Visit:
Narayanpeta : నారాయణపేట రూరల్ పోలీస్ స్టేషన్ పరిధిలో ఓ వ్యక్తి వడదెబ్బ కారణంగా మృతి చెందాడు. అప్పక్పల్లి గ్రామ శివారులో అపస్మారక స్థితిలో కనిపించిన వ్యక్తిని ధన్వాడ మండలానికి చెందిన నీరటి చంద్రయ్య (48)గా గుర్తించారు. ప్రాథమిక విచారణలో అతడు వడదెబ్బతో మరణించాడని, విచారణ కొనసాగుతుందని రూరల్ ఎస్సై సతీష్ రెడ్డి తెలిపారు.
అప్పక్పల్లి గ్రామ శివారులో ఆదివారం నీరటి చంద్రయ్య (తండ్రి పేరు నీరటి ఎర్ర సాయప్ప) అపస్మారక స్థితిలో ఉండగా స్థానికులు పోలీసులకు సమాచారమిచ్చారు. పోలీసులు సంఘటనా స్థలానికి చేరుకుని చంద్రయ్యను పరిశీలించారు. ప్రాథమిక విచారణలో తీవ్ర ఎండల ప్రభావంతో వడదెబ్బ తగిలి అతడు మృతి చెందినట్లు గుర్తించారు. ఈ మేరకు కేసు నమోదు చేసి దర్యాప్తు చేపట్టినట్లు ఎస్సై సతీష్ రెడ్డి తెలిపారు.
మృతుడి వివరాలను గుర్తించిన అనంతరం కుటుంబ సభ్యులకు సమాచారం ఇచ్చామని ఆయన వెల్లడించారు. మృతదేహాన్ని పోస్టుమార్టం నిమిత్తం ప్రభుత్వ ఆసుపత్రికి తరలించి, అనంతరం కుటుంబ సభ్యులకు అప్పగించనున్నట్లు ఎస్సై పేర్కొన్నారు. ప్రస్తుతం కేసు దర్యాప్తు కొనసాగుతోందని రూరల్ ఎస్సై సతీష్ రెడ్డి తెలిపారు.
