గోదావరి జలాలతో ‘మల్లన్న’కు అభిషేకం

కొమురవెల్లి మల్లికార్జునస్వామి వారి పుట్టినరోజు సందర్భంగా బుధవారం మల్లన్న ఆలయ చరిత్రలో కనీవిని ఎరుగని రీతిలో ఏకంగా ముఖ్యమంత్రి కేసీఆర్‌ స్వామివారిని దర్శించుకుని మొక్కులు చెల్లించుకోవడంతో కొమురవెల్లి మల్లన్న భక్తులు ఆనందం వ్యక్తం చేస్తున్నారు. పాతాళంలో ఉన్న గోదావరి జలాలను తీసుకొచ్చి మల్లన్నకు అభిషేకం చేస్తామని.. మల్లన్నసాగర్‌ రిజర్వాయర్‌ శంకుస్థాపన సందర్భంగా ఇచ్చిన హామీని సీఎం కేసీఆర్‌ నిలబెట్టుకున్నారు.

• స్వామి వారికి సీఎం కేసీఆర్‌ ప్రత్యేక పూజలు
• మొక్కులు చెల్లించుకున్న రాష్ట్ర ముఖ్యమంత్రి

చేర్యాల, ఫిబ్రవరి 23 : కొమురవెల్లి మల్లికార్జునస్వామి వారి పుట్టినరోజు సందర్భంగా బుధవారం మల్లన్న ఆలయ చరిత్రలో కనీవిని ఎరుగని రీతిలో ఏకంగా ముఖ్యమంత్రి కేసీఆర్‌ స్వామివారిని దర్శించుకుని మొక్కులు చెల్లించుకోవడంతో కొమురవెల్లి మల్లన్న భక్తులు ఆనందం వ్యక్తం చేస్తున్నారు. పాతాళంలో ఉన్న గోదావరి జలాలను తీసుకొచ్చి మల్లన్నకు అభిషేకం చేస్తామని.. మల్లన్నసాగర్‌ రిజర్వాయర్‌ శంకుస్థాపన సందర్భంగా ఇచ్చిన హామీని సీఎం కేసీఆర్‌ నిలబెట్టుకున్నారు. రిజర్వాయర్‌ను జాతికి అంకితం చేసిన రోజునే సీఎం కేసీఆర్‌ మల్లన్న ఆలయానికి వచ్చి స్వామి వారికి ఐదు రాగి బిందెలతో తీసుకొచ్చిన గోదావరి జలాలతో అభిషేకం చేశారు. మల్లన్న క్షేత్రానికి వచ్చిన సీఎం కేసీఆర్‌కు జనగామ ఎమ్మెల్యే ముత్తిరెడ్డి యాదగిరిరెడ్డి, ఆలయ ఈవో బాలాజీ, ఆలయ చైర్మన్‌ గీస భిక్షపతితో కలిసి ఆలయ అర్చకులు, ఒగ్గు పూజారులు పూర్ణకుంభంతో ఘనస్వాగతం పలికారు. అనంతరం సీఎం కేసీఆర్‌.. రాష్ట్ర మంత్రులు తన్నీరు హరీశ్‌రావు, శ్రీనివాస్‌గౌడ్‌, ఎంపీ సంతోశ్‌, ఎమ్మెల్యే రసమయి బాలకిషన్‌, జడ్పీ చైర్‌పర్సన్‌ రోజారాధాకృష్ణశర్మతో కలిసి ఆలయంలోకి వెళ్లారు. మల్లన్నసాగర్‌ నుంచి తెచ్చిన ఐదు బిందెల గోదావరి నీటికి అర్చకులు ప్రత్యేక పూజలు చేయగా, సీఎం కేసీఆర్‌ వాటిని అర్చకులకు అందజేశారు. పూజల అనంతరం సీఎం కేసీఆర్‌కు ఆలయ అర్చకులు ఆశీస్సులు అందజేయడంతోపాటు స్వామివారి తీర్థప్రసాదాలు అందజేశారు. కార్యక్రమంలో ఎంపీ కొత్త ప్రభాకర్‌రెడ్డి, ఎఫ్‌డీసీ చైర్మన్‌ వంటేరు ప్రతాప్‌రెడ్డి, చేర్యాల మార్కెట్‌ కమిటీ చైర్మన్‌ మల్లేశంగౌడ్‌, ఎంపీపీ కీర్తనాకిషన్‌, జడ్పీటీసీ, నాయకులు పాల్గొన్నారు.

సీఎం కేసీఆర్‌ పర్యటన ఇలా..

• మధ్యాహ్నం 1.10 గంటలకు సీఎం కేసీఆర్‌ హెలిక్యాప్టర్‌ మల్లన్నసాగర్‌ ప్రాజెక్టుకు చేరుకోగా, మంత్రి హరీశ్‌రావు, ఎంపీ ప్రభాకర్‌రెడ్డి, ఎమ్మెల్యేలు, ఎమ్మెల్సీలు, కలెక్టర్‌ స్వాగతం పలికారు.
• మధ్యాహ్నం 1.13 గంటలకు హెలిక్యాప్టర్‌ నుంచి కాన్వాయ్‌లో తుక్కాపూర్‌ పంపుహౌస్‌కు సీఎం కేసీఆర్‌ బయల్దేరారు.
• మధ్యాహ్నం 1.18 గంటల నుంచి 1.21 గంటల వరకు పంప్‌హౌస్‌లో పూజలు చేస్తూనే సీఎం కేసీఆర్‌ టన్నెల్‌, పంప్‌హౌస్‌ పనులను పరిశీలించారు.
• మధ్యాహ్నం 1.23 గంటలకు మల్లన్నసాగర్‌ ప్రాజెక్టును సీఎం కేసీఆర్‌ ప్రారంభించి.. జాతికి అంకితం చేశారు.
• మధ్యాహ్నం 1.26 గంటలకు తుక్కాపూర్‌ పంపుహౌస్‌ నుంచి స్విచ్ఛాన్‌ చేసి గోదావరి జలాలను రిజర్వాయర్‌లోకి వదిలారు.
• మధ్యాహ్నం 1.44 గంటలకు గోదావరి జలాలకు స్వాగతం పలికి పూజలు నిర్వహించి సారెను సమర్పించారు.
• మధ్యాహ్నం 1.49 నుంచి 1.59 గంటల వరకు ప్రాజెక్టు వద్ద నీటి పారుదల శాఖ అధికారులతో మాట్లాడారు.
• మధ్యాహ్నం 2.07 గంటలకు సీఎం కేసీఆర్‌ సభా ప్రాంగణానికి చేరుకున్నారు.
• మధ్యాహ్నం 2.09 గంటలకు సభా వేదికపైకి వచ్చిన సీఎం కేసీఆర్‌ సభికులకు అభివాదం చేశారు.
• మధ్యాహ్నం 2.10 నుంచి 2.17 గంటల వరకు మంత్రి హరీశ్‌రావు ప్రసంగించారు.
• మధ్యాహ్నం 2.18 నుంచి 2.53 గంటల వరకు సీఎం కేసీఆర్‌ సభను ఉద్దేశించి సుమారు 35 నిమిషాలు మాట్లాడారు.
• మల్లన్నసాగర్‌ ప్రారంభోత్సవానికి జిల్లా నలుమూలల నుంచి పెద్ద ఎత్తున ప్రజలు, టీఆర్‌ఎస్‌ శ్రేణులు భారీగా తరలివచ్చారు.
• n సాయంత్రం 4.05 నిమిషాలకు కొమురవెల్లి మల్లన్న క్షేత్రానికి చేరుకున్న సీఎం కేసీఆర్‌
• 4.06నిలకు సీఎం కేసీఆర్‌కు జనగామ ఎమ్మెల్యే ముత్తిరెడ్డి యాదగిరిరెడ్డి ఘనస్వాగతం పలికారు.
• 4.15నిలకు ఆలయంలో స్వామి వారికి గోదావరి జలాలతో సీఎం కేసీఆర్‌ అభిషేకం చేశారు.
• 4.22నిలకు సీఎం కేసీఆర్‌ ఆలయం నుంచి బయటకు రాగానే, జై తెలంగాణ నినాదాలు మార్మోగాయి.
• 4.23నిలకు సీఎం కేసీఆర్‌కు నాయకులు మల్లన్న స్వామి జ్ఞాపికను ఇచ్చి ఫొటో దిగారు.
• 4.28నిలకు కొమురవెల్లి నుంచి సీఎం కేసీఆర్‌ వెనుదిరిగారు.
• – సిద్దిపేట/సిద్దిపేట అర్బన్‌/దుబ్బాక/దుబ్బాక టౌన్‌, ఫిబ్రవరి 23