Madhira : స్థానిక ఎన్నికలకు బీఆర్‌ఎస్ శ్రేణులు సన్నద్ధం కావాలి : లింగాల క‌మ‌ల్‌రాజు

స్థానిక సంస్థల ఎన్నికలకు బీఆర్‌ఎస్ పార్టీ నాయకులు, కార్యకర్తలు వెంటనే సన్నద్ధం కావాలని ఖ‌మ్మం జిల్లా పరిషత్ మాజీ చైర్మన్, పార్టీ మధిర నియోజకవర్గ ఇన్‌చార్జి లింగాల కమల్ రాజు పిలుపునిచ్చారు. శనివారం ​మధిరలోని పార్టీ కార్యాలయంలో మధిర మండల నాయకులతో ఆయన ప్రత్యేక సమావేశం నిర్వహించారు.

​మధిర, అక్టోబ‌ర్ 04 : స్థానిక సంస్థల ఎన్నికలకు బీఆర్‌ఎస్ పార్టీ నాయకులు, కార్యకర్తలు వెంటనే సన్నద్ధం కావాలని ఖ‌మ్మం జిల్లా పరిషత్ మాజీ చైర్మన్, పార్టీ మధిర నియోజకవర్గ ఇన్‌చార్జి లింగాల కమల్ రాజు పిలుపునిచ్చారు. శనివారం ​మధిరలోని పార్టీ కార్యాలయంలో మధిర మండల నాయకులతో ఆయన ప్రత్యేక సమావేశం నిర్వహించారు. ఈ సందర్భంగా మాట్లాడుతూ.. త్వరలో జరగబోయే స్థానిక సంస్థ‌ల ఎన్నికలకు సంబంధించి అభ్యర్థుల ఎంపికపై వెంటనే కసరత్తు ప్రారంభించాలని సూచించారు. ​కాంగ్రెస్ ఇచ్చిన హామీలను అమలు చేయడంలో విఫలమైన తీరును ప్రజలకు స్పష్టంగా వివరించాలన్నారు.

​ప్రతి గ్రామంలోనూ నాయకత్వంతో ప్రత్యేక సమావేశాలు నిర్వహించి, స్థానిక ఎన్నికల నిర్వహణపై సమగ్రంగా చర్చించుకోవాలన్నారు. ​విజయానికి అవసరమైన గ్రామస్థాయి ప్రణాళికలను సిద్ధం చేసుకోవాలని పేర్కొన్నారు. ​ఈ కార్యక్రమంలో చిత్తరు నాగేశ్వరరావు, వంకాయలపాటి నాగేశ్వరరావు, చావా వేణు, బొగ్గుల భాస్కర్ రెడ్డి, సత్యనారాయణ రెడ్డి, మధిర మండల ముఖ్య నాయకులు, కార్యకర్తలు పాల్గొన్నారు.