అమరులకు వందనం

ప్రజలకు రక్షణ కల్పించడంలో ఎంతో మంది పోలీసులు తృణప్రాయంగా ప్రాణాలొదిలి సమాజ రక్షణకు పాటుపడుతున్నారు. తన కుటుంబాన్ని వదిలి సమాజమే తన కుటుంబంగా భావించి అనుక్షణం రక్షణ కల్పిస్తున్న పోలీసుల సేవలు వెలకట్టలేనివి. శత్రువుల నుంచి కాపాడి ప్రజలకు భద్రత, భరోసా ఇస్తున్నారు.

• విధి నిర్వహణలో ప్రాణాలర్పించిన పోలీసులు ఎందరో..
• కలిచివేసిన ఎస్పీ పరదేశీనాయుడు మృతి
• ఉమ్మడి జిల్లాలో 39 మంది త్యాగమూర్తులు
• నేడు పోలీసు అమరవీరుల సంస్మరణ దినోత్సవం

మహబూబ్‌నగర్‌ మెట్టుగడ్డ, అక్టోబర్‌ 20 : ప్రజలకు రక్షణ కల్పించడంలో ఎంతో మంది పోలీసులు తృణప్రాయంగా ప్రాణాలొదిలి సమాజ రక్షణకు పాటుపడుతున్నారు. తన కుటుంబాన్ని వదిలి సమాజమే తన కుటుంబంగా భావించి అనుక్షణం రక్షణ కల్పిస్తున్న పోలీసుల సేవలు వెలకట్టలేనివి. శత్రువుల నుంచి కాపాడి ప్రజలకు భద్రత, భరోసా ఇస్తున్నారు. శాంతి భద్రతలను ఆదుపులో పెట్టాలన్నా.. ఆసాంఘిక శక్తుల ఆట కట్టించాలన్నా మొదటి వరుసలో ఉండేవాడు పోలీసు. అంకితభావం, నిబద్దత, కర్తవ్య నిర్వహణలో జిల్లాకు చెందిన కొంతమంది పోలీసులు ఆసువులు బాశారు. వారి త్యాగఫలమే నేటి మన సుఖ జీవనం. ప్రజాస్వామ్య, సమాజ పరిరక్షణ కోసం నిరంతరం పోరాడి ప్రాణాలు కోల్పోయిన పోలీసుల త్యాగనిరతిని మనందరం స్మరించుకోవాల్సిన అవసరం ఎంతైనా ఉన్నది. జిల్లాలో మావోయిస్టు తుటాలకు ఇంతవరకు 39 మంది పోలీసులు ప్రాణాలు కోల్పోయి అమరులయ్యారు. వారి వీరత్వాన్ని గుర్తుచేస్తూ ప్రతి యేటా ఆక్టోబర్‌ 21 పోలీస్‌ అమరువీరుల సంస్మరణ దినోత్సవం నిర్వహిస్తున్నారు. రక్తదాన శిబిరం, ఓపెన్‌ హౌజ్‌, వ్యాసరచన పోటీలు నిర్వహించనున్నారు. శనివారం ఉదయం 8:45 గంటలకు నివాళ్లుర్పిస్తారు. పోలీసులతోపాటు అమరుల కుటంబ సభ్యులు ఈ కార్యక్రమంలో పాల్గొంటారు. జిల్లా కేంద్రంలో నివాళులర్పించి ఆనంతరం పోలీసు లు ఎస్పీ కార్యాలయం నుంచి ర్యాలీగా వన్‌టౌన్‌ చౌరస్తా వద్ద ఉన్న ఎస్పీ పరదేశినాయుడు విగ్రహం వద్ద నివాళులర్పిస్తారు.

అమరవీరుల సంస్మరణ దినం నేపథ్యం..

1959 అక్టోబర్‌ 21వ తేదీన జమ్ముకశ్మీర్‌ రాష్ట్రం లడక్‌ జిల్లాలోని లెహ్‌ ప్రాంతంలోని 16 వేల అడుగుల ఎత్తులో మైనస్‌ 35 డిగ్రీల ఉష్ణోగ్రత నమోదైంది. మనషులు గడ్డకట్టే ఆ చలిలో సైతం భారత జవాన్లు సరిహద్దు గస్తీలో ఉన్నారు. అంతలోనే చైనా సైనికులు అకస్మాత్తుగా దాడి చేశారు. ఈ భీకర దాడిలో భారత జవాన్లు 11 మంది దుర్మరణం చెందారు. కొంతమంది చైనా సరిహద్దులో మృతి చెందారు. మృతదేహాలను దేశానికి తీసుకురాలేని పరిస్థితి. ఈ క్రమంలో భారత ప్రభుత్వం మృతదేహాలను అక్కడే ఖననం చేయాలని నిర్ణయించింది. సైన్యానికి చెందిన ఉన్నతాధికారులు మంచుకొండల్లోనే ఖననం చేశారు. కుటుంబ సభ్యులు తమ వారిని కడసారి చూపునకు నోచుకోలేదు. అసువులు బాసిన సైనికుల ఆత్మకు శాంతికలగాలని ప్రతి ఏడాది అక్టోబర్‌ 21వ తేదీన అమరవీరుల సంస్మరణ దినోత్సవం జరుపుకొంటున్నారు. లెహ్‌ ప్రాంతంలో అమరవీరుల సంస్మరణ స్థూపం కూడా నిర్మించారు. అక్టోబర్‌లో మైనస్‌ డిగ్రీల ఉష్ణోగ్రత నమోదయ్యే ఆ ప్రాంతంలో నివాళి కూడా కష్టమే. అందువల్ల ప్రతి ఏడాది సెప్టెంబరులోనే ప్రతి రాష్ట్రం నుంచి ఒక్కో ఐపీఎస్‌ అధికారిని ఎంపిక చేసి ఒక బృందంగా ఏర్పాటు చేసి పంజాబ్‌, చండీఘడ్‌ మీదుగా లెహ్‌ ప్రాంతానికి పంపుతారు. అధికారుల బృందం అమరవీరులకు నివాళి అర్పించి తిరిగి వస్తుంది.

ఉమ్మడి జిల్లాలో 39 మంది అమరులు..

• ఉమ్మడి పాలమూరు జిల్లాలో 39 మంది పోలీసులు అమరులయ్యారు. నాగర్‌కర్నూల్‌ పరిధిలోనే 30 మంది తూటాలకు, ల్యాండ్‌మైన్‌లకు బలయ్యారు. 1991లో ఎస్పీ పరదేశినాయుడు సంఘవిద్రోహుల చేతిలో చనిపోవడం సంచలనం సృష్టించింది.
• 1990లో తుర్కదిన్నె వద్ద ఎమ్మెల్యే ఇంటిపై మావోయిస్టులు దాడి చేసిన ఘటన లో కానిస్టేబుల్‌ ప్రభాకర్‌ బలయ్యారు.
• 1991లో వంగూర్‌ పోలీస్‌స్టేషన్‌పై దాడి చేయగా.. కానిస్టేబుల్‌ ఖాజాపాషా ప్రా ణాలు వదిలారు.
• 1991లో కొల్లాపూర్‌లోని ఓ హోటల్‌లో కానిస్టేబుల్‌ ప్రభాకర్‌ భోజనం చేస్తుండగా నక్సలైట్లు కాల్చి చంపారు.
• 1993లో సోమశిల వద్ద ఎస్పీ పరదేశీ నాయుడు తమ సిబ్బందితో కలిసి వెళ్తు న్న సమయంలో మావోయిస్టులు మందుపాతర పేల్చారు. ఈ దుర్ఘటనలో ఎస్పీతోపాటు ఇద్దరు ఎస్సైలు కిశోర్‌ కుమార్‌, శివ ప్రసాద్‌, హెడ్‌కానిస్టేబుల్‌ రంగారెడ్డి, కానిస్టేబుళ్లు సు భాన్‌, జహబ్‌ ఇక్బాల్‌, జయరాం, వైవీఎస్‌ ప్రసాద్‌ అక్కడిక్కడే మృతిచెందారు.
• 1994లో తలకొండపల్లి పోలీస్‌స్టేషన్‌పై మావోయిస్టులు జరిపిన దాడిలో కానిస్టేబుల్‌ ఫయోద్దీన్‌ మరణించారు.
• 1996లో కుడికిళ్లలో ఎన్నికల విధు ల్లో ఉన్న కానిస్టేబుల్‌ మురళీధర్‌రెడ్డిని నక్స ల్స్‌ కాల్చిచంపారు.
• 1997లో బల్మూర్‌లో పరీక్షల బం దోబస్తు నిర్వహిస్తున్న కానిస్టేబుల్‌ చంద్రశేఖ ర్‌ నక్సల్స్‌ తూటాలకు బలయ్యారు.
• 1997లో అమ్రాబాద్‌ పరిధిలోని లక్ష్మాపూర్‌ నుంచి ట్రాక్టర్‌లో వెళ్తు
  న్న ఎస్సై మత్సార్‌, కానిస్టేబుళ్లు నాగేశ్వరుడు, జగదీశ్వర్‌రెడ్డి, మారెప్ప, శంకరయ్య మం దుపాతరలకు బలయ్యారు.
• 1997లో అమ్రాబాద్‌ వద్ద పోలీసు లు, నక్సలైట్లకు మధ్య జరిగిన కాల్పుల్లో కా నిస్టేబుల్‌ మహబూబ్‌ అలీఖాన్‌ మరణించారు.
• 1999లో వీపనగండ్ల వద్ద నక్సల్స్‌ మందుపాతరకు ఎస్సై భాస్కర్‌రెడ్డి, కానిస్టేబుళ్లు ఆంజనేయులు, గోపాల్‌ బలయ్యారు.
• 2000లో కానిస్టేబుల్‌ హన్మనాయక్‌ను, 2001లో హోంగార్డు శ్రీనివాసరాజు ను అచ్చంపేట పరిధిలోని పదరలో మావోయిస్టులు హతమార్చారు.
• 2001లో ఆమనగల్లు సమీపంలోని కాటన్‌మిల్లు వద్ద జరిగిన ప్రమాదాన్ని తెలుసుకునేందుకు వెళ్లిన ఎస్సై హన్మంతరెడ్డిని నక్సలైట్లు కాల్చిచంపారు.
• 2002లో కానిస్టేబుల్‌ మన్ననూర్‌ పండరీని, 2004లో కొల్లాపూర్‌ ఎమ్మెల్యే గన్‌మెన్‌లుగా ఉన్న హుమ్లానాయక్‌, వెంకట్‌రెడ్డి ని మావోయిస్టులు తుపాకీతో కాల్చి చంపారు.
• 2002లో అడ్డాకుల ఎంపీపీ కందూ రు నారాయణ గన్‌మెన్‌గా ఉన్న సుగుణాకర్‌ను మావోలు కాల్చిచంపారు.
• 2005లో బాలానగర్‌ ఎస్సైని హతమార్చేందుకు మావోయిస్టులు రెక్కీ నిర్వహించి, చివరకు కానిస్టేబుల్‌ ప్రకాశ్‌ను కాల్చి చంపారు.
• 2005లో అచ్చంపేట పోలీస్‌స్టేషన్‌ ఎదుట నిల్చున్న హెడ్‌కానిస్టేబుల్‌ లక్ష్మయ్య, కానిస్టేబుల్‌ శేఖర్‌నాయక్‌ను మావోలు కాల్చిచంపారు.
• పేట ఎమ్మెల్యే చిట్టెం నర్సిరెడ్డి గన్‌మె న్‌ రాజారెడ్డి నక్సల్స్‌ తూటాలకు బలయ్యారు.
• ఆత్మకూర్‌ ఎస్సై మొహియుద్దీన్‌ పో లీస్‌స్టేషన్‌ ఎదుట పట్టపగలే కాల్చిచంపారు.
• 2006లో కొండనాగులలో హెడ్‌కానిస్టేబుల్‌ జహంగీర్‌, అదే ఏడాది కూంబింగ్‌ నిర్వహిసున్న జోష్‌ బాబు గ్రేహౌండ్స్‌ కానిస్టేబుల్‌ను అత్యంత దారుణంగా హతమార్చారు.
• కొల్లాపూర్‌ సింగో టం వద్ద కానిస్టేబుల్‌ రమేశ్‌ మావోల తూటాలకు అమరుడయ్యాడు.