నేడు ఎల్బీస్టేడియంలో ప్రధాని సభ

ఎల్బీ స్టేడియంలో మంగళవారం బీజేపీ నిర్వహిస్తున్న బహిరంగ సభకు ప్రధానమంత్రి నరేంద్రమోదీ హాజరవుతున్నారు.

• మధ్యాహ్నం 2 నుంచి రాత్రి 8 వరకు స్టేడియం పరిసరాలలో ట్రాఫిక్‌ ఆంక్షలు

సిటీబ్యూరో, నవంబర్‌ 6 (నమస్తే తెలంగాణ): ఎల్బీ స్టేడియంలో మంగళవారం బీజేపీ నిర్వహిస్తున్న బహిరంగ సభకు ప్రధానమంత్రి నరేంద్రమోదీ హాజరవుతున్నారు. ఈ నేపథ్యంలో స్టేడియం పరిసరాలలో మధ్యాహ్నం 2 నుంచి రాత్రి 8 గంటల వరకు ట్రాఫిక్‌ ఆంక్షలు విధిస్తూ నగర ట్రాఫిక్‌ అదనపు సీపీ సుధీర్‌బాబు ఉత్తర్వులు జారీ చేశారు.

పరిస్థితులను బట్టి ఆంక్షలు..

• ఏఆర్‌ పెట్రోల్‌ పంప్‌ జంక్షన్‌ నుంచి బీజేఆర్‌ విగ్రహం వైపు ట్రాఫిక్‌కు అనుమతి ఉండదు. వాహనాలను నాంపల్లి, రవీంద్రభారతి వైపు మళ్లిస్తారు.
• అబిడ్స్‌, గన్‌ఫౌండ్రి నుంచి బీజేఆర్‌ విగ్రహం వైపు ట్రాఫిక్‌ను అనుమతించరు. ఈ వాహనాలను ఎస్‌బీఐ గన్‌ఫౌండ్రి నుంచి చాపల్‌ రోడ్డులోకి మళ్లిస్తారు.
• ట్యాంక్‌బండ్‌ నుంచి బషీర్‌బాగ్‌ జంక్షన్‌ వైపు వెళ్లే వాహనాలను లిబర్టీ జంక్షన్‌ వద్ద హిమాయత్‌నగర్‌ వైపు మళ్లిస్తారు.
  పార్కింగ్‌ స్థలాలు
• సికింద్రాబాద్‌ వైపు నుంచి వచ్చే వాహనాలు అయాకర్‌ భవన్‌ వద్ద ఆగి, వాహనాలను ఎన్టీఆర్‌ స్టేడియంలో పార్కు చేయాలి.
• మెహిదీపట్నం వైపు నుంచి వచ్చే వాహనాలు పబ్లిక్‌ గార్డెన్‌ వద్ద ఆగి, గార్డెన్‌ లోపలికి వెళ్లి పార్కు చేయాలి.
• ఎల్బీనగర్‌ వైపు నుంచి వచ్చే వాహనాలు పబ్లిక్‌గార్డెలో ఆగి, వాహనాలను నిజాం కాలేజీ గ్రౌండ్‌లో పార్కు చేయాలి.
• ముషీరాబాద్‌, అంబర్‌పేట, హిమాయత్‌నగర్‌ వైపు నుంచి వచ్చే వాహనాలను నిజాం కాలేజీ గ్రౌండ్‌లో పార్కు చేసుకోవాలి.
• వీఐపీ వాహనాలను టెన్నీస్‌ కోర్టులో పార్కు చేయాలి.
• మీడియా వాహనాలు నిజాం కాలేజీ ఫస్ట్‌ గేట్‌ వద్ద ఆగి.. మహబూబ్‌కాలేజీలో పార్కు చేయాలి.