Texas Car Accident | టెక్సాస్‌లో ప్రమాదం.. ప్రయాణికులపైకి దూసుకెళ్లిన కారు.. ఏడుగురు మృతి

Texas Car Accident | అమెరికా (America) లోని టెక్సాస్‌ (Texas)లో ఓ కారు (Car) బీభత్సం సృష్టించింది. అదుపుతప్పి ప్రయాణికులపైకి దూసుకెళ్లింది. ఈ ప్రమాదంలో ఏడుగురు ప్రాణాలు కోల్పోయారు.

Texas Car Accident | అమెరికా (America) లోని టెక్సాస్‌ (Texas)లో ఓ కారు (Car) బీభత్సం సృష్టించింది. అదుపుతప్పి ప్రయాణికులపైకి దూసుకెళ్లింది. ఈ ప్రమాదంలో ఏడుగురు ప్రాణాలు కోల్పోయారు. మరికొందరు తీవ్రంగా గాయపడ్డారు. టెక్సాస్‌ నగరంలోని బ్రౌన్స్‌విల్లేలో ఈ ఘటన చోటు చేసుకుంది.

బ్రౌన్స్‌విల్లే పోలీసు అధికారి మార్టిన్ శాండోవల్ తెలిపిన వివరాలు ఇలా ఉన్నాయి. స్థానిక (అమెరికా) కాలమానం ప్రకారం.. ఉదయం 8:30 గంటల ప్రాంతంలో అతివేగంగా వచ్చిన ఓ ఎస్‌యూవీ కారు (SUV Car) అదుపుతప్పి బస్టాండ్‌లో బస్సుకోసం వేచి ఉన్న ప్రయాణికులపైకి దూసుకెళ్లింది. ఈ ప్రమాదంలో 7 గురు ప్రాణాలు కోల్పోయారు. సుమారు 10 మందికి పైగా తీవ్రంగా గాయపడ్డారు.

ప్రమాద సమాచారం అందిన వెంటనే ఘటనాస్థలికి చేరుకుని సమీపంలోని సీసీటీవీ ఫుటేజ్‌ని పరిశీలించినట్లు మార్టిన్‌ తెలిపారు. ప్రమాదానికి కారణమైన కారు డ్రైవర్‌ను అదుపులోకి తీసుకున్నట్లు చెప్పారు. ఈ ఘటనలో చనిపోయిన వారు వలసదారులుగా గుర్తించినట్లు ఆయన పేర్కొన్నారు. ప్రమాదం ఉద్దేశపూర్వకంగా జరిగిందా లేదా ప్రమాదవశాత్తు జరిగిందా అనే దానిపై దర్యాప్తు చేపట్టామన్నారు. ఘటనకు సంబంధించిన వీడియో ప్రస్తుతం వైరల్‌ అవుతోంది.

https://twitter.com/johnspectator/status/1655278440608587776?s=20

Also Read..

Peru Gold Mine Fire | బంగారు గనిలో ఘోర ప్రమాదం.. 27 మంది కార్మికులు మృతి

Texas | టెక్సాస్‌ మాల్‌ కాల్పుల్లో హైదరాబాద్‌ యువతి మృతి

Ground water | పైకొచ్చిన పాతాళ గంగ.. వేసవిలోనూ బావుల్లో నిండుగా నీళ్లు