కాలం గొప్పది

కాలం శానా గొప్పది అబద్ధాల మీద పొద్దు గడపలేమని చెంప చెల్లుమనిపించింది కాని కాలాన కరువునేలకు కాసిన్ని నీళ్లియ్యాలని నియ్యత్‌గా కేసీఆర్‌ చేసిన భగీరథ ప్రయత్నం

కాలం శానా గొప్పది
అబద్ధాల మీద పొద్దు గడపలేమని
చెంప చెల్లుమనిపించింది
కాని కాలాన కరువునేలకు
కాసిన్ని నీళ్లియ్యాలని
నియ్యత్‌గా కేసీఆర్‌ చేసిన
భగీరథ ప్రయత్నం
కాళేశ్వరం కల్పతరువై
బీడు భూములను పండిస్తే
పుట్లకొద్దీ వడ్లు పుష్కలంగా ఎల్లినయ్‌

రెండు పిల్లర్లు కుంగితే
కూళేశ్వరమంటూ మొత్తుకొని
ప్రపంచంలోనే గొప్ప
ఇంజినీరింగ్‌ మార్వెల్‌ను
పనికిరాదని ప్రచారం చేస్తే
కరువు కాలమొస్తే
మళ్లా గా కాళేశ్వరమే
దిక్కయితదని తెలిసొచ్చింది
లేని అవినీతిని అంటగట్టి
కేసీఆర్‌కు మరక అంటించి
మలినం చేద్దామనుకుంటే
నియ్యతి నీళ్లల్లేసినా చెడది

ఘోష్‌ కమిషన్‌ గోసంతా
రాజకీయ కుట్రనే అని
అత్యున్నత న్యాయస్థానం
సత్యం పలికింది
బట్టగాల్చి మీదేస్తే కాదు
బాధ్యతతో పనిచేయాల్నని
ధర్మస్య విజయోస్తు
అధర్మస్య నాశోస్తు

మాదాసు శ్రీనివాస్‌