హ్యాట్రిక్ సీఎం కేసీఆరే
కాంగ్రెస్, బీజేపీలు ఎన్ని జిమ్మిక్కులు చేసినా ముచ్చటగా మూడోసారి కేసీఆరే సీఎం అవుతారని, నవంబర్ 30 ఫలితాలతో ప్రతిపక్షాల దిమ్మతిరగడం ఖాయమని మక్తల్ ఎమ్మెల్యే చిట్టెం రామ్మోహన్రెడ్డి అన్నారు. గురువారం మండలంలో ఎన్నికల ప్రచారాన్ని ఆయన ప్రారంభించారు.
- అభివృద్ధి, సంక్షేమాన్ని చూసి బీఆర్ఎస్కు ఓటు వేయాలి
- కాంగ్రెస్ మాటలు నమ్మితే ఆగమైతరు
- ఆత్మకూరు ప్రజల చిరకాల వాంఛ నెరవేరుస్తా..
- మక్తల్ ఎమ్మెల్యే చిట్టెం రామ్మోహన్రెడ్డి
ఆత్మకూరు, నవంబర్ 16 : కాంగ్రెస్, బీజేపీలు ఎన్ని జిమ్మిక్కులు చేసినా ముచ్చటగా మూడోసారి కేసీఆరే సీఎం అవుతారని, నవంబర్ 30 ఫలితాలతో ప్రతిపక్షాల దిమ్మతిరగడం ఖాయమని మక్తల్ ఎమ్మెల్యే చిట్టెం రామ్మోహన్రెడ్డి అన్నారు. గురువారం మండలంలో ఎన్నికల ప్రచారాన్ని ఆయన ప్రారంభించారు. ముందుగా బాలకిష్టాపూర్ ఆంజనేయస్వామి ఆలయంలో ప్రత్యేక పూజలు నిర్వహించిన అనంతరం గోపన్పేట, కర్వెన, భావ్సింగ్తండా, బాలకిష్టాపూర్, మూలమల్ల, పిన్నెంచెర్ల గ్రామాల్లో ప్రచారం నిర్వహించారు. సందర్భంగా ఏర్పాటు చేసిన సమావేశంలో ఎమ్మెల్యే మాట్లాడుతూ సీఎం కేసీఆర్ అమలుచేస్తున్న సంక్షేమ పథకాలు, చేపట్టిన అభివృద్ధి కార్యక్రమాలను వివరించారు. కాంగ్రెస్ పార్టీని నమ్మితే నట్టేట్లో మునుగుతామన్నారు. కేవలం ఓట్ల సమయంలోనే కాంగ్రెస్, బీజేపీ నాయకులు కనిపిస్తారని, అయిపోయాక మళ్లీ ఐదేండ్ల వరకు అడ్రస్ లేకుండా పోతారన్నారు.
ప్రజల మధ్య ఉండి మీ కోసం మంచి చేసే బీఆర్ఎస్కు అండగా నిలవాలని కోరారు. సీఎం కేసీఆర్ ఆశీర్వాదంతో ఆత్మకూరును రెవెన్యూ డివిజన్గా ఏర్పాటు చేసుకుందామన్నారు. ఎన్నికలు పూరైన నెలరోజుల్లోనే ప్రభుత్వం నుంచి జీవోను తెప్పించి ఆత్మకూరు మండల ప్రజల చిరకాల ఆకాంక్షను నెరవేరుస్తానని చెప్పారు. అనంతరం ఎర్రగొల్లలు దాదాపు 30కుటుంబాలు బీఆర్ఎస్లో చేరాయి. అదేవిధంగా బాలకిష్టాపూర్, కర్వెన, భావ్సింగ్తండా, మూలమల్ల, పిన్నెంచెర్ల గ్రామాల్లోనూ పెద్ద సంఖ్యలో బీఆర్ఎస్లో చేరారు. కార్యక్రమంలో మున్సిపల్ చైర్పర్సన్ గాయత్రీయాదవ్, వైస్ చైర్మన్ విజయభాస్కర్రెడ్డి, ఎంపీపీ శ్రీనివాసులు, వైస్ ఎంపీపీ కోటేశ్వర్, లక్ష్మీకాంత్రెడ్డి, జెడ్పీటీసీ శివరంజని, బీఆర్ఎస్ మండలాధ్యక్షుడు రవికుమార్యాదవ్, పీఏసీసీఎస్ అధ్యక్షుడు గాడి కృష్ణమూర్తి, మాజీ ఎంపీపీ శ్రీధర్గౌడ్ తదితరులు పాల్గొన్నారు.
Read Today's Latest Mahabubnagar News in Telugu and Telugu News
RELATED ARTICLES
తాజా వార్తలు
Health tips | మంచినీళ్లు తక్కువ తాగితేనే కాదు.. మరీ ఎక్కువ తాగినా ఆరోగ్యానికి హానికరమే..!
Nepal PM Balen Shah | భారత్ చేరుకున్న నేపాల్ ప్రధాని.. సోమవారం ప్రధాని మోదీతో చర్చలు
Festivals | పండుగల సమయంలో స్వీట్లను ఎక్కువగా తింటే షుగర్ లెవల్స్ ఎప్పటికీ అలాగే ఉంటాయా..?
JEE Main | ఈ రాత్రి 12 గంటలకు ముగియనున్న గడువు.. ఇప్పటికే 13 లక్షలు దాటిన జేఈఈ దరఖాస్తులు..!
Health tips | మీలో ఈ లక్షణాలుంటే ఆలస్యం చేయకుండా థైరాయిడ్ పరీక్షలు చేయించుకోండి..!
ట్రెండింగ్ వార్తలు
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ

