పేదింటి అమ్మాయి పెండ్లికి ఆర్థిక సాయం

సంపాదనలో ఒక భాగాన్ని పేదవారికి ఇవ్వడం ప్రతి సామర్థ్యమున్న ముస్లింకి విధిగా ఖురాన్ పేర్కొంటుంది. ఇది పేదవారి హక్కుగా భావించబడుతుంద‌ని జమాతే ఇస్లామిక్ హింద్ సభ్యుడు అబ్దుల్ బాషీద్ అన్నారు. మంగళవారం రుద్రంపూర్–రామవరం శాఖ, రామవరం మర్చంట్ అసోసియేషన్..

రుద్రంపూర్, ఏప్రిల్ 21 : సంపాదనలో ఒక భాగాన్ని పేదవారికి ఇవ్వడం ప్రతి సామర్థ్యమున్న ముస్లింకి విధిగా ఖురాన్ పేర్కొంటుంది. ఇది పేదవారి హక్కుగా భావించబడుతుంద‌ని జమాతే ఇస్లామిక్ హింద్ సభ్యుడు అబ్దుల్ బాషీద్ అన్నారు. మంగళవారం రుద్రంపూర్–రామవరం శాఖ, రామవరం మర్చంట్ అసోసియేషన్ సంయుక్త ఆధ్వర్యంలో ఓ మానవతా కార్యక్రమం నిర్వహించారు. కొత్తగూడెం కార్పొరేషన్ పరిధిలోని రామవరం గ్రామానికి చెందిన ఓ పేద ముస్లిం యువతి పెళ్లి కోసం రూ.10 వేల ఆర్థిక సహాయం అందజేశారు. ఈ కార్యక్రమానికి రామవరం మర్చంట్ అసోసియేషన్ జనరల్ సెక్రటరీ జాకీర్ నాయకత్వం వహించారు. ఈ సందర్భంగా జమాతే ఇస్లామిక్ హింద్ సభ్యుడు అబ్దుల్ బాషీద్ మాట్లాడుతూ ఖురాన్, హదీస్‌లలో పేదవారికి ఇచ్చిన హక్కులను వివరించారు. ఈ కార్యక్రమంలో నజీర్, జాకీర్, జమాత్ సభ్యులు ఆలం, రహీం, మన్నన్, షమీం పాల్గొన్నారు.