బాలికలకు భరోసా ‘స్నేహిత’
బాలికల్లో ధైర్యాన్ని నింపి, వారికి భరోసా కల్పించడమే స్నేహిత కార్యక్రమం లక్ష్యమని, మహిళలకు ఆరోగ్యంపై అవగాహన కల్పించేందుకే శుక్రవారం సభకు శ్రీకారం చుట్టామని కలెక్టర్ పమేలా సత్పతి తెలిపారు. మండలంలోని గర్శకుర్తిలో మహిళా శిశు సంక్షేమ శాఖ ఆధ్వర్యంలో ఏర్పాటు చేసిన స్నేహిత-2 అవగాహన కార్యక్రమాన్ని ప్రారంభించారు.
- భద్రత కోసం ప్రతి పాఠశాలలో ఫిర్యాదుల పెట్టె
- కలెక్టర్ పమేలా సత్పతి
గంగాధర, నవంబర్ 11 : బాలికల్లో ధైర్యాన్ని నింపి, వారికి భరోసా కల్పించడమే స్నేహిత కార్యక్రమం లక్ష్యమని, మహిళలకు ఆరోగ్యంపై అవగాహన కల్పించేందుకే శుక్రవారం సభకు శ్రీకారం చుట్టామని కలెక్టర్ పమేలా సత్పతి తెలిపారు. మండలంలోని గర్శకుర్తిలో మహిళా శిశు సంక్షేమ శాఖ ఆధ్వర్యంలో ఏర్పాటు చేసిన స్నేహిత-2 అవగాహన కార్యక్రమాన్ని ప్రారంభించారు. ఈ సందర్భంగా కలెక్టర్ మాట్లాడుతూ, బాలికల భద్రతకు పెద్దపీట వేస్తూ ప్రతి పాఠశాలలో ఫిర్యాదుల పెట్టెను ఏర్పాటు చేస్తున్నట్లు తెలిపారు. పెట్టె తాళం చెవి నోడల్ అధికారి, షీటీం దగ్గర ఉంటుందన్నారు. విద్యార్థినులు తమ సమస్యలను పేపర్పై రాసి పెట్టెలో వేస్తే అధికారులు విచారణ చేసి చర్యలు తీసుకుంటారని పేర్కొన్నారు. విద్యార్థినులను వేధించినా, వారితో అసభ్యకరంగా ప్రవర్తించినా ధైర్యంగా పోలీసులకు ఫిర్యాదు చేయాలని, టోల్ ఫ్రీ నంబర్లు 1098, 100కు ఫోన్ చేసి సమాచారం ఇవ్వాలని సూచించారు.
ఏబీసీ ఆఫ్ లైఫ్ రైమ్ విద్యార్థులతో కలెక్టర్ ముచ్చట్లు
కలెక్టర్ పాడిన ఏబీసీ ఆఫ్ లైఫ్ రైమ్లో పాల్గొన్న గర్శకుర్తి ప్రభుత్వ పాఠశాల విద్యార్థులతో కలెక్టర్ పమేలా సత్పతి ముచ్చటించారు. ఏబీసీ ఆఫ్ లైఫ్ రైమ్ లక్నోలో నిర్వహించిన జాతీయ ఉపాధ్యాయ సదస్సులో ప్రదర్శించినట్లు తెలిపారు. విద్యార్థులతో కలిసి విలువలు తెలిపే ఫ్లకార్డులను ప్రదర్శించారు. విద్యార్థులు కష్టపడి చదివి ఉన్నతస్థాయిలో నిలవాలని సూచించారు. పాఠశాల ఆవరణలో ఏర్పాటు చేసిన విటమిన్ గార్డెన్, మొక్కలను పరిశీలించారు. అనంతరం సామూహిక సీమంతం, అన్నప్రాసన కార్యక్రమాల్లో కలెక్టర్ పాల్గొన్నారు. ఇక్కడ సీడబ్ల్యూసీ చైర్పర్సన్ ధనలక్ష్మి, షీ టీం సీఐ శ్రీలత, జిల్లా సంక్షేమ అధికారి సరస్వతి, బాలికా అభివృద్ధి అధికారి కృపారాణి, తాసీల్దార్ రజిత, ఎంపీడీవో రాము, ఎంఈవో ప్రభాకర్రావు తదితరులు పాల్గొన్నారు.
Read Today's Latest Karimnagar News in Telugu and Telugu News
RELATED ARTICLES
తాజా వార్తలు
వికారాబాద్లో లారీ బీభత్సం.. ఒకే కుటుంబానికి చెందిన నలుగురు మృతి
Chiranjeevi | బాలయ్య అన్స్టాపబుల్ సీజన్ 5కు చిరంజీవి గెస్ట్ .. మెగా వర్స్ వర్సెస్ అన్స్టాపబుల్పై ఆసక్తికర చర్చ!
Sabarimala Lord Ayyappa Temple | శబరిమలలో భక్తుల రద్దీ.. దర్శనానికి భారీ క్యూ లైన్లు.. వీడియో
Suriya | ఒకే ఏడాదిలో మూడు సినిమాలతో రూ.200 కోట్ల క్లబ్.. ‘సీన్’ సక్సెస్పై సూర్య ఎమోషనల్ వీడియో!
Ind vs Nz | వెల్లింగ్టన్ టెస్టులో భారత్ పరుగుల విధ్వంసం.. 9 వికెట్లు సాధిస్తే టీమిండియాదే గెలుపు
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

