Donald Trump | ఇరాన్‌కు ఆయుధాలిస్తే చాలాపెద్ద సమస్యలొస్తాయ్‌.. చైనాకు అమెరికా అధ్యక్షుడు ట్రంప్‌ వార్నింగ్‌

Donald Trump | యుద్ధం సమయంలో ఇరాన్‌కు చైనా ఆయుధాలు సరఫరా చేస్తున్నట్లు వెలువడిన నివేదికలపై అమెరికా అధ్యక్షుడు డొనాల్డ్‌ ట్రంప్‌ స్పందించారు. ఇరాన్‌కు ఆయుధాలు పంపితే చైనా తీవ్ర సమస్యలు ఎదుర్కోవాల్సి వస్తుందని హెచ్చరించారు. అలాంటి చర్యలను ఇకనైనా మానుకోవాలని వార్నింగ్‌ ఇచ్చారు.

Donald Trump : యుద్ధం సమయంలో ఇరాన్‌కు చైనా ఆయుధాలు సరఫరా చేస్తున్నట్లు వెలువడిన నివేదికలపై అమెరికా అధ్యక్షుడు డొనాల్డ్‌ ట్రంప్‌ స్పందించారు. ఇరాన్‌కు ఆయుధాలు పంపితే చైనా తీవ్ర సమస్యలు ఎదుర్కోవాల్సి వస్తుందని హెచ్చరించారు. అలాంటి చర్యలను ఇకనైనా మానుకోవాలని వార్నింగ్‌ ఇచ్చారు. చమురు నౌకల ప్రయాణం కోసం హర్మూజ్‌ను తిరిగి తెరవడానికి వీలుగా సీమైన్స్‌ను తొలగించడంలో తమ దళాలు కృషి చేస్తున్నాయని ఆయన వెల్లడించారు. ఇరాన్‌తో చర్చలు విఫలమైనప్పటికీ అంతిమ విజయం తమదేనని పేర్కొన్నారు.

ఇరాన్‌ను తాము సైనికపరంగా ఓడించామని ట్రంప్‌ అన్నారు. యుద్ధం విషయంలో నాటో వైపు నుంచి అమెరికాకు ఎలాంటి సాయం లభించలేదని చెప్పారు. అమెరికా-ఇరాన్‌ మధ్య చర్చలు జరుగుతున్న సమయంలోనే.. ఇప్పటివరకు జరిగిన దాడుల్లో దెబ్బతిన్న తమ రక్షణ సామర్థ్యాలను వేగంగా పునర్నిర్మించుకోవడానికి ఇరాన్‌ చర్యలు తీసుకుంటోంది. ఈ క్రమంలో చైనా.. ఇరాన్‌కు భారీగా ఆయుధాలు సరఫరా చేస్తున్నట్లు అమెరికా నిఘా వర్గాలు గుర్తించాయని అంతర్జాతీయ మీడియా కథనాలు వెలువడ్డాయి.

భుజం మీద పెట్టుకొని ప్రయోగించే షార్ట్‌ రేంజ్ మిసైల్‌ లాంచర్‌లను, ఇతర క్షిపణి వ్యవస్థలను టెహ్రాన్‌కు సరఫరా చేయడానికి బీజింగ్‌ ప్రణాళిక రచిస్తున్నట్లు ఆ కథనాలు పేర్కొన్నాయి. వారం రోజుల్లో అవి టెహ్రాన్‌కు చేరే అవకాశం ఉందని తెలిపాయి. తన పేరు బయటకురాకుండా ఉండేందుకు చైనా ఆయుధాలను ఇతర దేశాల మీదుగా ఇరాన్‌కు తరలిస్తున్నట్లు తెలుస్తోంది. ఈ వార్తలను వాషింగ్టన్‌లోని చైనా రాయబార కార్యాలయం ఖండించింది. యుద్ధం మొదలైనప్పటి నుంచి ఏ పక్షానికి ఎలాంటి ఆయుధాలు సరఫరా చేయలేదని పేర్కొన్నది.

అయితే చైనా నుంచి ఆయుధాలు అందినట్లు ఇరాన్‌ బహిరంగంగా వెల్లడించింది. కానీ, తాము అమెరికా విమానాలను విజయవంతంగా కూల్చడానికి చైనా ఆయుధాలను వాడలేదని, తమ అధునాతన రక్షణ వ్యవస్థలే యూఎస్‌ విమానాలను కూల్చడానికి ఉపయోగపడ్డాయని ఐఆర్‌జీసీ వెల్లడించింది.