Israel – Hamas War | హమాస్ (Hamas)ను అంతం చేయడమే లక్ష్యంగా గాజా స్ట్రిప్పై ఇజ్రాయెల్ సైన్యం (Israeli Defence Force) విరుచుపడుతోంది. ఈ క్రమంలో తాజాగా గాజా లోని అత్యంత పెద్ద ఆసుపత్రి (Gaza Hospital) ఆల్-షిఫా (Al-Shifa Hospital)లోకి ప్రవేశించింది. ఆ ఆసుపత్రిలో హమాస్ కమాండ్ సెంటర్ ఉన్నట్లు ఐడీఎఫ్ ఆరోపిస్తున్న విషయం తెలిసిందే. దీంతో అక్కడ ఉగ్రవాదుల కోసం ముమ్మరంగా గాలింపు చేపడుతోంది. ఈ క్రమంలో ఆసుపత్రిలోకి ప్రవేశించిన ఇజ్రాయెల్ సైన్యం అక్కడ తనిఖీలు చేపట్టింది. ఈ తనిఖీల్లో ఆసుపత్రిలోని ఎంఆర్ఐ యూనిట్ (MRI Unit)లో పెద్ద ఎత్తున ఆయుధాలు బయటపడ్డాయి. అందుకు సంబంధించిన వీడియోని ఐడీఎఫ్ తమ అధికారిక ఎక్స్ ఖాతాలో పోస్టు చేసింది.
Watch as LTC (res.) Jonathan Conricus exposes the countless Hamas weapons IDF troops have uncovered in the Shifa Hospital’s MRI building: pic.twitter.com/5qssP8z1XQ
— Israel Defense Forces (@IDF) November 15, 2023
ఆస్పత్రి కేంద్రంగా కార్యకలాపాలు
ఇజ్రాయెల్ – హమాస్ దళాల దాడుల కారణంగా సర్వం కోల్పోయిన 20 వేల మందికిపైగా ప్రజలు హాస్పిటల్ కాంప్లెక్స్లో ఆశ్రయం పొందుతున్నారు. అయితే.. హమాస్ దళాలు ఆ ఆసుపత్రి కేంద్రంగా మిలిటరీ కార్యకలాపాలు కొనసాగిస్తున్నాయని ఇజ్రాయెల్ ఆరోపిస్తోంది. కానీ, హమాస్ మాత్రం ఆ ఆరోపణలను కొట్టి పారేస్తోంది. దీంతో టన్నెల్ నెట్వర్క్ను కనుగొనేందుకు ఇజ్రాయెల్ ఆ ఆసుపత్రి వద్ద భారీ ఎత్తున సోదాలు చేస్తోంది. తాజాగా జరిపిన సోదాల్లో పెద్ద ఎత్తున ఆయుధాలు బయటపడ్డాయి.
మరోవైపు ఇజ్రాయెల్ దాడులతో గాజాలో మృత్యు ఘోష కొనసాగుతోంది. ముఖ్యంగా ఆల్-షిఫా ఆసుపత్రి వద్ద భాయనక పరిస్థితి నెలకొంది. నీరు, విద్యుత్, ఔషధాల సరఫరా నిలిచిపోవడంతో రోగులు తీవ్ర ఇబ్బందులు పడుతున్నారు. ఐసీయూలో చికిత్స పొందుతున్న నవజాత శిశువుల పరిస్థితి అత్యంత దాయనీయంగా ఉంది. హాస్పిటల్లో ఫ్యూయల్ సరఫరా నిలిచిపోవడంతో ఇంటెన్సివ్ కేర్లో ఉన్న పసికందులు, పలువురు రోగులు మృత్యువాత పడ్డారు. ఇలా చనిపోయిన 179 మందిని ఆసుపత్రి కాంపౌండ్లో సామూహిక ఖననం చేశారు.
Also Read..
China Fire Accident | చైనాలో ఘోర అగ్ని ప్రమాదం.. 26 మంది మృతి
New York Diwali | న్యూయార్క్లో పాఠశాలలకు దీపావళి నాడు సెలవు