Ramavaram : మట్టి వినాయకులను పూజిద్దాం : ఏరియా జీఎం శాలెం రాజు

పర్యావరణాన్ని పరిరక్షించుకోవడం మనంద‌రి ప్రాథ‌మిక బాధ్యత అని కొత్తగూడెం ఏరియా జనరల్ మేనేజర్ ఎం.శాలెం రాజు అన్నారు. సోమవారం కొత్తగూడెం ఏరియాలోని జీఎం కార్యాలయం నందు ఉద్యోగుల‌కు వినాయక మట్టి విగ్రహాల‌ను పంపిణీ చేశారు.

రామవరం, ఆగస్టు 25 : పర్యావరణాన్ని పరిరక్షించుకోవడం మనంద‌రి ప్రాథ‌మిక బాధ్యత అని కొత్తగూడెం ఏరియా జనరల్ మేనేజర్ ఎం.శాలెం రాజు అన్నారు. సోమవారం కొత్తగూడెం ఏరియాలోని జీఎం కార్యాలయం నందు ఉద్యోగుల‌కు వినాయక మట్టి విగ్రహాల‌ను పంపిణీ చేశారు. ఈ సంద‌ర్భంగా ఆయ‌న మాట్లాడుతూ.. ఉద్యోగులందరికీ ముంద‌స్తుగా వినాయక చవితి శుభాకాంక్షలు తెలిపారు. ఉద్యోగులందరూ మట్టి వినాయక విగ్రహ ప్రతిమలకు భక్తిశ్రద్ధలతో పూజలు నిర్వహించుకుని, వినాయక చవితి పండుగను జరుపుకోవాలని పేర్కొన్నారు.

ఈ కార్యక్రమంలో ఏ‌ఐ‌టీయూసీ యూనియన్ సెంట్రల్ కౌన్సెల్లింగ్ మెంబర్ షైక్. హుమాయూన్, ఐ‌ఎన్‌టి‌యూ‌సి యూనియన్ వైస్ ప్రెసిడెంట్ ఎండి.రజాక్, ఎస్ ఓ టు జి ఎం జి.వి.కోటిరెడ్డి, ఏరియా ఇంజినీర్ కె.సూర్యనారాయణ రాజు, ఏజీఎం (ఫైనాన్స్) కె.సుమలత, ఏజీఎం (సివిల్) సిహెచ్.రామకృష్ణ, డిజిఎం (పర్సనల్) జి.వి. మోహన్ రావు, డిజిఎం (ఐఈ ) ఎన్.యోహన్, ఇతర విభాగాల అధిపతులు, అధికారులు, ఉద్యోగులు, కాంట్రాక్ట్ కార్మికులు పాల్గొన్నారు.