China visa free | చైనా కీలక నిర్ణయం.. 55 దేశాల ప్రజలకు 240 గంటల పాటూ వీసా ఫ్రీ ప్రయాణం

China visa free | డ్రాగన్‌ దేశం చైనా కీలక నిర్ణయం తీసుకుంది. తమ దేశంలో పర్యాటక రంగాన్ని ప్రోత్సహించేందుకు 55 దేశాలకు చెందిన ప్రజలకు 10 రోజుల పాటు వీసా లేకుండా తమ దేశంలో ప్రయాణించే వీలు కల్పించింది (China visa free).

China visa free | డ్రాగన్‌ దేశం చైనా కీలక నిర్ణయం తీసుకుంది. తమ దేశంలో పర్యాటక రంగాన్ని ప్రోత్సహించేందుకు 55 దేశాలకు చెందిన ప్రజలకు 10 రోజుల పాటు వీసా లేకుండా తమ దేశంలో ప్రయాణించే వీలు కల్పించింది (China visa free). ఈ మేరకు చైనా కీలక ప్రకటన చేసింది.

చైనా విడుదల చేసిన జాబితాలో ఇండోనేషియా, రష్యా, బ్రిటన్ వంటి దేశాలు ఉన్నాయి. ఆయా దేశాల నుంచి వచ్చే ప్రయాణికులు 240 గంటల పాటు (10 రోజులు) వీసా లేకుండానే చైనా మొత్తం చుట్టేయొచ్చు. ఈ పద్ధతి ద్వారా చైనాకు వచ్చే ప్రయాణికుల వద్ద ధ్రువీకరించిన తేదీలతో ఇతర దేశాలకు వెళ్లే ఇంటర్‌లైన్‌ టికెట్లు, అంతర్జాతీయ ప్రయాణాలకు సంబంధించిన పత్రాలు తప్పనిసరిగా ఉండాలి. ఆ సమయంలో వారు పర్యాటక ప్రదేశాలతోపాటు.. ఫ్యామిలీ ట్రిప్‌, వ్యాపార కార్యకలాపాలను కూడా కొనసాగించొచ్చు. కానీ, విద్య, పని, న్యూస్‌ రిపోర్టింగ్‌ వంటివి చేయాలంటే మాత్రం సరైన వీసాతో ముందుగా అనుమతులు తీసుకోవాల్సి ఉంటుంది. ఈ నిర్ణయం గురువారం నుంచే అమల్లోకి రానుంది.

Also Read..

ట్రంప్‌తో గొడవపై మస్క్‌ పశ్చాత్తాపం

15 ఏండ్ల లోపు పిల్లల సోషల్‌ మీడియా వాడకంపై ఫ్రాన్స్‌ నిషేధం!

అమెరికా-చైనా మధ్య కుదిరిన వాణిజ్య ఒప్పందం