Revenue conferences | భూముల సమస్యలను పరిష్కరించేందుకే రెవెన్యూ సదస్సులు..  జిల్లా అదనపు కలెక్టర్ దాసరి వేణు

చాలా కాలంగా పెండింగ్ లో ఉన్న భూమి హక్కుల సమస్యలను పరిష్కరించేందుకే భూ భారతి రెవెన్యూ సదస్సులు నిర్వహిస్తున్నట్లు జిల్లా అదనపు కలెక్టర్ దాసరి వేణు అన్నారు.

Revenue conferences | పెద్దపల్లి రూరల్, జూన్ 3 : చాలా కాలంగా పెండింగ్ లో ఉన్న భూమి హక్కుల సమస్యలను పరిష్కరించేందుకే భూ భారతి రెవెన్యూ సదస్సులు నిర్వహిస్తున్నట్లు జిల్లా అదనపు కలెక్టర్ దాసరి వేణు అన్నారు. పెద్దపల్లి మండలంలోని రంగాపూర్ , భోజన్నపేట గ్రామాల్లో భూభారతి గ్రామ రెవెన్యూ సదస్సులను నిర్వహించారు. భోజన్నపేటలో నిర్వహిస్తున్న సదస్సుకు జిల్లా అదనపు కలెక్టర్ దాసరి వేణు, పెద్దపల్లి ఆర్డీవో బొద్దుల గంగయ్యతో కలిసి సందర్శించి సదస్సు నడుస్తున్న తీరును, వచ్చిన ధరఖాస్తులను పరిశీలించి వివరాలను అడిగి తెలుసుకున్నారు.

ఈ సందర్భంగా ఆయన మాట్లాడుతూ.. ప్రజలు, రైతులు ఎవరైనా సరే భూములకు సంబంధించిన హక్కుల విషయంలో పడుతున్న బాధరపై ఆధారాలతో కూడిన దరఖాస్తులను సమర్పిస్తే అవసరమైన చర్యలు తీసుకుంటూ ప్రభుత్వ మార్గదర్శకాల మేరకు పూర్తి స్థాయి హక్కులు కల్పించనున్నట్లు తెలిపారు.

ఈ అవకాశాన్ని జిల్లాలోని అన్ని మండలాల రైతులు, ప్రజలు వినియోగించుకుని లబ్ధి పొందాలన్నారు. ఈ కార్యక్రమంలో పెద్దపల్లి తహసీల్దార్ దండిగ రాజయ్య యాదవ్, నాయిబ్ తహసీల్దార్ విజేందర్, ఆర్ఐలు భానుకుమార్, వెంకటరాజిరెడ్డితో పాటు అధికారుల బృందం పాల్గొన్నారు.