రిషి విద్యార్థుల విజయఢంకా

నీట్‌ ఫలితాల్లో రిషి జూనియర్‌ కళాశాల విద్యార్థులు అత్యుత్తమ మార్కులు సాధించి 100 కు పైగా మెడికల్‌ సీట్లు పొందారని కళాశాల చైర్‌పర్సన్‌ చంద్రకళ వెంకట్‌, చీఫ్‌ అకాడమిక్‌ అడ్వైజర్‌ వెంకటయ్య తెలిపారు.

మహబూబ్‌నగర్‌ కలెక్టరేట్‌, జూన్‌ 14 : నీట్‌ ఫలితాల్లో రిషి జూనియర్‌ కళాశాల విద్యార్థులు అత్యుత్తమ మార్కులు సాధించి 100 కు పైగా మెడికల్‌ సీట్లు పొందారని కళాశాల చైర్‌పర్సన్‌ చంద్రకళ వెంకట్‌, చీఫ్‌ అకాడమిక్‌ అడ్వైజర్‌ వెంకటయ్య తెలిపారు. ఈ సందర్భంగా నీట్‌ ఫలితాల్లో ఉత్తమ మార్కులు సాధించిన తరుణ్‌సాయి 550, స్వర్ణకుమారి 545, వినయ్‌ 525తోపాటు మెడికల్‌ సీట్లు సాధించిన విద్యార్థులను అభినందించారు. కార్యక్రమంలో కళాశాల డీన్‌ భూపాల్‌రెడ్డి, అకాడమిక్‌ డీన్‌ లక్ష్మారెడ్డి, ప్రిన్సిపాల్‌ ప్రసన్నకుమారి, రాఘవేంద్రరావు, అధ్యాపకులు, బోధనేతర సిబ్బంది పాల్గొన్నారు.

విద్యార్థుల విజయ బావుటా..

మహబూబ్‌నగర్‌ పట్టణంలో నివాసం ఉంటున్న టీ.తరుణ్‌సాయి 550 మార్కులు సాధించి నీట్‌లో 12,286 ర్యాంకు సాధించారు. స్వస్థలం తాండూరు. నాన్న ప్రవీణ్‌కుమార్‌ ప్రభుత్వ ఉపాధ్యాయుడు కాగా, అమ్మ ప్రైవేట్‌ టీచర్‌. కార్డియాలజిస్టు కావడమే లక్ష్యమని సాయితరుణ్‌ పేర్కొన్నాడు.

• మహబూబ్‌నగర్‌ జిల్లా కేంద్రానికి చెందిన ఎం.స్వర్ణకుమారి 545 మార్కులు సాధించి నీట్‌లో 14,825 ర్యాంకు సాధించారు. నాన్న లింగమూర్తి ఆటోడ్రైవర్‌. అమ్మానాన్న ఆశయ సాధనలో భాగంగా నిరుపేదలకు నిస్వార్థంగా సేవలు అందించడమే లక్ష్యంగా ప్రముఖ వైద్యురాలిగా పేరు గడించాలన్నదే తన ధ్యేయం అని పేర్కొంది.
• మహబూబ్‌నగర్‌ వీరన్నపేటకు చెందిన కె.వినయ్‌ 525 మార్కులు సాధించి నీట్‌లో 28,017 ర్యాంకు సాధించాడు. నాన్న కె.జగదీష్‌ బిజినెస్‌ చేస్తూ చదివిస్తున్నాడని ప్రముఖ కార్డియాలజిస్టు వైద్యుడిగా ఎదగాలనే లక్ష్యం అన్నారు.