నిమజ్జనం రోజు ట్రాఫిక్‌ ఆంక్షలు

ఖమ్మం నగరంలో సోమవారం గణేశ్‌ నిమజ్జనం సందర్భంగా కట్టుదిట్టమైన భద్రతా ఏర్పాట్లతోపాటు ట్రాఫిక్‌ ఆంక్షలు విధించినట్లు సీపీ సునీల్‌ దత్‌ తెలిపారు. నిమజ్జనం, శోభాయాత్ర నేపథ్యంలో ఆయా రూట్లలో వాహనదారులు ప్రత్యా మ్నాయ మార్చాలను ఎంచుకోవాలని సూచించారు.

• నిర్దేశించిన రూట్లలోనే విగ్రహాలను తరలించాలి
• వాహనదారులు ప్రత్యామ్నాయ మార్గాలు ఎంచుకోవాలి
• పోలీస్‌ కమిషనర్‌ సునీల్‌దత్‌

ఖమ్మం, సెప్టెంబర్‌ 14 : ఖమ్మం నగరంలో సోమవారం గణేశ్‌ నిమజ్జనం సందర్భంగా కట్టుదిట్టమైన భద్రతా ఏర్పాట్లతోపాటు ట్రాఫిక్‌ ఆంక్షలు విధించినట్లు సీపీ సునీల్‌ దత్‌ తెలిపారు. నిమజ్జనం, శోభాయాత్ర నేపథ్యంలో ఆయా రూట్లలో వాహనదారులు ప్రత్యా మ్నాయ మార్చాలను ఎంచుకోవాలని సూచించారు. ఖమ్మం నగరంలో నిమజ్జన ప్రాంతాలను పరిశీలించిన అనంతరం శనివారం ఆయన మాట్లాడుతూ గణేశ్‌ నిమజ్జనం సందర్భంగా పోలీస్‌, రెవెన్యూ, మున్సిపల్‌, ఆర్‌అండ్‌బీ, వైద్య, విద్యుత్‌ శాఖల సమన్వయంతో ఎలాంటి అవాంఛనీయ సంఘటనలు చోటు చేసుకోకుండా ముందస్తు రక్షణ చర్యలు చేపట్టామన్నారు.

సుమారు 700 విగ్రహాలు నిమజ్జనం చేసే అవకాశం ఉన్నందున నిమజ్జన ప్రదేశంలో సీసీ కెమెరాలు, బారికేడ్లు ఏర్పాటు చేసి నిఘా పెడతామన్నారు. నిమజ్జనం వద్ద ఒక్కో వాహనం వెంట ఇద్దరిని మాత్రమే లోనికి అనుమతించాలని ఆదేశించారు. శోభాయాత్రలో సౌండ్‌ సిస్టమ్‌, డీజేలు, లేజర్‌ కిరణాలు వినియోగించడం నిషిద్ధమన్నారు. నిమజ్జనం రోజు ట్రాఫిక్‌ సమస్యలు తలెత్తకుండా అడిషనల్‌ డీసీపీలు నరేశ్‌కుమార్‌, ప్రసాద్‌రావు, విజయబాబులతోపాటు సుమారు 700 మంది పోలీస్‌ సిబ్బందితో పటిష్టమైన బందోబస్తు ఏర్పాటు చేసినట్లు తెలిపారు. ఏసీపీలు 7, సీఐలు 18, ఎస్‌ఐలు 63, ఏఎస్‌ఐ, హెడ్‌ కానిస్టేబుళ్లు 175, కానిస్టేబుళ్లు 405, హోంగార్డులు 159 మంది విధులు నిర్వర్తిస్తారని పేర్కొన్నారు.

శోభాయాత్ర కొనసాగించే మార్గాలు ఇవే..

• మామిళ్లగూడెం ఏరియా గణేశ్‌ విగ్రహాల ఊరేగింపు మయూరిసెంటర్‌-కిన్నెర-జడ్పీ సెంటర్‌-చర్చి కాంపౌండ్‌-ప్రకాశ్‌ నగర్‌ మున్నేరు నిమజ్జనం పాయింట్‌ లేదా బొకలగడ్డ మున్నేరు నిమజ్జనం పాయింట్‌కు చేరుకోవాలి.
• ఆర్టీఏ కార్యాలయం, బ్యాంక్‌ కాలనీ ప్రాంతం విగ్రహాల ఊరేగింపు ఎన్టీఆర్‌ సర్కిల్‌-ఇల్లెందు క్రాస్‌ రోడ్‌-జడ్పీసెంటర్‌-చర్చి కాంపౌండ్‌-ప్రకాశ్‌ నగర్‌ మున్నేరు నిమజ్జనం పాయింట్‌ లేదా బొకలగడ్డ మున్నేరు నిమజ్జనం పాయింట్‌.
• రోటరీ నగర్‌, ఇందిరానగర్‌ ప్రాంతం విగ్రహాల ఊరేగింపు మమత ఎక్స్‌ రోడ్‌ వీఆర్‌కే సిల్స్‌-ఇల్లెందు క్రాస్‌ రోడ్‌-జడ్పీ సెంటర్‌-చర్చి కాంపౌండ్‌-ప్రకాశ్‌ నగర్‌ మున్నేరు నిమజ్జనం పాయింట్‌ లేదా బొకలగడ్డ మున్నేరు నిమజ్జనం పాయింట్‌.
• కస్బాబజార్‌, కమాన్‌ బజార్‌ ప్రాంతం విగ్రహాల ఊరేగింపు చర్చి కాంపౌండ్‌-ప్రకాశ్‌ నగర్‌ మున్నేరు నిమజ్జనం పాయింట్‌ లేదా బొకలగడ్డ మున్నేరు నిమజ్జనం పాయింట్‌.
• గొల్లగూడెం శ్రీనగర్‌ కాలనీ-లకారం ట్యాంక్‌ బండ్‌ ప్రాంతం విగ్రహాల ఊరేగింపు ట్యాంక్‌ బండ్‌-టాటా మోటార్స్‌-చెర్వుబజార్‌-చర్చి కాంపౌండ్‌-ప్రకాశ్‌ నగర్‌ మున్నేరు నిమజ్జనం పాయింట్‌ లేదా బొకలగడ్డ మున్నేరు నిమజ్జనం పాయింట్‌.
• శ్రీరామ్‌ హిల్స్‌, ముస్తఫా నగర్‌ ప్రాంతం విగ్రహాల ఊరేగింపు ముస్తఫా నగర్‌-చర్చి కాంపౌండ్‌-ప్రకాశ్‌ నగర్‌ మున్నేరు నిమజ్జనం పాయింట్‌ లేదా బొకలగడ్డ మున్నేరు నిమజ్జనం పాయింట్‌.
• ఖమ్మం వైరా రోడ్డు ప్రాంతం విగ్రహాల ఊరేగింపు జడ్పీ సెంటర్‌-చెర్వుబజార్‌-చర్చి కాంపౌండ్‌-ప్రకాశ్‌ నగర్‌ మున్నేరు నిమజ్జనం పాయింట్‌ లేదా బొకలగడ్డ మున్నేరు నిమజ్జనం పాయింట్‌.
• సారథినగర్‌ గాంధీ చౌక్‌ ప్రాంతం విగ్రహాల ఊరేగింపు గాంధీ చౌక్‌-నాయుడు సిల్స్‌-పీఎస్‌ఆర్‌ రోడ్‌-గుంటుమల్లన్న-ట్రంక్‌ రోడ్‌- నయాబజార్‌ మున్నేరు నిమజ్జనం పాయింట్‌.