ఒడిశా నుంచి సరఫరా.. నగరంలో గంజాయి దందా
గంజాయి దందా చేస్తున్న ఇద్దరిని మొయినాబాద్ పోలీసులు అరెస్టు చేశారు. నిందితుల వద్ద నుంచి రూ.5.5లక్షల విలువజేసే 100 కిలోల గంజాయి, కారు, ద్విచక్రవాహనం, రెండు సెల్ఫోన్లను స్వాధీనం చేసుకున్నారు.
- ఇద్దరి అరెస్టు.. 100 కిలోల గంజాయి స్వాధీనం
సిటీబ్యూరో, డిసెంబరు 15 (నమస్తే తెలంగాణ): గంజాయి దందా చేస్తున్న ఇద్దరిని మొయినాబాద్ పోలీసులు అరెస్టు చేశారు. నిందితుల వద్ద నుంచి రూ.5.5లక్షల విలువజేసే 100 కిలోల గంజాయి, కారు, ద్విచక్రవాహనం, రెండు సెల్ఫోన్లను స్వాధీనం చేసుకున్నారు. రాజేంద్రనగర్ డీసీపీ జగదీశ్వర్ రెడ్డి కేసు వివరాలను మీడియాకు వెల్లడించారు. మొయినాబాద్లోని ముడిమ్యాల రిజర్వ్ ఫారెస్ట్ పరిసర ప్రాంతాల్లో పులి సంచరిస్తున్నదని సమాచారం అందుకున్న మొయినాబాద్ పోలీసులు శ్రీరామనగర్, సూరంగల్, వెంకటాపూర్ తదితర గ్రామ శివారు ప్రాంతాల్లో గస్తీ నిర్వహించారు.
ఈ క్రమంలో సూరంగల్ శివారు ప్రాంతంలో ఉన్న ఏఎంఆర్ వెంచర్లో నిర్మాణంలో ఉన్న ఒక ఇంటి ఆవరణలో గంజాయి విక్రయిస్తున్నట్లు పోలీసులకు సమాచారం అందింది. ఈ మేరకు పోలీసు బృందం ఆ ఇంట్లోకి వెళ్లి పరిశీలించగా.. ఇద్దరు వ్యక్తులు అనుమానాస్పద స్థితిలో కనిపించారు. పోలీసులను చూసిన వారిద్దరు అక్కడి నుంచి పారిపోయేందుకు యత్నించారు. పోలీసులు వారిని అదుపులోకి తీసుకుని, వారి వద్ద నుంచి రూ.5.5లక్షల విలువజేసే 100 కిలోల గంజాయిని స్వాధీనం చేసుకున్నారు.
ధూల్పేటలో తగ్గని గంజాయి విక్రయాలు..
రాజస్థాన్కు చెందిన బావర్ఖాన్(37) డ్రైవర్. ఉపాధి కోసం నగరానికి వలసొచ్చిన అతడు మేడ్చల్లో నివాసముంటున్నాడు. తక్కువ కాలంలో ఎక్కువ డబ్బులు సంపాదించాలనే దురాశతో గంజాయి వ్యాపారాన్ని ఎంచుకున్నాడు. ఒడిశాలోని మనోజ్ అనే గంజాయి వ్యాపారితో పరిచయం పెంచుకున్నాడు. ఈ క్రమంలో అతడి వద్ద నుంచి తక్కువ ధరకు గంజాయిని కొనుగోలు చేసి, నగరంలో ఎక్కువ ధరకు విక్రయిస్తూ సొమ్ము చేసుకుంటున్నాడు. గురువారం తన కారుతో ఒడిశా వెళ్లిన బావర్ఖాన్.. అక్కడ మనోజ్ వద్ద నుంచి రూ.5.5లక్షల విలువజేసే 100 కిలోల గంజాయి కొనుగోలు చేశాడు. ఈ గంజాయిని ధూల్పేటకు చెందిన సునీల్సింగ్కు కిలో రూ.వెయ్యి చొప్పున విక్రయించేందుకు ఒప్పందం చేసుకున్నాడు. శుక్రవారం ఉదయం నగర శివారు ప్రాంతానికి చేరుకుని సునీల్సింగ్కు సమాచారమిచ్చాడు.
ఏఎంఆర్ వెంచర్లోని నిర్మాణంలో ఉన్న ఇంటి వద్దకు వెళ్లాలని, అక్కడ తన సోదరుడు నితేశ్సింగ్ లేదా బావమరిది వినేష్సింగ్ ఉంటాడని, వారికి గంజాయిని అప్పగించాలని సూచించాడు. ఈ మేరకు బావర్ఖాన్ ఏఎంఆర్ వెంచర్లో నిర్మాణంలో ఉన్న ఇంటి వద్దకు వెళ్లి అక్కడున్న నితేసింగ్కు గంజాయిని అందజేశాడు. అంతలోనే మొయినాబాద్ పోలీసులు అక్కడికి చేరుకుని నిందితులిద్దరిని అరెస్ట్ చేసి, రిమాండ్కు తరలించారు. వారి వద్ద నుంచి 100 కిలోల గంజాయితో పాటు కారు, ద్విచక్రవాహనం, రెండు సెల్ఫోన్లను స్వాధీనం చేసుకున్నారు. ఈ కేసును ఛేదించిన వారిలో మొయినాబాద్ ఎస్ఐ కిషన్సింగ్, హెడ్కానిస్టేబుల్ దేవిసింగ్, కానిస్టేబుల్ రాజు, హోమ్గార్డు సత్తయ్య తదితరులు ఉన్నారు.
Read Today's Latest Hyderabad News in Telugu and Telugu News
RELATED ARTICLES
తాజా వార్తలు
Ind vs Nz | వెల్లింగ్టన్ టెస్టులో భారత్ పరుగుల విధ్వంసం.. 9 వికెట్లు సాధిస్తే టీమిండియాదే గెలుపు
Ajay Devgn | ఓటీటీలోకి అజయ్ దేవగన్ ‘దృశ్యం: ది కన్క్లూజన్’.. స్ట్రీమింగ్ తేదీ అధికారిక ప్రకటన!
మంచిర్యాలను కమ్మేసిన పొగమంచు.. తెల్లవారుజామున కనువిందు చేసిన ప్రకృతి అందాలు!
Parliament Session | కొనసాగింపా..శీతాకాలమా.. 100 రోజులు పూర్తయినా ప్రొరోగ్ కాని ఉభయ సభలు?
Delimitation Bill | ఒక్కో ఎంపీకి రూ.150 కోట్ల ఆఫర్.. డీలిమిటేషన్ బిల్లు ఆమోదానికి ప్రలోభాలు: సంజయ్ రౌత్
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

