మాజీ ఎమ్మెల్యే గుమ్మడి నరసయ్యకి గౌర‌వ డాక్ట‌రేట్‌

ఆదివాసి ముద్దుబిడ్డ, ఇల్లెందు మాజీ ఎమ్మెల్యే గుమ్మడి నరసయ్యకు గౌర‌వ డాక్ట‌రేట్ ల‌భించింది. శ‌నివారం చెన్నై, మైలాపూర్ భార‌తీయ విద్యా భ‌వ‌న్‌లో నిర్వ‌హించిన‌ కార్య‌క్ర‌మంలో గ్లోబల్ హ్యూమన్ పీస్ యూనివర్సిటీ ఆధ్వర్యంలో..

ఇల్లెందు, ఫిబ్రవరి 14 : ఆదివాసి ముద్దుబిడ్డ, ఇల్లెందు మాజీ ఎమ్మెల్యే గుమ్మడి నరసయ్యకు గౌర‌వ డాక్ట‌రేట్ ల‌భించింది. శ‌నివారం చెన్నై, మైలాపూర్ భార‌తీయ విద్యా భ‌వ‌న్‌లో నిర్వ‌హించిన‌ కార్య‌క్ర‌మంలో గ్లోబల్ హ్యూమన్ పీస్ యూనివర్సిటీ ఆధ్వర్యంలో ఆయ‌న ఈ అవార్డును అందుకున్నారు. ఒక ప్రజా ప్రతినిధిగా ఎలాంటి అవినీతికి తావు లేకుండా, నిబద్ధతైన సేవలు అందించినందుకు గాను యూనివర్సిటీ కమిటీ గుమ్మడి నరసయ్యను ఈ అవార్డుకు ఎంపిక చేసిన‌ట్లు స‌త్క‌రిస్తున్న‌ట్లు పేర్కొంది. గ్లోబల్ హ్యూమన్ పీస్ యూనివర్సిటీ జాయింట్ డైరెక్టర్ డా.గౌని నర్సింహ గౌడ్, నామినేషన్ కమిటీ మెంబ‌ర్ ఎండీ.అరిఫుద్దీన్ చేతుల మీదుగా గుమ్మ‌డి న‌ర‌స‌య్య ఈ గౌర‌వ డాక్ట‌రేట్‌ను అందుకున్నారు. ఈ సందర్భంగా ఇల్లెందుకు చెందిన పలువురు నాయకులు హర్షం వ్యక్తం చేశారు.