‘బీఆర్ఎస్ నియోజకవర్గ ముఖ్యకార్యకర్తల సమావేశాన్ని జయప్రదం చేయండి’

మణుగూరు హనుమా ఫంక్ష‌న్ హాల్‌లో ఆదివారం నిర్వహించతలపెట్టిన నియోజకవర్గ బీఆర్ఎస్ పార్టీ ముఖ్యకార్యకర్తల సమావేశానికి బూర్గంప‌హాడ్ మండలం నుండి బీఆర్ఎస్ శ్రేణులు పెద్ద సంఖ్యలో తరలివెళ్లి జయప్రదం చేయాలని మాజీ జడ్పీటీసీ కామిరెడ్డి శ్రీలత శనివారం పిలుపునిచ్చారు.

బూర్గంపహాడ్, అక్టోబర్ 10 : మణుగూరు హనుమా ఫంక్ష‌న్ హాల్‌లో ఆదివారం నిర్వహించతలపెట్టిన నియోజకవర్గ బీఆర్ఎస్ పార్టీ ముఖ్యకార్యకర్తల సమావేశానికి బూర్గంప‌హాడ్ మండలం నుండి బీఆర్ఎస్ శ్రేణులు పెద్ద సంఖ్యలో తరలివెళ్లి జయప్రదం చేయాలని మాజీ జడ్పీటీసీ కామిరెడ్డి శ్రీలత శనివారం పిలుపునిచ్చారు. గ్రాడ్యుయేట్ ఎమ్మెల్సీ ఎన్నికల సన్నద్ధతతో పాటు బీఆర్ఎస్ ప్రభుత్వ హయాంలో పరిపాలన సౌలభ్యం కోసం కొత్త మండలాలు, కొత్త పంచాయతీల ఏర్పాటు కీలక నిర్ణయాలు తీసుకున్న పదేళ్ల ప్రస్థానాన్ని గుర్తుచేస్తూ పార్టీ భవిష్యత్ కార్యాచరణపై చర్చించడం జరుగుతుందని తెలిపారు. ఉదయం 10 గంటలకు జరిగే ఈ సమావేశానికి బీఆర్ఎస్ జిల్లా ఇన్‌చార్జి, ఎమ్మెల్సీ తక్కెళ్లపల్లి రవీందర్రావు, మాజీ గ్రంథాలయ సంస్థ చైర్మన్, పినపాక నియోజకవర్గ సభ్యత్వ నమోదు ఇన్‌చార్జి దిండిగల రాజేందర్, రాష్ట్ర నాయకులు ఏనుగుల రాకేశ్‌రెడ్డి హాజరవుతున్నట్లు తెలిపారు. పెద్దసంఖ్యలో బీఆర్ఎస్ శ్రేణులు హాజరై ఈ సమావేశాన్ని విజయవంతం చేయాలని కోరారు.