రెండో విడతకు ఏర్పాట్లు పూర్తి

పంచాయతీ ఎన్నికల్లో మొదటి విడత నామినేషన్ల ఘట్టం పూర్తికావడంతో నేటి నుంచి రెండో విడత నామినేషన్లు షురూ కానున్నాయి. ఈ మేరకు అధికారులు భద్రాద్రి కొత్తగూడెం జిల్లాలో అన్ని ఏర్పాట్లు పూర్తి చేశారు.

• మొదటివిడత నామినేషన్ల ఘట్టం పూర్తి
• నేటి నుంచి రెండోవిడత షురూ..

భద్రాద్రి కొత్తగూడెం, నవంబర్‌ 29 (నమస్తే తెలంగాణ) : పంచాయతీ ఎన్నికల్లో మొదటి విడత నామినేషన్ల ఘట్టం పూర్తికావడంతో నేటి నుంచి రెండో విడత నామినేషన్లు షురూ కానున్నాయి. ఈ మేరకు అధికారులు భద్రాద్రి కొత్తగూడెం జిల్లాలో అన్ని ఏర్పాట్లు పూర్తి చేశారు. కలెక్టరేట్‌లో ఉన్న ఎన్నికల మెటీరియల్‌ ఇప్పటికే ఆయా పంచాయతీ కార్యాలయాలకు చేరిపోయింది. మండల అధికారులు పోలింగ్‌ బూత్‌లకు వెళ్లి సౌకర్యాలను పరిశీలిస్తున్నారు. తొలివిడతలో జరిగే ఎన్నికలకు అధికారులు 1,392 పోలింగ్‌ కేంద్రాలను ఏర్పాటు చేశారు.

నేటి నుంచి రెండోవిడత నామినేషన్లు

రెండో విడతలో భాగంగా ఈ నెల 30 నుంచి 2వ తేదీ వరకు నామినేషన్లు స్వీకరిస్తారు. అన్నపురెడ్డిపల్లి మండలంలో 3 పంచాయతీలు, అశ్వారావుపేటలో 8, చండ్రుగొండలో 4, చుంచుపల్లిలో 5, దమ్మపేటలో 10, ములకలపల్లిలో 7 , పాల్వంచ మండలంలో 12 మొత్తం 49 నామినేషన్ల కేంద్రాలను ఏర్పాటు చేశారు.