వర్షాకాలం..కరెంట్తో పైలం
భారీ వర్షాలతో ముంపు సమస్యలే కాదు... విద్యుత్ ప్రమాదాలు పొంచి ఉంటాయి. రెండు, మూడు రోజుల వ్యవధిలోనే రెండు సంఘటనల్లో ముగ్గురు విద్యుత్ఘాతానికి గురై మృతి చెందారు.
- అప్రమత్తతతోనే ప్రమాదాలకు దూరం
- సూచనలు పాటిస్తే ప్రమాదాలు దూరం..
- వేడిగా ఉండే చోట, నీరు ఉన్న చోట వైర్లను, విద్యుత్ పరికరాలను ఉంచరాదు.
- నాణ్యమైన సర్వీసు వైరును ఉపయోగించాలి.
- వైరు పాతబడితే వెంటనే మార్చి కొత్త వైరు బిగించాలి.
సిటీబ్యూరో, సెప్టెంబర్ 10 (నమస్తే తెలంగాణ) : భారీ వర్షాలతో ముంపు సమస్యలే కాదు… విద్యుత్ ప్రమాదాలు పొంచి ఉంటాయి. రెండు, మూడు రోజుల వ్యవధిలోనే రెండు సంఘటనల్లో ముగ్గురు విద్యుత్ఘాతానికి గురై మృతి చెందారు. విద్యుత్ ప్రమాదాలపై అధికారులు అప్రమత్తంగా ఉండాలని సూచనలు చేస్తున్నా ఎక్కడో ఒక చోట వరసగా జరుగుతున్న ప్రమాదాలు ఆందోళన కలిగిస్తున్నాయి. ఈ నేపథ్యంలో విద్యుత్ శాఖ ఉన్నతాధికారులు అప్రత్తమత్తమై మరోసారి గ్రేటర్ హైదరాబాద్లోని 9 సర్కిళ్ల పరిధిలోని వివిధ స్థాయిల్లోని అధికారులకు ప్రత్యేకంగా సూచనలు చేశారు. వర్షాలు కురిసే సమయంలో విద్యుత్ షాక్ వంటి సంఘటనలు చోటు చేసుకోకుండా ప్రజలను అప్రమత్తం చేయడంతో పాటు ట్రాన్స్ఫార్మర్లు, విద్యుత్ లైన్ల వెంబడి ప్రత్యేక జాగ్రత్తలు తీసుకోవాలని ఆదేశాలు జారీ చేశారు. ముఖ్యంగా బయట విద్యుత్ స్తంభాలు, ట్రాన్స్ఫార్మర్ల వద్ద విద్యుత్ షాక్తో ప్రజలు ప్రమాదాల బారిన పడుతుంటారు. పాతబస్తీలోని బండ్లగూడలో విద్యుత్ షాక్తో భార్యభర్తలు ప్రాణాలు కోల్పోయారు. నల్లా నీరు పట్టే సమయంలో విద్యుదాఘాతానికి గురయ్యారు. వర్షం కురిసి నేల తడిగా మారినప్పుడు ప్రమాద తీవ్రత పెరుగుతుంది. నివాసం ఉండే ఇంటితో పాటు పని చేసే కార్యాలయం, పాఠశాల, దేవాలయం ఇలా పలు చోట్ల వర్షా కాలంలో విద్యుత్ ప్రమాదాలకు అవకాశం ఉంటుందని నిపుణులు సూచిస్తున్నారు.
- గోడల నుంచి వర్షపు నీరు దిగుతుంటే వెంటనే మరమ్మతు చేయించాలి. విద్యుత్ బోర్డులోకి నీరు దిగితే ప్రమాదాలు జరుగుతాయి.
- భవనాలపై నుంచి వెళ్లే డిష్, టెలిఫోన్, ఇంటర్నెట్ సేవల తీగల కారణంగా వర్షాకాలంలో ప్రమాదాలు జరిగే అవకాశం ఉంది.
- విద్యుత్ మరమ్మతు పనులు సొంతంగా చేయకూడదు. చిన్న పనైనా ఎలక్ట్రిషియన్ను పిలిపించి చేయించాలి.
- భవనాల సమీపం నుంచి వెళ్లే తీగలకు ప్లాస్టిక్ తొడుగులు చేయించాలి.
- చేతులు తడిగా ఉన్నప్పుడు స్విచ్లు, ఇతర విద్యుత్ పరికరాలను తాకరాదు.
- పిల్లలకు అందనంత ఎత్తులో ప్లగ్లను ఏర్పాటు చేయాలి.
- ఇంటి వైరింగ్కు తప్పనిసరిగా ఎర్తింగ్ వేయాలి.
- నూతనంగా నిర్మిస్తున్న భవనాలను నీటితో తడుపుతున్నప్పుడు దగ్గరలో ఉన్న విద్యుత్ వైర్లను, పరికరాలను గమనించాలి.
- దుస్తులను ఆరవేయడానికి ఇనుప తీగలను ఉపయోగించరాదు.
Read Today's Latest Hyderabad News in Telugu and Telugu News
RELATED ARTICLES
తాజా వార్తలు
Telangana RERA | రెరా.. ఇది తగునా? రియల్ రంగంలో అవినీతికికొమ్ముకాస్తున్నట్లు విమర్శలు
MLA Raja Singh | ఆయన చెప్పింది నిజమే…తెలంగాణలో గుండాల రాజ్యం, అవినీతి రాజ్యం నడుస్తుంది : ఎమ్మెల్యే రాజాసింగ్
Yadagirigutta | యాదగిరిగుట్టలో ప్రారంభమైన కోటి పుష్పార్చన
మరిన్ని సేవా కార్యక్రమాలు చేపడతాం : వేల్పుల వేణు గోపాల్
IND vs NZ | హెన్రీ నికోల్స్, గ్లెన్ ఫిలిప్స్ అద్భుత పోరాటం..! కివీస్ స్కోరు 243/5
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

