Karimnagar News | ముదురుతున్న ఇంజినీరింగ్ కాంట్రాక్టర్ల వివాదం.. కాంట్రాక్టర్ సంఘంలో చీలికలు
కరీంనగర్ నగరపాలక సంస్థల ఇంజినీరింగ్ అధికారి ఈఈ రోడ్డ యాదగిరి నగరపాలక సంస్థ కాంట్రాక్టర్ల సంక్షేమ సంఘం మధ్య వివాదం రోజురోజుకు ముదురుతుంది
కరీంనగర్ : కరీంనగర్ నగరపాలక సంస్థల ఇంజినీరింగ్ అధికారి ఈఈ రోడ్డ యాదగిరి నగరపాలక సంస్థ కాంట్రాక్టర్ల సంక్షేమ సంఘం మధ్య వివాదం రోజురోజుకు ముదురుతుంది. ఈ వివాదం కాస్తా ఇప్పుడు ఉన్నతాధికారులకు ఇబ్బందిగా మారినట్లు తెలుస్తోంది. తనపై కాంట్రాక్టర్ నారాయణ దౌర్జన్యం చేశాడని ఈఈ యాదగిరి వన్ టౌన్ పోలీస్ స్టేషన్లో ఈనెల ఈనెల 19న ఫిర్యాదు చేసిన విషయం తెలిసిందే. దీనికి కౌంటర్గా ఈఈ యాదగిరి కాంట్రాక్టర్లను వేధిస్తున్నాడని ఆయన పై చర్యలు తీసుకోవాలంటూ కాంట్రాక్టర్ల సంఘం నాయకులు జిల్లా కలెక్టర్ను కలిసి వినతిపత్రం అందించారు. అయితే ఈఈ యాదగిరి పై ఆరోపణలు చేయడం సరికాదు అంటూ కాంట్రాక్టర్ల సంఘానికి చెందిన కొంతమంది కాంట్రాక్టర్లు ఎదురు తిరగడం నగరపాలక సంస్థలో హాట్ టాపిక్ గా మారింది. ఇప్పటివరకు కాంట్రాక్టర్లు, ఈఈ మధ్య వివాదం నడుస్తుండగా ఇప్పుడు నూతనంగా కాంట్రాక్టర్ల సంఘంలోనే రెండు వర్గాలు కావడతో అసలు ఏం జరుగుతుందన్న చర్చ జోరందుకుంది.
అసలేం జరుగుతుంది..
నగర పాలక సంస్థ లో ఇంజినీరింగ్ విభాగం కాంట్రాక్టర్ల మధ్య అసలేం జరుగుతుందన్న చర్చ మొదలైంది. నిన్నటి వరకు ఈఈ పై ఫిర్యాదులు చేసిన కాంట్రాక్టుల సంఘం నుంచి కొందరు కాంట్రాక్టర్లు ఈ వివాదంతో తమకు సంబంధం లేదంటూ కలెక్టర్ను కలవడం చర్చకు దారి తీసింది. కలెక్టర్ కు అందించిన వినతి పత్రంలో ఏకంగా కాంట్రాక్టర్లు కొందరు కాంట్రాక్టర్ల తీరుపై విమర్శలు చేయడం ఇప్పుడు చర్చనీయాంశమైంది. కొంతమంది కాంట్రాక్టర్లు తమ పనుల కోసం ఇంజినీర్ అధికారులను ఏసీబీకి పట్టిస్తామని బెదిరిస్తున్నారని పేర్కొనడం గమనించాల్సిన విషయం. ఒక అధికారికి కాంట్రాక్టర్కు మధ్యల జరిగిన వివాదానికి సంఘాన్ని కలపడం ఏమిటని వారు ప్రశ్నించడం విశేషం. ఈఈ యాదగిరి పై వస్తున్న ఆరోపణలు అవాస్తవమని, తమకు అధికారితో ఎలాంటి గొడవలు లేవని వారు పేర్కొంటున్నారు. దీంతో ఇప్పుడు ఇంజినీరింగ్ కాంట్రాక్టర్ల అవినీతి పై చర్చ సాగుతున్నది. మునుముందు ఎలాంటి వివాదాలకు దారితీస్తాయోనని జిల్లాలో చర్చించుకుంటున్నారు.
Read Today's Latest Karimnagar News in Telugu and Telugu News
RELATED ARTICLES
తాజా వార్తలు
Hyderabad Drinking Water | తెలంగాణ గర్భశోకం.. హైదరాబాద్ సిటీకి జల గండం
Land Resurvey | ప్రతి రైతుభూమీ రీ సర్వే.. అన్నదాతలపై రేవంత్ ప్రభుత్వం మరో కుంపటి
Private School Business | నంబర్-1 నేత కూతురి ‘మైండ్వాల్ట్’.. నంబర్- 2 నేత కుమార్తె ‘మావ్ ఎడ్యూ’.. స్కూళ్ల వ్యాపారం
KLSR Infratech | దివాలా కంపెనీ.. 6వేల కోట్ల బినామీ వైభవం.. రాష్ట్రంలోని కీలక ఇన్ఫ్రా ప్రాజెక్టులన్నీ కేఎల్ఎస్ఆర్కే!
Horoscope | 22-11-2026 ఆదివారం.. మీ రాశి ఫలాలు
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి


