చేపల వేటకు వెళ్లి సీతారామ కాల్వ‌లో పడి వ్యక్తి మృతి

ప్రమాదవశాత్తు సీతారామ ప్రాజెక్ట్ ప్రధాన కాల్వ‌లో పడి ఓ వ్యక్తి మృతి చెందిన విషాద ఘటన మంగళవారం జూలూరుపాడు మండలంలో చోటుచేసుకుంది. ​స్థానికులు, కుటుంబ సభ్యులు తెలిపిన వివరాల ప్రకారం.. మండల పరిధిలోని వినోభానగర్ గ్రామానికి చెందిన...

​జూలూరుపాడు, ఆగస్టు 25 : ప్రమాదవశాత్తు సీతారామ ప్రాజెక్ట్ ప్రధాన కాల్వ‌లో పడి ఓ వ్యక్తి మృతి చెందిన విషాద ఘటన మంగళవారం జూలూరుపాడు మండలంలో చోటుచేసుకుంది. ​స్థానికులు, కుటుంబ సభ్యులు తెలిపిన వివరాల ప్రకారం.. మండల పరిధిలోని వినోభానగర్ గ్రామానికి చెందిన బోడా నాగయ్య (45) మంగళవారం గ్రామ సమీపంలోని సీతారామ ప్రాజెక్ట్ కాల్వ వద్దకు చేపల వేట కోసం వెళ్లాడు. ఈ క్రమంలో ప్రమాదవశాత్తు కాలుజారి ప్రవాహంలో పడిపోయాడు. గమనించిన సమీప వ్యవసాయ కూలీలు వెంటనే కుటుంబ సభ్యులకు సమాచారం అందించారు. ​కుటుంబ సభ్యులు ఘటనా స్థలానికి చేరుకుని స్థానికుల సహాయంతో నాగయ్యను కాల్వ‌లో నుండి బయటకు తీశారు. అనంతరం 108 అంబులెన్స్‌లో జూలూరుపాడు ప్రాథమిక ఆరోగ్య కేంద్రానికి తరలించగా అప్పటికే మృతి చెందినట్లు వైద్యులు నిర్ధారించారు. నాగ‌య్య‌కు భార్య, ఒక కుమారుడు ఉన్నారు.