Elon Musk: వీలైనంత త్వ‌ర‌గా ఇండియాకు టెస్లా కంపెనీ: ఎల‌న్ మస్క్‌

Elon Musk: టెస్లా కంపెనీ సీఈవో ఎల‌న్ మ‌స్క్‌.. న్యూయార్క్‌లో ప్ర‌ధాని మోదీని క‌లిశారు. వీలైనంత త్వ‌ర‌గా ఇండియాలో టెస్లా కంపెనీని ఏర్పాటు చేయ‌నున్న‌ట్లు మ‌స్క్ తెలిపారు. భార‌తీయ మార్కెట్‌పై త‌న‌కు ఆస‌క్తి ఉన్న‌ట్లు మ‌స్క్ చెప్పారు. వ‌చ్చే ఏడాది ఇండియాలో ప‌ర్య‌టించ‌నున్న‌ట్లు మ‌స్క్ వెల్ల‌డించారు.

న్యూయార్క్‌: భార‌త్‌లో టెస్లా కంపెనీ ఏర్పాటు చేస్తామ‌న్న విశ్వాసం ఉన్న‌ట్లు ఆ కంపెనీ సీఈవో ఎల‌న్ మ‌స్క్(Elon Musk) అన్నారు. ప్ర‌ధాని మోదీతో ఆయ‌న భేటీ అయిన త‌ర్వాత ఈ వ్యాఖ్య‌లు చేశారు. వీలైనంత త్వ‌ర‌గానే టెస్లా సంస్థ‌ను ఇండియాలో ఏర్పాటు చేయ‌నున్న‌ట్లు ఆయ‌న తెలిపారు. భార‌త భ‌విష్య‌త్తుపై త‌న‌కు న‌మ్మ‌కం ఉంద‌ని, ప్ర‌పంచ‌దేశాల్లో ఆ దేశానికి ప్ర‌త్యేక స్థానం ఉంద‌ని మ‌స్క్ అన్నారు. భార‌తీయ మార్కెట్‌పై ఆస‌క్తి ఉందా అని మ‌స్క్‌ను ద వాల్ స్ట్రీట్ జ‌ర్న‌ల్ ప్ర‌శ్నించింది. దానికి ఆయ‌న అవును అనే స‌మాధానం ఇచ్చారు. ఎన‌ర్జీ నుంచి ఆధ్మాత్మిక‌త వ‌ర‌కు అనేక అంశాల‌పై మ‌స్క్‌తో చ‌ర్చించాన‌ని ప్ర‌ధాని త‌న ట్వీట్‌లో తెలిపారు. ఆ ట్వీట్‌కు మ‌స్క్ రిప్లై ఇచ్చారు. వ‌చ్చే ఏడాది ఇండియాలో ప‌ర్య‌టించ‌నున్న‌ట్లు మ‌స్క్ వెల్ల‌డించారు.

It was an honor to meet again

— Elon Musk (@elonmusk) June 20, 2023