మార్కెట్ నిర్మాణం పూర్తయ్యేనా?
ఇరుకు రోడ్లపైనే సంత... ఒకవైపు వాహనాల రాకపోకలు.. మరోవైపు ఇరుకుగా ఉన్న దారిపైనే కూరగాయల విక్రయాలు... దీంతో ప్రజలు పడుతున్న ఇబ్బందులను తొలిగించేందుకు మార్కెట్ నిర్మించేందుకు నిధులు కేటాయించినప్పటికీ పనులు మాత్రం నత్తనడకన సాగుతున్నాయి.
- జనం ఇబ్బందులు పాలకులకు పట్టవా…
- ఇరుకు రోడ్లపై సంతతో ఏండ్ల తరబడి ఇబ్బందులు పడుతున్న ప్రజలు
- హుస్నాబాద్లో నత్తనడకన కూరగాయల, మాంసాహార మార్కెట్ పనులు
- మార్కెట్ కోసం రూ.2.75 కోట్లు కేటాయించిన బీఆర్ఎస్ సర్కారు
- అంతంత మాత్రంగానే పనులు
- పట్టించుకునేవారే కరువయ్యారంటున్న ప్రజలు
ఇరుకు రోడ్లపైనే సంత… ఒకవైపు వాహనాల రాకపోకలు.. మరోవైపు ఇరుకుగా ఉన్న దారిపైనే కూరగాయల విక్రయాలు… దీంతో ప్రజలు పడుతున్న ఇబ్బందులను తొలిగించేందుకు మార్కెట్ నిర్మించేందుకు నిధులు కేటాయించినప్పటికీ పనులు మాత్రం నత్తనడకన సాగుతున్నాయి. దీంతో దుమ్ము, ధూళిలోనే కూరగాయలు, మాంసపు విక్రయాలు రోడ్లపైనే నిర్వహించాల్సిన పరిస్థితి నెలకొంది.
హుస్నాబాద్ టౌన్, జూన్ 16: పట్టణంలోని అక్కన్నపేట రోడ్ నుంచి రామవరం వెళ్లే రహదారులపై మార్కెట్ కొనసాగుతున్నది. మార్కెట్కు సొంత స్థలం లేక ప్రజలు పడుతున్న ఇబ్బందులు తొలిగిచేందుకు కేసీఆర్ ప్రభుత్వం పాత తహసీల్ కార్యాలయంలో ఎకరా స్థలాన్ని కేటాయించింది. ఈ స్థలంలో కూరగాయలతో పాటు మాంసాహార విక్రయాలను వ్యాపారులు నిర్వహించుకునేందుకు భవన నిర్మాణానికి శంకుస్థాపన సైతం చేశారు. కానీ పనులు ఏండ్లకొలది జరుగుతున్నా పట్టించుకునే వారే కరువయ్యారని విమర్శలు వ్యక్తమవుతున్నాయి.
వెజ్, నాన్వెజ్ మార్కెట్కు రూ.2.75 కోట్లు
హుస్నాబాద్ పట్టణంలోని దాదాపు 30వేల జనాభాకు సరిపడా కూరగాయలు, మాంసాహార మార్కెట్ లేకపోవడంతో శాశ్వత పరిష్కారం కోసం రామవరం రోడ్లో ఉన్న తహసీల్ కార్యాలయంలో వెజ్, నాన్వెజ్ మార్కెట్ను రూ.2.75కోట్లతో నిర్మించాలని బీఆర్ఎస్ ప్రభుత్వం నిర్ణయించింది. ఈ భవనానికి 2022లో అప్పటి ఆర్థికశాఖ మంత్రి తన్నీరు హరీశ్రావు, అప్పటి ఎమ్మెల్యే వొడితెల సతీశ్కుమార్ శంకుస్థాపన చేశారు. ఇందులో కూరగాయలు, చికెన్, మటన్, చేపలను విక్రయించేందుకు 48 ప్లాట్ఫ్లాంలను నిర్మించే విధంగా డిజైన్ చేసి రూపొందించారు.
అసంపూర్తిగా సాగుతున్న పనులు…
2022లో శంకుస్థాపన చేసిన కూరగాయలు, మాంసాహార మార్కెట్ పనులు నత్తనడక సాగుతున్నాయి. ప్రజలకు ఇబ్బంది కలుగకుండా మార్కెట్ కోసం స్థలం కేటాయించి నిధులు కేటాయించినప్పటికీ నిర్మాణ పనులు అసంపూర్తిగా మారడంపై ప్రజలు అసంతృప్తి వ్యక్తం చేస్తున్నారు. టెండర్ నిర్వహించి సదరు పనులను ఆర్ఎన్ కన్స్ట్రక్షన్కు అప్పగించారు. ఈ పనులను పొందిన సదరు సంస్థ వేగవంతంగా పనులు చేపట్టాల్సి ఉన్నా అంతంత మాత్రంగానే నిర్వహిస్తున్నది. గతేడాదే పనులకు సంబంధించిన అగ్రిమెంట్ పూర్తయినప్పటికీ తిరిగి మరోమారు పనుల నిర్వహణ కోసం దరఖాస్తు చేసుకున్నట్లు ఇంజినీరింగ్ అధికారులు తెలిపారు. ఇందులో ఇప్పటివరకు కేవలం నాన్వెజ్కు సంబంధించిన పనులు మాత్రమే సాగుతుండంతో అసలు ఈ భవనం ఎప్పుడు పూర్తవుతుందో తెలియని పరిస్థితి నెలకొంది. పనులపై ప్రజాప్రతినిధుల పర్యవేక్షణ చేయకపోవడంపై ప్రజలు తీవ్ర అసంతృప్తి వ్యక్తం చేస్తున్నారు.
తొందరగా మార్కెట్ కట్టాలే..
రోడ్లమీద అమ్ముకోవాలంటే మస్తు ఇబ్బందిగా ఉంది. కూసోరాదు.. అమ్ముకోరాదు. ఈడ మార్కెట్ సురువు సేసిండ్రు. కానీ పని సరిగా చేత్త లేరు. తొందర మార్కెట్ కడితే అందరికీ మంచిగ ఉంటది. సార్లు జెప్పన పనులు సెయిచ్చి బాధలు పోగొట్టాలే.
– బోయిని వెంకవ్వ, చేపల విక్రయదారు, హుస్నాబాద్
మళ్లీ దరఖాస్తు చేసుకున్నారు
వెజ్, నాన్వెజ్ మార్కెట్ పనులు పూర్తిచేసే గడువు గతేడాది ముగిసింది. ఇప్పటివరకు వెజ్ మార్కెట్ పెట్టుకునేందుకు పనులు జరగలేదు. కేవలం నాన్వెజ్ పనులు మాత్రమే దగ్గరపడ్డాయి. మళ్లీ పనులు చేసేందుకు దరఖాస్తు చేసుకున్నారు. బిల్లులు రాలేదనే కారణంతో పనులు ఆలస్యంగా చేస్తున్నారు.
– సాయిప్రణీత్, ఏఈ, హుస్నాబాద్ మున్సిపాలిటీ
Read Today's Latest Medak News in Telugu and Telugu News
RELATED ARTICLES
తాజా వార్తలు
Pneumonia | న్యుమోనియా అంటే ఏమిటి.. లక్షణాలు ఎలా ఉంటాయి.. తగ్గేందుకు ఏం చేయాలి..?
ENE Repeat | బాక్సాఫీస్ వద్ద ‘ఈఎన్ఈ రిపీట్’ దూకుడు.. తొలి రోజే రూ.15 కోట్ల వసూళ్లు!
Vemula Prashanth Reddy | రేవంత్ రెడ్డి మానసిక స్థితి సరిగా ఉందో లేదో అర్థం కావడం లేదు : వేముల ప్రశాంత్ రెడ్డి
Cyclone Akvan | తీరం దాటిన తుపాను అక్వాన్.. ఒడిశా, ఉత్తరాంధ్ర తీరాలకు భారీ వర్ష సూచన
Sampath Kumar | ఏఐసీసీ కార్యదర్శిగా సంపత్ కుమార్ తొలగింపు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

