి వివరాలు తెలుసుకున్నారు. ఈ సందర్భంగా మాట్లాడుతూ దళారుల చేతుల్లో రైతులు మోసపోవద్దనే ఉద్దేశంతో సీఎం కేసీఆర్ కొనుగోలు కేంద్రాలను ఏర్పాటు చేశారని తెలిపారు. రైస్ మిల్లుల్లో ధాన్యం దించుకునేందుక స్థలం సరిపోకపోతే ప్రత్యామ్నాయ చర్యలు తీసుకోవాలని సూచించారు.
– మెదక్ (నమస్తే తెలంగాణ)/ సంగారెడ్డి కలెక్టరేట్, మే 24
మెదక్, (నమస్తే తెలంగాణ)/ సంగారెడ్డి కలెక్టరేట్, మే 24: ధాన్యం కొనుగోళ్లను క్షేత్రస్థాయిలో పర్యవేక్షించాలని రాష్ట్ర పౌర సరఫరాలు, వెనుకబడిన తరగతుల సంక్షేమశాఖల మంత్రి గంగుల కమలాకర్ సూచించారు. బుధవారం హైదరాబాద్ నుంచి నిర్వహించిన మంత్రి పౌర సరఫరాల సంస్థ చైర్మన్ సర్దార్ రవీందర్ సింగ్, పౌర సరఫరాల కమిషనర్తో కలిసి వీడియోకాన్ఫరెన్స్ నిర్వహించారు. ఈ సందర్భంగా మంత్రి కమలాకర్ మాట్లాడుతూ ధాన్యం సేకరణ, రైస్ మిల్లులకు ధాన్యం తరలింపుపై ఆరా తీశారు. రైతులు దళారులను ఆశ్రయించి మోసపోవద్దని ప్రభుత్వం ఈ సీజన్లో ముందస్తుగానే ధాన్యం కొనుగోలు కేంద్రాలను అందుబాటులోకి తెచ్చిందని గుర్తు చేశారు.
గత సంవత్సరం కంటే అధికంగా 450 కొనుగోలు కేంద్రాలను ప్రారంభించామన్నారు. అకాల, వడగండ్ల వర్షాలతో ధాన్యం రంగు మారిన, తడిసిన ధాన్యాన్ని కూడా ప్రభుత్వం కొనుగోలు చేస్తూ రైతులకు ఊరట అందిస్తున్నదని పేర్కొన్నారు. 21 శాతం తేమ కలిగిన ధాన్యాన్ని సైతం కొనుగోలు చేశామన్నారు. గతేడాది 28.5 లక్షల మెట్రిక్ టన్నుల ధాన్యాన్ని సేకరించగా, ఈ ఏడాది ఇప్పటికే 10 లక్షల మెట్రిక్ టన్నుల వరకు ధాన్యం కొనుగోలు చేశామని వెల్లడించారు. జిల్లా కలెక్టర్, అదనపు కలెక్టర్, సహకార సంఘాల సహకారంతోనే పెద్దఎత్తున ధాన్యం కొనుగోళ్లు సాధ్యమవుతుందని, అందుకు సహకరించిన వారందరినీ మంత్రి అభినందించారు. ఎలాంటి ఇబ్బందులు లేకుండా ధాన్యం సేకరణ ప్రక్రియ సజావుగా పూర్తయ్యేలా కృషి చేయాలన్నారు.
సంగారెడ్డి జిల్లాలో 67,230 మెట్రిక్ టన్నుల ధాన్యం సేకరణ
వీడియోకాన్ఫరెన్స్లో పాల్గొన్న సంగారెడ్డి అదనపు కలెక్టర్ వీరారెడ్డి మాట్లాడుతూ జిల్లాలో 67,230 మెట్రిక్ టన్నుల ధాన్యం సేకరించామని మంత్రికి వివరించారు. ఇప్పటివరకు 13,730 మంది రైతుల నుంచి ధాన్యం కొనుగోలు చేశామన్నారు. రూ.43.82 కోట్లను రైతుల ఖాతాల్లో జమ చేశామని వివరించారు. ఈ వీడియోకాన్ఫరెన్స్లో డీఎస్వో వనజాత, డీఎం సుగుణబాయి తదితరులు పాల్గొన్నారు.
10 వేల మెట్రిక్ టన్నుల ధాన్యం అధికంగా సేకరించాం
మెదక్ కలెక్టర్ రాజర్షి షా
మంత్రి గంగుల నిర్వహించిన వీడియో కాన్ఫరెన్స్లో పాల్గొన్న మెదక్ కలెక్టర్ రాజర్షి షా మాట్లాడుతూ ఈ యాసంగి సీజన్లో 10 వేల మెట్రిక్ టన్నుల ధాన్యం అధికంగా సేకరించామని తెలిపారు. జిల్లాలో ఇప్పటి వరకు లక్షా 60 వేల మెట్రిక్ టన్నుల ధాన్యం సేకరించామని, మూతపడిన అల్యూమినియం ఫ్యాక్టరీ, ఖండసారి షుగర్ ఫ్యాక్టరీల్లో 31 వేల మెట్రిక్ టన్నుల ధాన్యం అన్లోడ్ చేసి భద్రపరిచామన్నారు. గత సీజన్లో 50వేల మెట్రిక్ టన్నుల ధాన్యం గద్వాల జిల్లాకు తరలించగా, ప్రస్తుతం ఇకడే తీసుకుంటుండంతో స్థలాభావ సమస్య ఏర్పడుతున్నదన్నారు. సంగారెడ్డి జిల్లాకు 10 వేల మెట్రిక్ టన్నులు తరలించేందుకు అనుమతి వచ్చినదని, మరో 10 వేల మెట్రిక్ టన్నుల ధాన్యం కూడా తరలించి గోదాముల్లో భద్రపర్చేందుకు అనుమతించాలని మంత్రికి విజ్ఞప్తి చేశారు. ధాన్యం సేకరణ ప్రక్రియ సజావుగా జరిగేలా అదనపు కలెక్టర్ పర్యవేక్షిస్తున్నాని కలెక్టర్ తెలిపారు. ఈ సమావేశంలో అదనపు కలెక్టర్ రమేశ్, డీఆర్డీవో శ్రీనివాస్, డీఎస్వో శ్రీనివాస్, ఆర్డీవో సాయిరాం, జిల్లా సహకార అధికారి కరుణ తదితరులు పాల్గొన్నారు.
Read Today's Latest Medak News in Telugu and Telugu News
RELATED ARTICLES
తాజా వార్తలు
DSC Notification | ఆరునెలలకో టెట్.. డీఎస్సీ హాంఫట్.. ఉపాధ్యాయ పోస్టుల భర్తీలో సర్కార్ జాప్యం!
Rythu Bandhu | రైతుబంధు వరం.. తగ్గిన రుణభారం.. కేసీఆర్ పథకం.. తెచ్చిన ఫలితం
KCR | కేసీఆర్ తాత మంచిగున్నారా..కేటీఆర్ను అడిగిన చిన్నారి శ్రీయాన్సిక!
Revanth Reddy | రేవంత్ పాలనలో ఆదాయం డౌన్.. రూ.500 కోట్ల జీఎస్టీ వసూళ్లకు బ్రేక్
Muslim Voters | ఓటు కోల్పోతే దేశ బహిష్కరణ.. ముస్లింలలో పెరుగుతున్న పౌరసత్వ భయం!
ట్రెండింగ్ వార్తలు
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video

