సారపాకలో స్మార్ట్ రేషన్ కార్డుల పంపిణీ

బూర్గంపహాడ్ మండలం పరిధిలోని సారపాక గ్రామంలో బుధ‌వారం గ్రామ రెవెన్యూ అధికారుల ఆధ్వర్యంలో స్మార్ట్ రేషన్ కార్డుల పంపిణీ కార్యకమం జరిగింది. ఈ కార్యక్రమానికి సారపాక మేజర్ గ్రామ పంచాయతీ సర్పంచ్ గూగులోత్ కిషోర్ శివరాం నాయక్ ముఖ్య అతిథిగా హాజరై...

బూర్గంపహాడ్, నవంబర్ 04 : బూర్గంపహాడ్ మండలం పరిధిలోని సారపాక గ్రామంలో బుధ‌వారం గ్రామ రెవెన్యూ అధికారుల ఆధ్వర్యంలో స్మార్ట్ రేషన్ కార్డుల పంపిణీ కార్యకమం జరిగింది. ఈ కార్యక్రమానికి సారపాక మేజర్ గ్రామ పంచాయతీ సర్పంచ్ గూగులోత్ కిషోర్ శివరాం నాయక్ ముఖ్య అతిథిగా హాజరై అర్హులైన లబ్ధిదారులకు స్మార్ట్ రేషన్ కార్డులను స్వయంగా అందజేశారు. ఈ సందర్భంగా సర్పంచ్ మాట్లాడుతూ… తెలంగాణ రాష్ట్ర ప్రభుత్వం అర్హులైన ప్రతి పేద కుటుంబానికి తెల్ల రేషన్ కార్డు అందించాలనే స్పష్టమైన లక్ష్యంతో ముందుకు సాగుతోందని పేర్కొన్నారు. స్మార్ట్ రేషన్ కార్డుల ద్వారా రేషన్ పంపిణీ వ్యవస్థ మరింత పారదర్శకంగా మారుతుందని, లబ్ధిదారులకు సేవలు మరింత సులభతరమవుతాయని తెలిపారు. అర్హత కలిగిన ప్రతి ఒక్కరికీ ప్రభుత్వ సంక్షేమ పథకాలు త్వరితగతిన అందేలా చర్యలు తీసుకుంటున్నామని స్పష్టం చేశారు. ఈ కార్యక్రమంలో గ్రామ రెవెన్యూ అధికారులు వెంకన్న, ప్రసాద్, పంచాయతీ ఈవో రవికుమార్, వార్డు సభ్యులు, గ్రామ ప్రజలు, లబ్ధిదారులు పాల్గొన్నారు.