Visit:
– పంటలను పరిశీలించిన ఏవో శంకర్
బూర్గంపహాడ్, సెప్టెంబర్ 24 : బూర్గంపహాడ్ మండలం వేపలగడ్డ పంచాయతీలో వేపలగడ్డ, కొమ్ము నకిరిపేట గ్రామాల్లో ఈదురు గాలులకు సుమారు 200 నుంచి 250 ఎకరాల్లో పత్తి పంట నేలవాలింది. బుధవారం సాయంత్రం నుండి వీచిన బలమైన గాలులకు అంజనాపురం తదితర గ్రామాలకు చెందిన 50 నుండి 60 మంది రైతులకు సంబంధించిన పత్తి పంట కాయదశకు చేరుకునే సమయంలో నేలరాలడంతో ఆందోళన చెందుతున్నారు. ఈ విషయం తెలుసుకున్న మండల వ్యవసాయాధికారి శంకర్ గురువారం ఏఈవో వైష్ణవి తదితరులతో వేపలగడ్డ, కొమ్మునకిరిపేట గ్రామాల్లో నేలవాలిన పత్తి పంటను పరిశీలించారు. ప్రభుత్వానికి నివేదిక పంపించి అన్నదాతలను ఆదుకుంటామని హామీ ఇచ్చారు. ఈ కార్యక్రమంలో ఆయా గ్రామాల రైతులు, స్థానిక నాయకులు, ప్రజా ప్రతినిధులు పాల్గొన్నారు.
బూర్గంపహాడ్ మండలంలో ఈదురుగాలులకు 250 ఎకరాల్లో నేలవాలిన పత్తి
