విద్యార్థులకు నాణ్యమైన విద్యే లక్ష్యం

విద్యార్థులకు నాణ్యమైన విద్య అందించడమే తమ లక్ష్యమని ముఖ్యమంత్రి రేవంత్‌రెడ్డి తెలిపారు. వైరా, మధిర నియోజకవర్గాల నుంచి బుధవారం సచివాలయానికి తరలివచ్చిన మహాత్మా జ్యోతిబా ఫూలే, సాంఘిక సంక్షేమ హాస్టళ్ల విద్యార్థులతో ముఖాముఖి కార్యక్రమంలో ఆయన పాల్గొన్నారు.

• 15 వేల మందితో ఈ నెల 14న మీటింగ్‌
• అదేరోజు ఫేజ్‌-2 ఇంటిగ్రేటెడ్‌ స్కూళ్ల మంజూరు
• విద్యార్థుల ముఖాముఖిలో ముఖ్యమంత్రి రేవంత్‌రెడ్డి

హైదరాబాద్‌, నవంబర్‌ 6 (నమస్తే తెలంగాణ): విద్యార్థులకు నాణ్యమైన విద్య అందించడమే తమ లక్ష్యమని ముఖ్యమంత్రి రేవంత్‌రెడ్డి తెలిపారు. వైరా, మధిర నియోజకవర్గాల నుంచి బుధవారం సచివాలయానికి తరలివచ్చిన మహాత్మా జ్యోతిబా ఫూలే, సాంఘిక సంక్షేమ హాస్టళ్ల విద్యార్థులతో ముఖాముఖి కార్యక్రమంలో ఆయన పాల్గొన్నారు. ఈ సందర్భంగా సీఎం మాట్లాడుతూ అందరికీ విద్య, వైద్యం, ఉపాధి అవకాశాలు కల్పించాల్సిన బాధ్యత ప్రభుత్వంపై ఉన్నదని స్పష్టంచేశారు.

చదువుతోపాటు స్కిల్స్‌ ఉంటేనే ఉద్యోగాలు లభిస్తాయని చెప్పారు. విద్యార్థులు చదువుతో పాటు క్రీడల్లోనూ రాణించాలని సూచించారు. ఈ నెల 14న 15 వేల మంది విద్యార్థులతో సమావేశం అవుతానని చెప్పారు. అదేరోజు ఫేజ్‌-2 ఇంటిగ్రేటెడ్‌ రెసిడెన్షియల్‌ సూళ్లను మంజూరు చేయనున్నట్టు వెల్లడించారు. మంత్రి పొంగులేటి శ్రీనివాస్‌రెడ్డి, ఎంపీలు బలరాంనాయక్‌, రఘురాంరెడ్డి, ప్రభుత్వ సలహాదారు షబ్బీర్‌ అలీ, ఎమ్మెల్యే మనోహర్‌రెడ్డి పాల్గొన్నారు.