ఊరెళ్తున్నారా..?

దసరా సెలవులు వచ్చాయి.. ఊర్లు, విహారయాత్రలు, బంధువుల ఇండ్లకు కుటుంబంతో సహా ఇంటికి తాళం వేసి వెళ్లే ముందు ఒక్కసారి ఆలోచించండి.. దొంగలు ఇదే అదునుగా భావించి ఇంటి తాళం పగులకొట్టి చోరీకి పాల్పడే అవకాశం ఉంటుంది.

• దసరా సెలవుల్లో ఇంటికి తాళం వేస్తే జరభద్రం?
• నగలు, నగదు వెంట తీసుకెళ్లండి..
• బ్యాంకు లాకర్లలో సొమ్ము భద్రపర్చుకుంటే ఉత్తమం
• అపరిచితులతో అప్రమత్తంగా ఉండాలి
• పండుగ వేళ తస్మాత్‌ జాగ్రత్త !

మహబూబ్‌నగర్‌, అక్టోబర్‌ 7 : దసరా సెలవులు వచ్చాయి.. ఊర్లు, విహారయాత్రలు, బంధువుల ఇండ్లకు కుటుంబంతో సహా ఇంటికి తాళం వేసి వెళ్లే ముందు ఒక్కసారి ఆలోచించండి.. దొంగలు ఇదే అదునుగా భావించి ఇంటి తాళం పగులకొట్టి చోరీకి పాల్పడే అవకాశం ఉంటుంది.ఇండ్ల భద్రత మరచిపోవద్దని పోలీసులు ఎన్ని ప్రయత్నాలు చేస్తున్నా.. పూర్తి స్థాయిలో అడ్డుకోలేకపోతున్నారు. అందుకని తప్పనిసరిగా కుటుంబంతో సహా వెళ్లాల్సి వస్తే.. సమీపంలోని పోలీస్‌స్టేషన్‌లో వివరాలు చెప్పండి.. వారు మీ ఇంటికి భద్రత కల్పించే వీలుంటుంది. ఇంట్లో విలువైన వస్తువులు, నగలు, నగదు వెంట తీసుకెళ్లడమే మంచిదని పోలీసులు చెబుతున్నారు.

ఈ సూచనలు పాటించండి..

• బంగారు నగలకు మెరుగుపెడతామని, పాలిష్‌ చేస్తామని, తక్కువ ధరకే గోల్డ్‌ అమ్ముతామని ఎవరైనా వస్తే.. వారిని దొంగలుగా భావించి, పోలీసులకు అప్పగించాలి.
• ఇంటి డోర్‌ను కొట్టినప్పుడు కిటికిలోంచి మాట్లాడాలి. తెలిసిన వారు ఉంటే డోరు తెరిచి పలకరించాలి.
• ఒంటరిగా ఉన్న మహిళలు డోర్‌ తెరిస్తే కండ్లల్లో కారం చల్లి చోరీకి పాల్పడే అవకాశం ఉంటుంది.
• బస్సులు, రైళ్లు, సినిమా హాళ్లలో అపరిచిత వ్యక్తులు తినుబండారాలు ఇస్తే ఎట్టి పరిస్థితుల్లోనూ తీసుకోవద్దు. మనల్ని మాయమాటలతో మోసం చేసి నగలు చోరీ చేసే వీలుంటుంది.
• డబ్బులు, నగలను పరిచయం లేని వ్యక్తి చేతికి ఇవ్వొద్దు. పోలీసుల పేరిట బ్యాగులు చెక్‌చేస్తామని చెబితే అప్పగించొద్దు.
• ఏదైనా పౌడర్‌ను ఒంటిపై చల్లి, దురద వచ్చేలా చేస్తా రు. చొక్కా విప్పడానికి చేతిలో ఉన్న బ్యాగులను పక్కన పెడితే ఎత్తుకెళ్లే వీలుంది.
• ఇంట్లో ఉక్కపోస్తుందని ఆరుబయట లేదా ఇంటిపైకప్పుపై నిద్రపోతుంటాం. అర్ధరాత్రి గాఢ నిద్రలో ఉండగా దొంగలు మంగళసూత్రాలు తెంపుకొని పారిపోతుంటా రు. అందుకే నగలు లేకుండా ఆరుబయట నిద్రించాలి.
• బ్యాగులు, నగలు, డబ్బులతో ప్రయాణించే సమయంలో వాటిని మన వద్దే ఉంచుకోవాలి. ఎట్టిపరిస్థితుల్లోనూ వాహనాల్లో బ్యాగులను ఉంచి కిందకు దిగవద్దు.
• ఇంటి నుంచి బయటకు వెళ్లేముందు ముందు, వెనుక డోర్‌లు లాక్‌ చేశామో లేదో చెక్‌చేసుకోవాలి.
• దుకాణం షెటర్లను గడ్డపారలతో పగలగొట్టే అవకాశం ఉన్నందున సెంటర్‌లాక్‌ వే యించుకోవాలి.
• ఇంట్లో అద్దెకు ఉ ంటున్న వ్యక్తుల ఫొ టో, రేషన్‌, ఆధార్‌ కా ర్డు జీరాక్స్‌ కాపీలను తీసుకోవాలి.
• బంగారు ఆభరణాలు, డబ్బులను బీరువాలో పెట్టొద్దు. దొంగతనానికి వచ్చే వ్యక్తులు నేరుగా బీరువా వద్దకే వెళ్తారు.
• బంగారు నగలు, నగదును బ్యాంకులోని లాకర్‌లలో భద్రపరుచుకోవడం ఉత్తమం.
• ఇంటి డోర్‌కు సెంట్రల్‌ లాకింగ్‌ సిస్టం అమర్చుకుంటే బెటర్‌. డోర్‌కు వేసిన తాళం కనిపించకుండా కర్టెన్‌ వేసి ఉంచాలి.
• వృద్ధులు తమ ఒంటిపై బంగారు ఆభరణాలతో ఒంటరిగా బయటికి వెళ్లొద్దు.
• ఇంటికి తాళం వేసి రెండు, మూడు రోజులు వెళ్లాల్సి వస్తే స్థానిక పోలీసులకు సమాచారమివ్వండి.

విలువైన వస్తువులు ఇంట్లో ఉంచొద్దు..

దసరా సెలవుల్లో ఊళ్లకు వెళ్లేవారు ఇంట్లో విలువైన వ స్తువులను పెట్టొదు. ఒకవేళ వెళ్లాల్సి వస్తే పోలీసులకు స మాచారం ఇవ్వాలి. లేదంటే నగలు, నగదును లాకర్‌లో భద్రపర్చుకోవాలి. డబ్బు, నగలు దొంగతనం అయ్యాక బాధపడేకంటే.. ముందే జాగ్రత్తలు తీసుకుం టే నష్టాన్ని నివారించుకోవచ్చు. పెద్ద మొత్తం నగదుతో కార్లలో వెళ్లేవారు డ్రైవర్ల గురించి ముందే తెలుసుకోవాలి. కొత్తవారిని నమ్మి ప్రయాణం చేయొద్దు. కాలనీ, ఇండ్లు, అపార్ట్‌మెంట్లల్లో సీసీ కెమెరాలు ఏర్పాటు చేసుకోవాలి. చోరీలను అరికట్టేందుకు పోలీసుల గస్తీ, పెట్రోలింగ్‌ బృందాలను పెం చాం. ఎవరైనా అనుమానస్పదంగా కనిపిస్తే డయల్‌ 100 కు సమాచారం అందించాలి. చోరీల నియంత్రణకు ఎప్పటికప్పుడు చర్యలు తీసుకుంటున్నాం.

– డీ జానకి, ఎస్పీ, మహబూబ్‌నగర్‌