జనజీవనం అస్తవ్యస్తం సహాయక చర్యలు ముమ్మరం

మేడ్చల్‌ జోన్‌ బృదం జూలై 27: నాలుగైదు రోజులుగా కురుస్తున్న కుండపోత వర్షంతో నియోజకవర్గ వ్యాప్తంగా చెరువులు, కుంటలు, వాగులు పొంగి పొర్లుతున్నాయి. బుధవారం నుంచి గురువారం సాయంత్రం వరకు వర్షం కురుస్తూనే ఉంది.

• ముంపు కాలనీల్లో ప్రజాప్రతినిధుల పర్యటన
• నిరాశ్రయులకు భోజన ఏర్పాట్లు
• సురక్షిత ప్రాంతాలకు బాధితుల తరలింపు

మేడ్చల్‌ జోన్‌ బృదం జూలై 27: నాలుగైదు రోజులుగా కురుస్తున్న కుండపోత వర్షంతో నియోజకవర్గ వ్యాప్తంగా చెరువులు, కుంటలు, వాగులు పొంగి పొర్లుతున్నాయి. బుధవారం నుంచి గురువారం సాయంత్రం వరకు వర్షం కురుస్తూనే ఉంది. దీంతో జన జీవనానికి ఆటంకం ఏర్పడింది. లోతట్టు ప్రాంతాలు జలమయం అయ్యాయి. డ్రైనేజీ వ్యవస్థ స్తంభించకుండా మున్సిపాలిటీల సిబ్బంది అప్రమత్తంగా ఉండి సహాయక చర్యలు ముమ్మరం చేశారు.

• మేడ్చల్‌ మున్సిపాలిటీ పరిధిలో మల్లారెడ్డి యువసేన ఆధ్వర్యంలో మేడ్చల్‌ వ్యవసాయ మార్కెట్‌ కమిటీ భాస్కర్‌ యాదవ్‌, బీఆర్‌ఎస్‌ మండల అధ్యక్షుడు దయానంద్‌ యాదవ్‌, కౌన్సిలర్లు మహేశ్‌, శివకుమార్‌ యాదవ్‌, నాయకులుతదితరులు రోజువారీ కూలీపై బతికే నిరుపేదలకు భోజన ప్యాకెట్లను అందజేశారు.
• మేడ్చల్‌ పెద్ద చెరువు అలుగు మరింత ఉధృతంగా ప్రవహించింది. ఈ దృశ్యాన్ని వీక్షించడానికి పెద్ద ఎత్తున ప్రజలు తరలివచ్చారు.వరద నీటికి 20 నుంచి 25 కిలోల బరువు ఉన్న చేపలు కొట్టుకువచ్చాయి. ఒక్కో చేపను రూ.2వేల నుంచి రూ.2,500లకు విక్రయించారు.
• మేడ్చల్‌-కిష్టాపూర్‌, మేడ్చల్‌-గౌడవెల్లి దారులపై నుంచి భారీగా నీరు పొంగి ప్రవహించడంతో ఆదారుల్లో రాకపోకలు స్తంభించాయి.

• గుండ్లపోచంపల్లి మున్సిపాలిటీ పరిధిలోని అయో ధ్య చౌరస్తా వద్ద వర్షం నీరు నిలిచిపోయి మేడ్చల్‌-గండిమైసమ్మ రోడ్డులో వాహనాల రాకపోకలకు ఆటంకం ఏర్ప డింది. మున్సిపల్‌ కమిషనర్‌ రాములు, మున్సిపల్‌ పాలకవర్గ సభ్యులు, పీ వెంకట్‌రెడ్డి, సీఐ నర్సింహారెడ్డి, ఇరిగేషన్‌, ఆర్‌అండ్‌బీ అధికారులు అక్కడకు చేరుకుని జేసీబీతో నీటిని రోడ్డుపై నుంచి తొలంగిచారు. సహాయక చర్యల్లో మున్సిపల్‌ వైస్‌ చైర్మన్‌ ప్రభాకర్‌, కౌన్సిలర్లు మల్లికార్జున్‌ ముదిరాజ్‌, బాల్‌రాజ్‌, మాజీ సర్పంచ్‌ శ్రీనివాస్‌రెడ్డి, బీఆర్‌ఎస్‌ నేతలు పాల్గొన్నారు.
• మైమస్మగూడలో కోమటి కుంట చెరువు నిండి అలుగు పారడంతో నీరు గ్రామంలోకి వచ్చి రోడ్లపై పారా యి. రోడ్డు పక్కను ఉన్న ఇండ్లలోకి,హాస్టళ్లలోకి నీరు వచ్చి చేరింది. అప్రమత్తమైన మున్సిపల్‌ చైర్‌ పర్సన్‌ లక్ష్మీ శ్రీనివాస్‌రెడ్డి, కమిషనర్‌ రాములు, కౌన్సిలర్‌ పెంటయ్య సహాయక చర్యలు చేపట్టారు. హాస్టళ్లలోని విద్యార్థులను మున్సిపల్‌ ట్రాక్టర్‌లో సమీపంలోని ఇతర హాస్టళ్లకు తరలించా రు. ఇండ్లలో చేరిన నీరును జేసీబీతో తొలగించారు. సహా యం కోసం 9302011506, 9705208 485 హెల్ప్‌లైన్‌ నంబర్లకు ఫోన్‌ చేయాలని కమిషనర్‌ రాములు సూచించారు.

• ఉమ్మడి శామీర్‌పేట మండలంలో సీఐ నిరంజన్‌రెడ్డి నేతృత్వంలో సిబ్బంది, గ్రామాల సర్పంచ్‌లు వరద ప్రాం తాల్లో, ప్రమాదకర రోైడ్లెన ఆలియాబాద్‌-బాబాగూడ రోడ్డు, జగ్గంగూడ-కొల్తూర్‌ రోడ్లపై బారికేడ్లు ఏర్పాటు చేసి వాహనానాలను మళ్లించారు.
• ఆద్రాస్‌పల్లి వాగులోని ఆనకట్ట వద్ద చేపల వేటకు వెళ్లిన గ్రామస్తులో ఒక్కరు నీటి ప్రవాహానికి కొట్టుకుపోతుండగా గ్రామస్తులు, మత్సకారులు కాపాడారు. మజీద్‌పూర్‌ గ్రామంలోని హనుమండ్ల కుంట, ఎగువ ప్రాంతా ల నుంచి వచ్చిన వరద నీరు బాలాజీ హోమ్స్‌లో నిలిచిపోవడంతో ప్రజలు ఇండ్లలోనుంచి బయటకు రాలేని పరిస్థితి చోటు చేసుకుంది.
• తూంకుంట మున్సిపాలిటీలోని వరద ప్రాంతాలు, దెబ్బతిన్న ఇండ్లను చైర్మన్‌ రాజేశ్వర్‌రావు, ఇన్‌ఫోర్స్‌మెంట్‌ ఇన్‌చార్జి గణేశ్‌ పరిశీలించి సహాయక చర్యలు చేపట్టారు. ఘట్‌కేర్‌ మండలం వెంకటాపూర్‌ పరిధి అరుంధతీకాలనీ నీట మునిగింది. ఎంపీపీ సుదర్శన్‌ రెడ్డి కాలనీకి చేరుకుని వరద నీటిని పరిశీలించారు.

• ఏదులాబాద్‌ లక్ష్మీనారాయణ చెరువు వరద నీటితో నిండు కుండలా నిండి అలుగు పారుతుంది.
• నాగారం, దమ్మాయిగూడ మున్సిపాలిటీల్లో కురిసిన భారీ వర్షాలకు పలు కాలనీలు జలమయమయ్యాయి. రాంపల్లి చౌరస్తా వద్ద ఉన్న కుమ్మరి కుంట నుంచి భారీగా వరద రావడంతో వాహనాలు రాకపోకలకు ఇబ్బందులు ఏర్పాడ్డాయి.నాగారం మున్సిపల్‌ చైర్మన్‌ చంద్రారెడ్డి, అధికారులు, పోలీసులు కాలనీల్లో పర్యటించి సమస్యలను పరిష్కరించారు. నీట మునిగిన కాలనీలో కౌన్సిలర్‌ పంగ హరిబాబు పాలు, తాగునీటిని ఇంటింటికి అందజేశారు.

• చెంగిచర్ల 3వ డివిజన్‌ పరిధిలోని ఎమ్మెఆర్‌, వెంకటసాయినగర్‌ కాలనీల్లో పరిస్థితిని కార్పొరేటర్‌ చందర్‌గౌడ్‌ను అడిగి తెలుసుకున్నారు .అనంతరం ఆల్మాస్‌కుంటను కార్పొరేటర్‌ అజయ్‌యాదవ్‌,జంగారెడ్డితో కలిసి కమిషనర్‌ వేణుగోపాల్‌రెడ్డి పరిశీలించారు.అత్యవసరమై తే కంట్రోల్‌ రూం 040-27215959కు ఫోన్‌చేయాల్సిందిగాప్రజలకు మేయర్‌, కమిషనర్‌ సూచించారు.