e-Paper

Advertisement

E-Paper

Apps

Book Your Copy

Visit Telangana Today

Saturday, October 23, 2021
Home ఎడిట్‌ పేజీ పూల సింగిడి

పూల సింగిడి

బతుకమ్మ అంటే..
నిండార నిండిన అడవి పూల అందం!
బతుకమ్మ అంటే..
మెండార మెరసిన అడవి పూల సింగిడి!

వనకన్నెల ఒయ్యారి బతుకమ్మ
శిగపట్లలో శివుడి బిల్ల తొడిగింది
మబ్బు చాటు మెరిసిన
సింగిడి కిందికి వంగి
మొగసాళ్ళలో నిలిచిన బతుకమ్మ
ముక్కుకు ముక్కెరై నిలిచింది
చెరువుళ్లు నిండి అలుగుళ్లు
ఎళ్లిన అలల పొంగులు
బతుకమ్మ కురులకు
జడకుచ్చులు అమరినయ్‌
పచ్చని పైర గాలికి హొయలు
పోయిన బతుకమ్మ సింగారం
తెలంగాణ ప్రజలకు కొంగు బంగారమైంది!

- Advertisement -

బతుకమ్మ ఒక్కోసారి…
వెచ్చదనాల వెలుగుల రౌద్రరాణి అవుతుంది
కంటి కొనల నిండా సన్నని మెరుపులతో
పంచ భూతాలనే శాసించింది బతుకమ్మ
అష్టదిక్కులనే ఒడి నింపుకుంది బతుకమ్మ!

గంగ ఒడిలో చేరిన బతుకమ్మ
ఆ చెరువు తల్లికి తీరొక్క పూలతో తీరిచ్చింది
పచ్చ పచ్చగా మెరిసిన తంగేడు పువ్వుతో
పసిడి పసుపుల పరువమిచ్చింది
తెల్ల తెల్లగా మెరిసిన గునుగాయి పువ్వుతో
తేరు దివిటీల తేజమిచ్చింది
ఎర్ర ఎర్రగా మెరిసిన కట్లాయి పువ్వుతో
ఎర్ర కుంకుమ రేక తొడిగింది
రుస రుసలాడిన బీరంకె పువ్వుతో
రాగి కంటె తొడిగి రాగమిచ్చింది
గుస గుసలాడిన గుమ్మడి పువ్వుతో
ముగ్ధ భావాల మోదమిచ్చింది

గల గలా..
అలుగుళ్లు పొంగుతుంటే బతుకమ్మ చప్పట్లతో
చెరువు తల్లి జతకట్టి ఆడింది
జల జలా..
అలుగుళ్లు పారుతుంటే బతుకమ్మ పాటలతో
చెరువు తల్లి జత కట్టి పాడింది..!

డాక్టర్‌ వి. త్రివేణి
9951444803

Advertisement
-Advertisement-

తాజావార్తలు

Advertisement

ట్రెండింగ్‌

Advertisement