‘పంచాయతీల సమస్యలను పరిష్కరించాలి’

బీఆర్ఎస్ రాష్ట్ర పార్టీ ఆదేశాల మేరకు రుద్రంపూర్, గౌతంపూర్, ధన్‌బాద్ త్రీ ఇంక్లైన్ తదితర పంచాయతీల్లో నెలకొన్న సమస్యలను పరిష్కరించాలని బీఆర్ఎస్ నాయకులు ఆయా పంచాయతీల సర్పంచులు, కార్యదర్శుల దృష్టికి తీసుకెళ్లారు. ప్రధానంగా కోతులు, కుక్కల బెడదను నివారించాలని...

– సర్పంచులు, కార్యదర్శులకు బీఆర్ఎస్ నాయకుల వినతి

చుంచుపల్లి, అక్టోబర్ 17 : బీఆర్ఎస్ రాష్ట్ర పార్టీ ఆదేశాల మేరకు రుద్రంపూర్, గౌతంపూర్, ధన్‌బాద్ త్రీ ఇంక్లైన్ తదితర పంచాయతీల్లో నెలకొన్న సమస్యలను పరిష్కరించాలని బీఆర్ఎస్ నాయకులు ఆయా పంచాయతీల సర్పంచులు, కార్యదర్శుల దృష్టికి తీసుకెళ్లారు. ప్రధానంగా కోతులు, కుక్కల బెడదను నివారించాలని, బతుకమ్మ ఘాట్ల వద్ద పరిసరాలను పరిశుభ్రంగా ఉంచాలని కోరారు. ధన్‌బాద్ పంచాయతీ ప్రగతి వనంలోని ధన్‌బాద్ చెరువు వద్ద ఉన్న బతుకమ్మ ఘాట్ పిచ్చి మొక్కలతో నిండిపోయిందని, ఆదివారం బతుకమ్మలు వేసేందుకు మహిళలు ఇబ్బందులు ఎదుర్కొనే అవకాశం ఉందని నాయకులు తెలిపారు. వెంటనే శుభ్రపరిచే చర్యలు చేపట్టాలని కోరుతూ సంబంధిత అధికారులకు వినతిపత్రాలు అందజేశారు. ఈ కార్యక్రమంలో బీఆర్ఎస్ నాయకుడు పూల రవీందర్, మాజీ సర్పంచులు గుమ్మడి సాగర్, రాందాస్ నాయక్, మాజీ ఉపసర్పంచ్ రవి, ఐలయ్య, ముఖేష్ పాల్గొన్నారు.