విద్యార్థులూ… టెన్‌షన్‌ వద్దు!

వచ్చే నెల 3వ తేదీ నుంచి పదో తరగతి పరీక్షలు మొదలు కాబోతున్నా యి. అంటే వారం కూడా లేదు. సమయం సమీపిస్తున్న కొద్దీ విద్యార్థుల్లో ఆందోళన. ఇప్పటిదాకా ప్రిపేర్‌ అయినా తెలియని భయం. అయితే పరీక్షల వేళ విద్యార్థులు ఏమాత్రం టెన్షన్‌ పడినా అసలుకే ప్రమాదం. అందుకే బట్టీ పట్టకుండా ప్రశాంతంగా పునశ్చరణ చేసుకోవాలి.

• వచ్చే నెల 3వ తేదీ నుంచే పదోతరగతి పరీక్షలు
• ఈ సారి సబ్జెక్టుకు ఒకటే పేపర్‌
• ఆందోళన వీడి ప్రణాళిక ప్రకారం ముందుకెళ్తేనే మంచి మార్కులు
• సబ్జెక్టుల వారీగా నిపుణుల సలహాలు

వచ్చే నెల 3వ తేదీ నుంచి పదో తరగతి పరీక్షలు మొదలు కాబోతున్నా యి. అంటే వారం కూడా లేదు. సమయం సమీపిస్తున్న కొద్దీ విద్యార్థుల్లో ఆందోళన. ఇప్పటిదాకా ప్రిపేర్‌ అయినా తెలియని భయం. అయితే పరీక్షల వేళ విద్యార్థులు ఏమాత్రం టెన్షన్‌ పడినా అసలుకే ప్రమాదం. అందుకే బట్టీ పట్టకుండా ప్రశాంతంగా పునశ్చరణ చేసుకోవాలి. ఇది వరకు చదివిన పాఠ్యాంశాల్లోని ప్రధానాంశాలను మళ్లీ నెమరేసుకోవాలి. అప్పుడే మంచి మార్కులు సాధించే అవకాశముంటుందని విషయ నిపుణులు సూచిస్తున్నారు. తెలుగు, హిందీ, ఇంగ్లిష్‌, మ్యాథ్స్‌, సైన్స్‌, సోషల్‌ సబ్జెక్టులకు సంబంధించి పలు సూచనలు, సలహాలు ఇచ్చారు. అయితే ఈ సారి సబ్జెక్టుకు రెండు పేపర్లు కాకుండా, ఒకటే పేపర్‌ ఉంటుందని, సబ్జెక్టులవారీగా ఏయే అంశాలపై శ్రద్ధపెట్టాలో, పరీక్షలు రాసేటప్పుడు ఎలాంటి జాగ్రత్తలు తీసుకోవాలో ఇలా వివరిస్తున్నారు.

– కమాన్‌ చౌరస్తా, మార్చి 28

పదో తరగతి పరీక్షలు వచ్చే నెల 3వ తేదీ నుంచే ప్రారంభమవుతుండగా, విద్యార్థుల్లో ఆందోళన మొదలైంది. సమయం తక్కువగా ఉండడంతో ఒకరమైన భయం కనిపిస్తున్నది. కానీ, ప్రతి పరీక్షనూ ప్రశాంతంగా రాయాలనీ, అప్పుడే మంచి మార్కులు సాధించవచ్చని నిపుణులు స్పష్టం చేస్తున్నారు. ఇంకా ఒకటి రెండు రోజులే ఉండడంతో ముఖ్యాంశాలను ఒకసారి నెమరేసుకోవాలనీ, టెన్షన్‌ వద్దని సూచిస్తున్నారు. అలాగాక హాల్లో ప్రవేశించింది మొదలు ఆందోళనపడితే తెలిసిన ప్రశ్నలకూ జవాబు రాయలేని పరిస్థితి తలెత్తుతుందనీ, తద్వారా ఆశించిన స్థాయిలో మార్కులు పొందలేరని చెబుతున్నారు. కఠిన ప్రశ్నలను చూసి, టెన్షన్‌ పడేకంటే తేలికైన ప్రశ్నలకు చకచకా సమాధానాలు రాయడం మేలనీ, తద్వారా సమయం సద్వినియోగమవుతుందని అభిప్రాయపడుతున్నారు. అయితే ఈ సారి సబ్జెక్టుకు రెండు పేపర్లు కాకుండా, ఒకటే పేపర్‌ ఉంటుందని, సబ్జెక్టులవారీగా ఏఏ అంశాలపై శ్రద్ధపెట్టాలో, పరీక్షలు రాసేటప్పుడు ఎలాంటి జాగ్రత్తలు తీసుకోవాలో ఇలా వివరిస్తున్నారు.

– కమాన్‌ చౌరస్తా, మార్చి 28

ఇలా రాయాలి

• రాసే వాక్యాలు వంకర టింకరగా ఉండకూడదు.
• పదాల్ని కలిపేసి రాయకూడదు. అక్షరాలు, సంఖ్యలు స్పష్టంగా రాయాలి.
• సమాధానాలు రాసేటప్పుడు విరామ చిహ్నాలు మరిచిపోవద్దు.
• చదివిన అంశాన్ని ఒకసారి చూసి రాసుకుంటే అది బాగా గుర్తుండి పోతుంది. చేతిరాత కూడా బాగవుతుంది.
• ఆంగ్ల కలిపిరాత, విడిరాత అయినా దిద్దేవారికి అర్థమయ్యేలా ఉండాలి.
• తప్పుగా రాసినప్పుడు ఇష్టం వచ్చినట్లు కొట్టివేయకుండా ఆ పదంపై ఒక గీత గీసి దాని పక్కనే తిరిగి రాయడం ఉత్తమం.
• అంకెలు వేసేటప్పుడు కలిపిరాత పనికి రాదు. ఎట్టి పరిస్థితుల్లోనూ షార్ట్‌కట్‌ భాషను వాడవద్దు.
• తెలుగు, హిందీ, ఇంగ్లిష్‌ అక్షరాలు రాసేటప్పుడు అక్షరాలు నిటారుగా, గుండ్రంగా ఉండాలి.
• అక్షరాల మధ్య ఖాళీ స్థలాలను వదలడం ద్వారా పదాల అర్థాలు మారిపోతాయి.
• చేతిరాత బాగోలేదని పరీక్షా సమయంలో బాధపడేకంటే ముందస్తు జాగ్రత్తలు పాటించి చిన్న చిన్న చిట్కాలను అవలంబిస్తే మంచి మార్కులు పొందవచ్చు.

తెలుగు

• పదో తరగతి పరీక్షలు గతంలోలాగా కాకుండా ఈ సంవత్సరం నుంచి ఒకే పేపర్‌ ఉంటుంది. ఇందు కోసం విద్యార్థులు ప్రణాళికాబద్ధంగా చదివితే 10/10 గ్రేడ్‌ సులువుగా సాధించవచ్చు.
• తెలుగు పేపర్‌లో పెద్దగా మార్పులు లేవు. కొన్ని మాత్రమే మార్చారు. మొదటి విభాగంలో అవగాహన ప్రతిస్పందన విభాగం కింద 20 మారులు కేటాయించారు. ఇందులో పరిచిత గద్యభాగం అంటే రామాయణం నుంచి రెండు పేరాలు ఇచ్చి ప్రశ్నలు అడగడం కానీ, ఖాళీల పూరణ కానీ, కార్యాకారణ సంబంధాలు కానీ అడగవచ్చు. ఐదు ప్రశ్నలు ఇచ్చి ఒక్కో దానికి ఒక్కో మారు చొప్పున ఐదు మారులు కేటాయిస్తారు.
• పరిచిత పద్యం కింద పాఠ్యపుస్తకంలోని పద్య భాగంలో ఉన్న చుకబెట్టిన పద్యాలను అడుగుతారు. రెండు ఇచ్చి ఒకటి రాయమంటారు. ఇందులో పద్య పూరణ చేసి భావం రాయమనడం గానీ, పద్యాన్ని ఇచ్చి ప్రతిపదార్థం రాయమనడం గానీ చేస్తారు. ఇందులో ఐదు మారులు కేటాయిస్తారు.
• అపరిచిత పద్యం లేదా గద్యాంశాల కింద రెండు పేరాగ్రాఫ్‌లు ఇచ్చి రెండు వాక్యాలలో సమాధానం వచ్చేలా ప్రశ్నలు అడుగుతారు. ఒక్కో ప్రశ్నకు రెండు మారుల చొప్పున ఐదు ప్రశ్నలు వస్తాయి.
• రెండో విభాగంలో స్వీయ రచన-సృజనాత్మకత అంశాలకు 40 మారులు కేటాయిస్తారు. ఇందులో స్వీయ రచనకు 33 మారులు, 7 మారులు సృజనాత్మకతకు కేటాయిస్తారు.
• స్వీయ రచన విభాగంలో లఘు సమాధాన ప్రశ్నల కింద పద్యభాగం నుంచి రెండు ప్రశ్నలు గద్యభాగం నుంచి రెండు ప్రశ్నలు మొత్తం నాలుగు ప్రశ్నలు అడుగుతారు. వీటిలో తప్పనిసరిగా ఒక కవి లేదా రచయిత గురించి అడుగుతారు.
• వ్యాసరూప సమాధాన ప్రశ్నల కింద పద్యభాగం నుంచి రెండు ప్రశ్నలు ఇచ్చి ఒకటి, గద్యభాగం నుంచి రెండు ప్రశ్నలు ఇచ్చి ఒకటి, ఉపవాచకం నుంచి రెండు ప్రశ్నలు ఇచ్చి ఒకటి రాయమంటారు. ఒకో ప్రశ్నకు ఏడు మారులు కేటాయిస్తారు.
• సృజనాత్మకత విభాగంలో రెండు అంశాలు ఇచ్చి ఒక దానికి సమాధానం రాయమంటారు. దీనికి ఏడు మారులు ఉంటాయి.
• సృజనాత్మకత ప్రశ్నలలో లేఖ, సంభాషణ, ఇంటర్వ్యూ ప్రశ్నలు, వ్యాసం ప్రక్రియలపై ప్రత్యేక దృష్టి పెట్టాలి. స్వీయ రచన ప్రశ్నలు కానీ, సృజనాత్మక ప్రక్రియ ప్రశ్నలు కానీ సమాధానాలు సూటిగా, స్పష్టంగా వివరణాత్మకంగా, అడిగిన ప్రశ్నకు సరైన సమాధానం రాసే విధంగా ఉండాలి. ప్రశ్నలను బాగా అర్థం చేసుకోవాలి. అప్పుడే పూర్తి స్థాయిలో జవాబులు రాయొచ్చు.

పార్ట్‌-బీలో..

• పదజాలం కింద రెండు సొంత వాక్యాలు ఇస్తారు. వీటితోపాటు అర్థాలు, పర్యాయపదాలు, నానార్థాలు, ప్రకృతి, వికృతులు, వ్యుత్పత్తర్థాలు అడుగుతారు. గతం కంటే భిన్నంగా ఈసారి ఒక్కో దానికి ఒక్కో మారు కేటాయిస్తారు. వ్యాకరణాంశాల కింద సంధులు, సమాసాలు, అలంకారాలు, చందస్సు, వాక్యాలు మొదలైనవి అడుగుతారు. వీటికి ఒక్కో దానికి ఒక్కో మారు కేటాయిస్తారు.
• అన్ని పాఠాల కవి పరిచయాలపై ప్రత్యేక దృష్టి పెట్టాలి. అలాగే, పరిచిత పద్యం కోసం 17 చుక పెట్టిన పద్యాలున్నాయి. ముఖ్యంగా అన్ని పాఠాల్లోని చుక పెట్టిన పద్యాలపై ప్రత్యేక శ్రద్ధ పెట్టాలి. అలాగే, స్వీయ రచన ప్రశ్నలు అర్థం చేసుకొని ప్రశ్న ఏ విధంగా అడిగారో ఆ విధంగా ప్రశ్నకు అనుగుణమైన సమాధానం రాయాలి. ముఖ్యంగా దానశీలం, వీర తెలంగాణ, శతక మధురిమ, భాగ్యోదయం, భిక్ష, భూమిక వంటి పాఠాల మీద దృష్టి ఎకువగా పెట్టాలి.
• అవగాహన ప్రతి స్పందనకు సంబంధించి ఇచ్చిన పేరాగ్రాఫ్‌ను ఒకటికి రెండుసార్లు చదవడం వల్ల పరిచిత, అపరిచిత అంశాల్లో 15 మారులు సులువుగా పొందవచ్చు, అలాగే, పాఠాల చివరన అన్ని వ్యాకరణాంశాలతోపాటు పుస్తకం చివరన పద పట్టిక నిఘంటువును బాగా చదవాలి. అప్పుడు పూర్తిస్థాయిలో 10/10 వచ్చే అవకాశం ఉంటుంది.

– గాజుల రవీందర్‌ తెలుగు ఉపాధ్యాయుడు

హిందీ

• పదో తరగతి పరీక్షల్లో సెకండ్‌ లాంగ్వేజీ హిందీ. గతంలో మాదిరిగా ప్రస్తుతం కూడా ఒకే పేపరు 80 మారులు ఉంటుంది. ప్రశ్నపత్రం గతంలో కంటే సులభంగా, విద్యార్థులు ఎకువ మారులు సాధించేలా ఉండడం కలిసి వచ్చే విషయం. హిందీ ప్రశ్నాపత్రంలో పార్ట్‌ – ఏ, పార్ట్‌ -బీ కలిపి 80 మారులకు గాను, పార్ట్‌ -ఏ కు 60 మారులు, పార్ట్‌ – బీకి 20 మారులు ఉంటాయి.
• పార్ట్‌- ఏ లో సెక్షన్‌ 1కి 20 మారులు (అర్థ గ్రాహ్యాలు, ప్రతిక్రియ) సెక్షన్‌ 2కి 40 మారులు (స్వీయరచన ప్రశ్న, సృజనాత్మకత) ఉంటాయి. సెక్షన్‌ 1కి సంబంధించి పరిచిత గద్యం ఉపవాచకంలో నాలుగు పాఠ్యాంశాల నుంచి ఏదో ఒక పాఠం నుంచి పేరాగ్రాఫ్‌ ఇచ్చి ఐదు ప్రశ్నలు ఇస్తారు. అందులో (ప్రశ్న సంఖ్య 1-5) అపరిచిత గద్యం ఇచ్చి ఐదు ప్రశ్నలు ఇస్తారు. (ప్రశ్న సంఖ్య 6- 10) ప్రతి సమాధానానికి 2 మారుల చొప్పున 10 మారులు. పరిచిత గద్యం ‘బారస్తే బాదల్‌, మాముజే అనేదే కన్‌ -కా అధికారి’ పాఠాల నుంచి ఉంటాయి.
• పద్య భాగం ఇచ్చి నుంచి ప్రశ్నలు (ప్రశ్న సంఖ్య 11-15) ఐదు మారులు ఉంటాయి. ఈ సెక్షన్‌లో విద్యార్థులు ఇచ్చిన గద్యం/ పద్యాన్ని క్షుణ్ణంగా చదివి అర్థం చేసుకొని ప్రశ్నను బట్టి సమాధానాన్ని (1-2) పంక్తులలో రాయాలి.

సెక్షన్‌-2లో..

• అందులో లఘు ఉత్తరాత్మక ప్రశ్నలు 4 (44=16, ప్రశ్న 16-19) నిబంధాత్మక ప్రశ్న 20వ ప్రశ్న. పద్యభాగం నుంచి (ఇంటర్నల్‌ ఛాయిస్‌ ఉంటుంది), 21వ ప్రశ్న (ఇంటర్నల్‌ చాయిస్‌ ఉంటుంది), 22వ ప్రశ్న సృజనాత్మక ప్రశ్నలు(ఇంటర్నల్‌ ఛాయిస్‌ ఉంటుంది) ఉంటాయి. ప్రతి ప్రశ్నకు 8 మారులు చొప్పున 38=24 మారులు ఉంటాయి.

ఏ : లఘు ఉత్తరాత్మక ప్రశ్న: ఇందులో 4 ప్రశ్నలు ఉంటాయి. ఛాయిస్‌ ఉండదు. పద్య భాగం నుంచి రెండు, గద్య భాగం నుంచి రెండు ప్రశ్నలు ఉంటాయి. ప్రతి ప్రశ్నకు సమాధానం నాలుగు పంక్తులలో రాయాలి. ఈ నాలుగు ప్రశ్నలలో ఒక ప్రశ్న కవి/రచయిత పరిచయంపై ఉంటుంది.

బీ : నిబంధాత్మక ప్రశ్న(20, 21): 20వ ప్రశ్నలో పద్య భాగం నుంచి రెండు ప్రశ్నలు ఇచ్చి ఒకదానికి సమాధానం రాయాలి. 21వ ప్రశ్న గద్యభాగం నుంచి రెండు ప్రశ్నలు ఇచ్చి ఒకదానికి సమాధానం రాయాలి. 22వ ప్రశ్న సృజనాత్మకతపై ఉంటుంది. ఇకడ కూడా రెండు ప్రశ్నలు ఇచ్చి ఒకదానికి సమాధానం రాయాలి. 20, 21వ ప్రశ్నల సమాధానాలు 10 పంక్తులలో రాయాలి.

– ఉమర్‌ అలీహిందీ ఉపాధ్యాయుడు

ఇంగ్లిష్‌

ఇంగ్లిష్‌ సబ్జెక్టులో గరిష్ఠ మారులు 80. పార్ట్‌ -ఏలో 60 మారులు, పార్ట్‌ బీ లో 20 మారులు. పార్ట్‌ -ఏలో ప్రశ్నలకు జవాబులు విద్యార్థి బుక్‌లెట్‌లోనే రాయాలి. పార్ట్‌ -బీ ప్రశ్నలకు జవాబులు అదే ప్రశ్నాపత్రంలో రాసి మెయిన్‌ ఆన్సర్‌ బుక్‌లెట్‌కు జత చేయాలి. మంచి మారులు సాధించేందుకు పాఠ్యపుస్తకంలోని ఏ, బీ, సీ రీడింగ్‌లను క్షుణ్ణంగా చదువుకోవాలి. ప్రతి యూనిట్‌ నుంచి నమూనా ప్రశ్నలను తయారు చేసుకోవాలి. ఏ, బీ, సీ చదువుకునే సమయంలో యాక్చువల్‌ ప్రశ్నలు, ఇన్ఫరెన్షియల్‌ ప్రశ్నలు, ఎక్స్రా పొలెటివ్‌ ప్రశ్నలు, ఓపెన్‌ ఎండెడ్‌ క్వశ్చన్స్‌ సబ్జెక్టు టీచర్‌ సహాయంతో ప్రిపేర్‌ చేసుకొని పరీక్షకు సిద్ధం కావాలి. రీడింగ్‌ కాంప్రహెన్షన్‌ విభాగం నుంచి గరిష్ఠంగా 37 మారులు కేటాయిస్తారు.

అన్‌సీన్‌ ప్యాసేజ్‌ గానీ, అన్‌సీన్‌ పోయం గానీ ఇచ్చి దానికి ఐదు మార్కులు కేటాయించారు. అలాగే, క్రియేటివ్‌ రైటింగ్‌, మేజర్‌ డిస్క్రిప్సన్‌ గ్రూప్‌ ఏ, గ్రూప్‌ బీ నుంచి ఒక్కొక్కటి ఇస్తూ ఇంటర్నల్‌ ఛాయిస్‌గా ఒకటి రాయాలి. దీనికి పది మార్కులు కేటాయిస్తారు. 9వ ప్రశ్న నుంచి 12 వరకు పై చార్ట్స్‌ లేదా బార్‌ గ్రాఫ్స్‌ నుంచి రాయాలి. దీనికి సంబంధించి బాగా ప్రాక్టీస్‌ చేయాలి. ఉత్తమ జీపీఏ సాధించేందుకు ప్రతి విద్యార్థి మేజర్‌, మైనర్‌ డిసోర్సెస్‌ను బాగా ప్రాక్టీస్‌ చేయాలి. ఈ విభాగంలో గరిష్ఠంగా 20 మార్కులు ఉంటాయి. ఇందులో వకాబులరీ, గ్రామర్‌లో మంచి పట్టు సాధించాలి. స్పెలింగ్‌, మీనింగ్‌, పార్ట్స్‌ ఆఫ్‌ స్పీచ్‌ను గమనిస్తూ వాటిని యూనిట్‌ వైస్‌గా నోటీస్‌ చేసుకోవాలి. గ్రామర్‌ విభాగంలో ముఖ్యంగా యాక్టివ్‌ వాయిస్‌ నుంచి పాసివ్‌ వాయిస్‌కి, డైరెక్ట్‌ స్పీచ్‌ నుంచి రిపోర్టెడ్‌ స్పీచ్‌తో పాటు గ్రామర్‌కు సంబంధించిన అంశాలు ప్రాక్టీస్‌ చేయాలి.

– మంజూర్‌ అలీఇంగ్లిష్‌ ఉపాధ్యాయుడు

గణితం..

• గతంతో పోలిస్తే ఈ సంవత్సరం పదో తరగతి గణిత పరీక్షకు చాలా వ్యత్యాసం ఉంది. ఇందులో 80 మారులకు గానూ నిర్వహించే ఈ పరీక్ష శాతం సిలబస్‌తో ఉంటుంది. ఈ గణిత పరీక్షలు రెండు విభాగాలు ఉంటాయి. పార్ట్‌ -ఏ, 60 మారులు. పార్ట్‌ -బీ, 20 మారులు. మొత్తం మూడు గంటలు పరీక్ష.
• పార్ట్‌ -ఏలో మొత్తం మూడు సెక్షన్లు ఉంటాయి. 1వ సెక్షన్‌లో ఆరు ప్రశ్నలు. ఒకో ప్రశ్నకు రెండు మారులు. సెక్షన్‌ 2లో ఆరు ప్రశ్నలు. ఒకోప్రశ్నకు నాలుగు మారులు. ఏ విధమైన ఛాయిస్‌ ఉండదు. అన్ని ప్రశ్నలు సాధించాలి. సెక్షన్‌ 3లో ఆరు ప్రశ్నలు ఇస్తారు. ఇది ఓపెన్‌ ఛాయిస్‌. ఇందులో నుంచి ఏవైనా నాలుగు ప్రశ్నలను సాధించాలి. ప్రతి ప్రశ్నకు ఆరు మారులు. ఇక ఈ పరీక్షలో టెన్‌ జీపీఏ సాధించాలంటే ముఖ్యంగా 3, 4, 14 చాప్టర్లలో గ్రాఫ్‌ ప్రశ్నలు. 8, 9 చాప్టర్లలోని నిర్మాణాలు, 14 చాప్టర్‌లోని సగటు మధ్యగతం బహుళకం సమస్యలు త్రికోణమితిలోని 11.4. అలాగే ఐదు 5, 6, 10 చాప్టర్లపై ప్రత్యేక శ్రద్ధ పెట్టాల్సి ఉంటుంది.
• సెక్షన్‌ 2లో 1వ చాప్టర్‌లో 1.4, 1.5 రెండో చాప్టర్‌లోని ఏ యూనియన్‌, బీ, ఏ ఇంటర్‌ సెక్షన్‌ బీ లాంటి సమస్యలు, ఏడో చాప్టర్‌లోని త్రిభుజ వైశాల్యం 5, 6 చాప్టర్లలోని 5.2, 5.3, 6.2, 6.3పై శ్రద్ధ పెట్టాలి.
• 12వ చాప్టర్‌లోని రెండు అభ్యాసాలు 13వ చాప్టర్‌ లోని రెండో అభ్యాసం 14వ చాప్టర్‌ లోని మధ్య గణితం, బాహుళకం ఫార్ములా, లిటరల్‌ మీనింగ్‌ ఆఫ్‌ ద టర్మ్స్‌ ప్రాక్టీస్‌ చేయాల్సి ఉంటుంది.
• సెక్షన్‌ 3 లో 1, 3, 4, 6, 10, 13 లోని చిన్న ప్రశ్నలు రెండో చాప్టర్‌లోని వెన్‌ డయాగ్రమ్‌ లేదా 12వ చాప్టర్‌లోని దత్తాంశం ఇస్తే డయాగ్రం గీయడం, ఎనిమిదో చాప్టర్‌లోని ప్రాథమిక అనుపాత సిద్ధాంతం, అనువర్తనాలపై శ్రద్ధ చూపితే పార్ట్‌ -ఏ విజయవంతంగా పూర్తి చేయగలుగుతారు. చివరి అరగంటలో ఇచ్చే పార్ట్‌ బీ సమస్యలను ఒక అదనపు సమాధాన పత్రంపై సాధించి సరైన సమాధానం ఇంగ్లిష్‌ క్యాపిటల్‌ లెటర్స్‌లో గుర్తించాల్సి ఉంటుంది. దానిద్వారా విజయవంతంగా పరీక్ష పూర్తి చేసి టెన్‌ జీపీఏ సాధించగలుగుతారు.

– రాచకొండ దేవదాస్‌ గణిత ఉపాధ్యాయుడు

సైన్స్‌

గతేడాది నుంచే ఫిజికల్‌ సైన్స్‌, బయోసైన్స్‌ పరీక్ష ఒకే రోజు నిర్వహిస్తున్నారు. ఈ సంవత్సరం కూడా అలాగే నిర్వహిస్తారు.

పార్ట్‌-ఏలో
మూడు లఘు ప్రశ్నలు ఉంటాయి. ఇందులో అన్నింటికీ సమాధానాలు రాయాలి. ఇందులో ఒక ప్రశ్నకు రెండు మార్కులు ఉంటాయి. లఘు ప్రశ్నలు మూడు ఉంటాయి. ప్రతి ప్రశ్నకు మూడు మారులు. అంతర్గత వెసులుబాటు లేదు. అలాగే, వ్యాసరూప ప్రశ్నలు మూడు ఉంటాయి. అంతర్గత వెసులుబాటు ఉంటుంది. ప్రతి ప్రశ్నకు 5 మారులు ఉంటాయి.

పార్ట్‌ -బీలో
ఆబ్జెక్టివ్‌ టైప్‌లో 10 బిట్లు ఉంటాయి. ప్రతి బిట్‌కు 1 మార్‌ ఉంటుంది. అయితే, ప్రశ్నాపత్రం విద్యాప్రమాణాల ఆధారంగా ఉంటుంది. విషయావగాహన ప్రశ్నలకు 40 శాతం కాబట్టి అధిక ప్రాధాన్యత ఇవ్వాల్సి ఉంటుంది. జీవశాస్త్రం సులభం అనుకుంటారు. కానీ, సునిశీతంగా పరిశీలించి చదవాలి. పటాలు అర్థవంతంగా గీయండి. పటాల పైన ప్రశ్నలు బిట్‌ పేపర్లో కూడా వస్తాయి. ప్రశ్నించడం పరికల్పన చేయడంలో జాగ్రత్త వహించి ప్రశ్నలు తయారు చేయాలి. నినాదాలు తయారు చేసేటప్పుడు రైమింగ్‌తో క్యాచీ ఉండాలి.

సమాచార నైపుణ్యంలో పేరాగ్రాఫ్‌/ టేబుల్‌ / పటం ఇచ్చి ప్రశ్నలు అడుగుతారు. కాబట్టి చకగా చదివి/ పరిశీలించి జవాబులు రాయాల్సి ఉంటుంది. 9,10 చాప్టర్ల నుంచి బయోడైవర్సిటీ సంబంధిత ప్రశ్నలు వస్తాయి. మొత్తంగా 10 చాప్టర్స్‌ చదవాలి. సిలబస్‌ తగ్గింపు లేదు.

సాంఘిక శాస్రం

ఈ సంవత్సరం ఒకే పేపర్‌లో సాంఘిక శాస్త్రంలో ప్రశ్నాపత్రం రూపకల్పన చేశారు. అందులో మార్పులు చోటు చేసుకున్న సందర్భంలో కొంచెం జాగ్రత్తగా వ్యవహరిస్తే విద్యార్థులకు 10 జీపీఏ సాధించవచ్చు. ఈ ప్రశ్నాపత్రం 80 మారులకు తయారు చేస్తుండగా, అందులో రెండు భాగాలు ఉంటాయి. పార్ట్‌ ఏ, పార్ట్‌ బీ మొత్తం 3 గంటల సమయం ఉంటుంది. పార్ట్‌ -ఏ కు 60 మారులు. దీనికి సమయం 2:30 గంటలు. పార్ట్‌ -బీకి 20 మారులు. సమయం 30 నిమిషాలు. పార్ట్‌ -ఏ లో మూడు సెక్షన్లు ఉంటాయి. అందులో అతి లఘు సమాధాన ప్రశ్నలు, లఘు సమాధాన ప్రశ్నలు, వ్యాసరూప ప్రశ్నలు.

• 1వ సెక్షన్‌లో ఆరు అతి లఘు సమాధాన ప్రశ్నలు ఉంటాయి. ప్రతి ప్రశ్నకు 2 మారులు. అన్ని ప్రశ్నలకూ సమాధానం రాయాలి. ప్రతి ప్రశ్నకు 3 నుంచి 4 వాక్యాలలో సమాధానాలు రాయాల్సి ఉంటుంది.
• 2వ సెక్షన్‌లో ఆరు లఘు సమాధాన ప్రశ్నలు ఉంటాయి. ప్రతి ప్రశ్నకు నాలుగు మారులు. అన్ని ప్రశ్నలకు సమాధానాలు రాయాలి. ప్రతి ప్రశ్నకు 5 నుంచి 6 వాక్యాలలో సమాధానాలు రాయాలి.
• 3వ సెక్షన్‌లో ఆరు వ్యాసరూప ప్రశ్నలు ఉంటాయి. ప్రతి ప్రశ్నకు ఆరు మారులు. నాలుగు ప్రశ్నలకు మాత్రమే సమాధానాలు రాయాల్సి ఉంటుంది. ప్రశ్నకు 8 నుంచి 10 వాక్యాల్లో సమాధానాలు రాయాలి.
• పార్ట్‌ -బీలో 20 బహుళైచ్ఛిక ప్రశ్నలు ఉంటాయి. ప్రతి ప్రశ్నకు ఒక మారు మొత్తం 20 మారులు కేటాయిస్తారు. ఈ విభాగంలో ప్రశ్నలకు సమాధానాలు దిద్ది వేసినా, కొట్టివేసినా వాటికి మారులు ఇవ్వరు.
• బహుళైచ్ఛిక ప్రశ్నలు : భిన్నత్వంతో కూడిన, సరైన వాక్యం గుర్తించడం, సరికాని వాక్యం గుర్తించడం, సరైన జతను గుర్తించడం, సరికాని జతను గుర్తించడం, భిన్నమైన దానిని గుర్తించడం, సరైన క్రమంలో అమర్చడం, జత పరచడం, మిస్సింగ్‌ లేబుల్స్‌ మొదలైన రకాల ప్రశ్నలు అడుగుతారు. పైవేవీ కావు, ఏ లేదా బీ లాంటి ప్రశ్నలు ఉండవు. విద్యార్థులు ఈ పార్ట్‌లో మంచి మారులు సాధించాలంటే ప్రతి పాఠ్యాంశాన్ని అవగాహనతో అధ్యయనం చేయాలి.

– ఆరెల్లి కుమారస్వామి సోషల్‌ టీచర్‌

ఒత్తిడిని జయిస్తేనే విజయం

పరీక్షల టైంలో ఆత్మవిశ్వాసంతో నేను బాగా రాస్తాను అనే భావనతో విద్యార్థులు ఉండడం చాలా ముఖ్యం. అనవసర వ్యాపకాల్లో తల దూర్చకుండా చదువు విషయాలపై ఆసక్తి చూపాలి. ఆహారం, నిద్ర విషయంలో నిర్లక్ష్యం చేయొద్దు. మానసిక దృఢత్వంతో సాధించాలనే కసిని పెంచుకోవాలి. సమయపాలనతో పరీక్షల్లో విజయం సాధ్యం. ఇంకా ప్లానింగ్‌ తప్పనిసరి. సానుకూల ఆలోచనలతోటే మనసు ఉల్లాసంగా ఉంటుంది. విలువైన కాలాన్ని పాడుచేసే సోషల్‌ మీడియా(వాట్సాప్‌, ఫేస్‌ బుక్‌, ఇన్‌స్టాగ్రామ్‌), టీవీలు, సినిమాలకు దూరంగా ఉండాలి.

– డాక్టర్‌ అట్ల శ్రీనివాస్‌ రెడ్డి, రిహాబిలిటేషన్‌ సైకాలజిస్ట్‌